6/26/2022
Today from Hiiraan Online:  _
Wararka Maanta- Sabti, Apr 16, 2022
Kalkaaliso Soomaali ah oo labo sano gudaheed ku noqotay milyaneer: Sheekada gabadha uu dhalay Feysal Cali Waraabe

Sabti, April, 16, 2022 (HOL) - Labo sannadood ka hor markii Faadumo Cali ay sheegtay inay iska dhaaftay shaqadii kalkaalisannimada oo ay furaneyso ganacsi ay iyadu leedahay, dad badan ayaa ku tilmaamay in ay waalantahay, balse hadda shirkadeeda waxay haysataa lacag dhan malaayiin Yuuro.

Faadumo waxaa dhalay Faysal Cali Waraabe oo ah guddoomiyaha xisbiga mucaaradka UCID ee Somaliland.

Faadumo Cali waa milkiilaha iyo maamulaha shirkadda Hoiwa Oy oo ka shaqeysa arrimaha caafimaadka. Shaqadda shirkadda ayaa ah hannaan ganacsi oo kalkaaliyeyaal ay ugu diraan xarumaha caafimaadka iyo isbitaallada shaqaallaha caafimaadka raadinaya.

Shirkada oo la aas-aasay sannadkii 2020, ayaa isla sannadkaasi sameysay nus milyan Yuuro, sannad-maaliyadeedkeedii labaadna waxaa soo gashay lacag dhan 4.2 milyan.

Faadumo oo ah 35-jir qaxootinnimo ku tagtay dalka Finland, ayaa hal-abuurkeeda ganacsi uu soo jiitay warbaahinta, kaddib markii loo doortay ganacsadaha sanadka ee Espoo. Waxaa ay ku guuleystay abaalmarinta sanadka ee shakhsiyaadka ganacsiga iskood u abuurtay ee waddanka Finland.

“Waxaan u mahadnoqayaa Finland oo ah waddankii aan imid 32 sannadood ka hor anniga oo gabar yar ah. Fursad yaab leh ayuu i siiyay dalkan, waxaana fursadaasi u isticmaalay sidii ugu wanaagsaneyd ee aan awoodi karay”, Faadumo ayaa sidaasi tiri markii ay khudbad ka jeedineysay munaasabadii lagu siinayay abaalmarinta

Hal qof ayaa ka shaqeynayay xafiiska shirka markii la bilaabayay, haddana waxaa ka shaqeeya shaqaale gaaray toban. Sannadkii ugu horreeyay kadib, waxaa shirkadda u diiwaan-gashanaa ku dhawaad 400 oo xirfadlayaal caafimaad ah, haddana waxaa u diiwaan-gashan ilaa 2,500.

Horumarka noocaan oo kala ah ee dhinaca korarka tirooyinka ayaa naadir ku ah nooc kasta oo shirkad ah. Korronka heerka sare ah waxaa u suurtageliyay faa'iidooyinkii badnaa ee shirkadu sameysay sannadkii ugu horreeya.

Hoiwa Oy waxay rabtaa inay ballaariso hawlaheeda oo ay ka dhigto mid gaarta adduunka oo dhan.

Faadumo Cali, oo ka sheekeyneysay waayihii ay kasoo martay markii ay bilaabeysay shirkaddeeda, ayaa sheegtay in ay aheyd hooyo heysatay afar carruur ah oo ay aabahooda kala tageen, isla xiligaasina ay baraneysay sida loo daryeelo dadka qaba xanuunka macaanka (A diabetes nurse).

“Qof walba waxaa uu leeyahay fursad uu ku riyoodo, ganacsi sameey oo ku guuleysto. Si dad badan ay u dareemaan in dadaadka badan la isku abaalmariyo”, ayey raacisay.

Xiligii guga ee sannadkii 2020 shirkadda Hoiwa Oy ayaa loo qaban baahi weyn, maxaa yeelay waxaa baahi deg-deg ah loo qabay kalkaaliyeyaal maadaama xiligaasi uu jiray xanuunka COVID. Xiligaasi kalkaaliyaasha ka shaqeeya shirkadda ayaa aadi jiray meel kasta.

Hassan Istiila, Hiiraan Online
[email protected]













Click here
4/16/2022 4:01 PM EST
Sabti, April, 16, 2022 (HOL) - Xukuumada Somaliland, ayaa sheegtay in sharciga lala tiigsanayo wariyayaashii tabiyay dhacdadii Jeelka Wayn ee Hargaysa, iyadoo dhinaca kale sheegtay in ay ka xuntahay xadhiga suxufiyiinta.

4/16/2022 12:43 PM EST
Sabti, April, 16, 2022 (HOL) - Xafiiska Garyaqaanka guud ee Soomaaliya ayaa maxkamadda sare ee dalka ka codsaday inay diido dacwadda lagasoo gudbiyay go'aanka guddiga doorashadu ku hakiyay kursiga Fahad Yaasiin.

4/16/2022 12:12 PM EST
Sabti, April, 16, 2022 (HOL) - Xildhibaan Maxamed Abiib oo ka tirsan Golaha Wakiillada Somaliland, ayaa maanta sheegay in hanjabaad iyo baahdil uu kala kulmay taliyaha booliska Somaliland, Maxamed Aadan Saqadhi.

4/16/2022 8:04 AM EST
Sabti, April, 16, 2022 (HOL) - Guddoomiyaha kumeel gaarka ee Golaha Shacabka Xildhibaan Cabdisalaan Axmed Dhabanacad ayaa magacaabay xubnaha guddiga qabanqaabada doorashada guddoonka Golaha Shacabka oo ka kooban 10 xubnood, kadib markii Maanta Golaha ay yeesheen kulankoodii ugu horeeyay.

4/16/2022 6:28 AM EST
Sabti, April, 16, 2022 (HOL) - Guddoomiyaha kumeel gaarka ah ee golaha shacabka Soomaaliya, Cabdisalaan Xaaji Axmed (Dhabancad) ayaa ka codsaday xidlhibaannada in la dadajiyo doorashada guddoonka barlamaanka, si uu dalka uga baxo sharciyad la’aanta hay’addaha dastuuriga ah.

4/16/2022 5:16 AM EST
Sabti, April, 16, 2022 (HOL) - Waxaa goordhaw si rasmi ah u furmay kulankii ugu horeeyay ee Xildhibaanada Golaha Shacabka Baarlamaanka 11-aad ee dalka Soomaaliya, waxaana kulanka shir guddoominaya guddoomiyaha KMG ah ee Golaha Shacabka.

4/16/2022 4:15 AM EST
Sabti, April, 16, 2022 (HOL) - Wararka ka imaanaya deegaanka lagu magacaabo Warmaxan oo ka tirsan gobolka Sh/hoose ayaa sheegaya in dagaalamayaal ka tirsan Al-shabaab ay dagaal kula wareegeen deegaankaasi.

4/16/2022 3:12 AM EST
Sabti, April, 16, 2022 (HOL) - Howlgalka Midowga Afrika ee ku meel gaarka ah ee Soomaaliya ayaa la filayaa in uu yeesho hogaamiye cusub maalmaha soo socda kadib markii uu xumaaday xiriirka u dhaxeeya dowladda Soomaaliya iyo madaxii hore howlgalka.

4/16/2022 3:04 AM EST
Sabti, April, 16, 2022 (HOL) - Xildhibaan Cabdirashiid Xiddig oo katirsan barlamaanka Soomaaliya ayaa markii labaad iskusoo sharraxay xilka guddoomiyaha golaha shacabka, isagoo u arka fursad uu kusoo bixi karo.

4/16/2022 2:07 AM EST
Sabti, April, 16, 2022 (HOL) - Guddiga hirgelinta doorashada maamulka Hirshabeelle ayaa Maanta lagu wadaa in magaalada Jowhar ee xarunta gobolka Sh/dhexe iney ku qabtaan doorashada hal kursi oo sumadiisu tahay HOP 106, kaasoo ay ku tartami doonaan ilaa lix Musharax.

4/16/2022 1:56 AM EST
Sabti, April, 16, 2022 (HOL) - Soomaaliya ayaa loo doortay in ay noqoto Guddoomiyaha Ururka Horumarinta Beeraha Carabta ee Jaamacadda Carabta labada sano ee soo socota.