3/28/2024
Today from Hiiraan Online:  _
Wararka Maanta- Khamiis, Sept 9 , 2021
Madaxweynaha Uganda oo ku hanjabay inuu ciidamadiisa kala baxayo Soomaaliya
 

Khamiis, September, 9, 2021 (HOL) - Madaxweynaha dalka Uganda Yoweri Kaguta Museveni ayaa ka digay inay suuragal tahay inuu go’aansado inuu Ciiddanka Uganda ka soo saaro Soomaaliya, sababo la xiriira is-maandhaafka Siyaasadeed ee ka jira dalkaasi.

Madaxweyne Museveni oo wareysi siiyay TV -ga France24 ayaa sheegay inuu ka daalay oo uu ka xun yahay muranka siyaasadeed ee aan dhammaadka lahayn ee ka jira Muqdisho.

Museveni wuxuu sheegay in Soomaaliya ay hareereeyeen is-qabqabsi siyaasadeed oo u dhexeeya Soomaaliya madaxdeeda, taasoo uu ku tilmaamay wuxuu ugu yeeray "AIDS -ka siyaasadeed".

“Arrinta Soomaaliya waa halka aysan ciidammada gudaha ka soo bixin si ay u gutaan waajibaadkooda. Haddii ay sidaas yeeli lahaayeen, xaaladda waa la xallin lahaa waqti hore,” ayuu yiri Museveni.

Uganda ayaa kamid ah dalalka ciidamadooda ugu badan ay ka joogaan Soomaaliya, waana dalkii ugu horeeyay ee ciidamo AMISOM  ah geeya Soomaaliya sannadkii 2007.

Dhawaan, Uganda waxay shaacisay in ay Soomaaliya usoo dirayso ku dhawaad 2,000 askari oo ku biiraya ciidamada AMISOM.

Abdiweli M. Sheikh, Hiiraan Online












Click here
9/9/2021 1:50 PM EST
Khamiis, September, 9, 2021 (HOL) - Guddoomiyaha barlamaanka Soomaaliya Maxamed Mursal Cabdiraxmaan, ayaa ku eedeeyay raysal wasaare Rooble in xukuumadiisu ku xad gudubtay kala socnaanta laamaha dowladda, kadib markii maanta wasiirka cusub ee amniga oo aan helin xasaanad loo dhaariyay xilka loo magacaabay.

9/9/2021 8:48 AM EST
Khamiis, September, 9, 2021 (HOL) - Raysal wasaaraha Xukuumada Feradaalka Soomaaliya Maxamed Xuseen Rooble ayaa ka qeyb galay Munaasabad lagu dhaarinaayay, islamarkaana uu xilka kula wareegayay wasiirka cusub ee amniga gudaha Xukuumada Soomaaliya Cabdullaahi Maxamed Nuur.

9/9/2021 8:32 AM EST
Khamiis, September, 9, 2021 (HOL) - Madaxweynahii hore ee Soomaaliya Sheekh Shariif Sheekh Axmed ahna Guddoomiyaha Golaha Midowga Musharaxiinta madaxweynaha Soomaaliya ayaa markii horeysay ka hadlay Kiiska Ikraan Tahliil Faarax oo aheyd gabar ka tirsaneyd saraakiisha NISA oo sabab u noqotay dilkeeda khilaaf noocii ugu darnaa oo soo kala dhexgala Farmaajo iyo Rooble.

9/9/2021 7:30 AM EST
Khamiis, September, 9, 2021 (HOL) - Xogeeyaha guud ee xisbiga Waddani Khadar Xuseen Cabdi, ayaa guddoomiye Cirro ka difaacay eedaha xukuumada iyo xisbiga UCID ee ah in uu isticmaalay erayga "waxan la kulmay ergayga wadahadalada iyo dib u heshiisiinta ee Somaliland iyo Soomaaliya".

9/9/2021 7:23 AM EST
Khamiis, September, 9, 2021 (HOL) - Madaxii Sakawaadka Alshabaab ee Deegaanka Dadaarow ee Gobolka Baay Maxamed Nur Maxamed Xuseen oo Magaciisa Afgarashadu yahay (Guudow) ayaa isku soo dhiibey Ciidanka Xoogga dalka Qeybta 60aad.

9/9/2021 5:41 AM EST
Khamiis, September, 9, 2021 (HOL) - Wasiirkii hore ee amniga Xukuumadda Soomaaliya Xasan Xundubeey Jimcaale ayaa ka hadlay xilka qaadistii uu ku sameeyay Raysal wasaare Maxamed Xuseen Rooble.

9/9/2021 2:54 AM EST
Khamiis, September, 9, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa kulan la qaatay qaar ka mid ah xubnaha Wakiillada Beesha Caalamka, kuwaa soo ay ka wada hadleen amniga, siyaasadda iyo geedi-socodka iyo dhammeystirka doorashooyinka.

9/9/2021 1:19 AM EST
Khamiis, September, 9, 2021 (HOL) - Guddiga hirgelinta doorashada maamulka Hirshabeelle ayaa soo saaray jadwalka doorashada xubnaha Aqalka sare ee ku matalaya Hirshabeelle Baarlamaanka Soomaaliya.

9/9/2021 1:14 AM EST
Khamiis, September, 9, 2021 (HOL) - Wasiirka wasaarada warfaafinta Somaliland Saleebaan Yuusuf Cali Koore, ayaa guddoomiyaha xisbiga Waddani Cabdiraxman Maxamed Cabdilahi (Cirro) ku eedeeyay in uu xaqiraad kula kacay qaranimada Somaliland kadib kalmada "dib u heshiisiinta Somaliland iyo Soomaaliya" ee uu isticmalay.