6/26/2022
Today from Hiiraan Online:  _
Wararka Maanta- Sabti, Apr 16, 2022
Xukuumada Somaliland oo ka hadashay suxufiyiinta tirrada badan ee xidhan
 

Sabti, April, 16, 2022 (HOL) -  Xukuumada Somaliland, ayaa sheegtay in sharciga lala tiigsanayo wariyayaashii tabiyay dhacdadii Jeelka Wayn ee Hargaysa, iyadoo dhinaca kale sheegtay in ay ka xuntahay xadhiga suxufiyiinta.

Wasiirada wasaaradaha arrimaha gudaha iyo warfaafinta Somaliland Maxamed Kaahin Axmed iyo Saleebaan Yuusuf Cali Koore oo warbaahinta si wada jir ah ula hadlay ayaa sheegay in cidii saxafiyiinta kamid ah ee danbi lagu helo lagu qaadi doono.

"Saxaafada wixii xidhan waxa loo mari doonaa wadada sharciga ah, iyadoo loo eegayo in dhalinyaro badani ay ku xidhantahay, waxaana la eegi doonaa sida sharcigu qorayo cida danbi gashay iyo cida aan danbi galin, cidii danbi gashayna way arki doonaan dadku" sidaa waxa yidhi wasiir Koore.

Koore ayaa sheegay in ay kaxunyihiin xadhiga saxafiyiinta lakiin qofkii danbi gala lagu qaadayo "Anaba waanu ka xunahay in dad tirrada leeg oo saxaafada ka shaqeeya la xidho, lakiin qofkasta oo muwaadin ah oo danbi gala danbigiisa waa lagu qaadaya".

Wasiir Kaahin ayaa dhankiisa sheegay in qof walba danbigiisa lagu qaadayo "Halkan waxan doonayaa in aan ka sheeko suxufiyiinta xidhan, oo aanu anaguba ka xunahay in mar qudha layidhaahdo tirro intaa leeg baa ka xidhan, in aan qofna danbi aanu lahayn loo samaynayn".

Tirro lagu qiyaasay 15 saxafi ayaa ku jirta saldhigyada booliiska Hargaysa, kadib markii ay xukuumadu ku qoonsatay habkii ay u tabiyeen qalalaase ay sameeyeen qaar kamid ah maxaabiista ku jirta Jeelka Wayn ee Hargaysa.



Abdilahi Geel-maal, Hiiraan Online












Click here
4/16/2022 12:43 PM EST
Sabti, April, 16, 2022 (HOL) - Xafiiska Garyaqaanka guud ee Soomaaliya ayaa maxkamadda sare ee dalka ka codsaday inay diido dacwadda lagasoo gudbiyay go'aanka guddiga doorashadu ku hakiyay kursiga Fahad Yaasiin.

4/16/2022 12:12 PM EST
Sabti, April, 16, 2022 (HOL) - Xildhibaan Maxamed Abiib oo ka tirsan Golaha Wakiillada Somaliland, ayaa maanta sheegay in hanjabaad iyo baahdil uu kala kulmay taliyaha booliska Somaliland, Maxamed Aadan Saqadhi.

4/16/2022 8:04 AM EST
Sabti, April, 16, 2022 (HOL) - Guddoomiyaha kumeel gaarka ee Golaha Shacabka Xildhibaan Cabdisalaan Axmed Dhabanacad ayaa magacaabay xubnaha guddiga qabanqaabada doorashada guddoonka Golaha Shacabka oo ka kooban 10 xubnood, kadib markii Maanta Golaha ay yeesheen kulankoodii ugu horeeyay.

4/16/2022 6:28 AM EST
Sabti, April, 16, 2022 (HOL) - Guddoomiyaha kumeel gaarka ah ee golaha shacabka Soomaaliya, Cabdisalaan Xaaji Axmed (Dhabancad) ayaa ka codsaday xidlhibaannada in la dadajiyo doorashada guddoonka barlamaanka, si uu dalka uga baxo sharciyad la’aanta hay’addaha dastuuriga ah.

4/16/2022 5:19 AM EST
Sabti, April, 16, 2022 (HOL) - Labo sannadood ka hor markii Faadumo Cali ay sheegtay inay iska dhaaftay shaqadii kalkaalisannimada oo ay furaneyso ganacsi ay iyadu leedahay, dad badan ayaa ku tilmaamay in ay waalantahay, balse shirkadeeda hadda waxay haysataa lacag dhan malaayiin Yuuro.

4/16/2022 5:16 AM EST
Sabti, April, 16, 2022 (HOL) - Waxaa goordhaw si rasmi ah u furmay kulankii ugu horeeyay ee Xildhibaanada Golaha Shacabka Baarlamaanka 11-aad ee dalka Soomaaliya, waxaana kulanka shir guddoominaya guddoomiyaha KMG ah ee Golaha Shacabka.

4/16/2022 4:15 AM EST
Sabti, April, 16, 2022 (HOL) - Wararka ka imaanaya deegaanka lagu magacaabo Warmaxan oo ka tirsan gobolka Sh/hoose ayaa sheegaya in dagaalamayaal ka tirsan Al-shabaab ay dagaal kula wareegeen deegaankaasi.

4/16/2022 3:12 AM EST
Sabti, April, 16, 2022 (HOL) - Howlgalka Midowga Afrika ee ku meel gaarka ah ee Soomaaliya ayaa la filayaa in uu yeesho hogaamiye cusub maalmaha soo socda kadib markii uu xumaaday xiriirka u dhaxeeya dowladda Soomaaliya iyo madaxii hore howlgalka.

4/16/2022 3:04 AM EST
Sabti, April, 16, 2022 (HOL) - Xildhibaan Cabdirashiid Xiddig oo katirsan barlamaanka Soomaaliya ayaa markii labaad iskusoo sharraxay xilka guddoomiyaha golaha shacabka, isagoo u arka fursad uu kusoo bixi karo.

4/16/2022 2:07 AM EST
Sabti, April, 16, 2022 (HOL) - Guddiga hirgelinta doorashada maamulka Hirshabeelle ayaa Maanta lagu wadaa in magaalada Jowhar ee xarunta gobolka Sh/dhexe iney ku qabtaan doorashada hal kursi oo sumadiisu tahay HOP 106, kaasoo ay ku tartami doonaan ilaa lix Musharax.

4/16/2022 1:56 AM EST
Sabti, April, 16, 2022 (HOL) - Soomaaliya ayaa loo doortay in ay noqoto Guddoomiyaha Ururka Horumarinta Beeraha Carabta ee Jaamacadda Carabta labada sano ee soo socota.