3/28/2024
Today from Hiiraan Online:  _
Wararka Maanta- Jimco, Sept 10, 2021
Madaxweynayaasha Galmudug iyo Koonfur Galbeed oo waan waan ka dhex bilaabay Farmaajo iyo Rooble
 

Jimco, September, 10, 2021 (HOL) - Madaxweynayaasha dowlad goboleedyada Galmudug iyo Koonfur galbeed ayaa Muqdisho u tagay sidii ay waan waan uga dhex bilaabi lahaayeen madaxweyne Farmaajo iyo raysal wasaare Rooble oo khilaafkoodu meel adag uu gaaray.

Labada madaxweyne ayaa la kulmay raysal wasaaraha iyo madaxweynaha, waxayna kala hadleen in aysan qaadin tallaabooyin kale oo sii hurin kara khilaafka ka dhexeeya.

Wararka aan helayno waxay sheegayaan in madaxweynaha iyo raysal wasaaruhu aqbaleen dhex dhexaadinta laga dhex wado, inkastoo mid walbaa uu la yimid sharuudo ku xiran wada hadalka laga dhex bilaabay.

Raysal wasaare Rooble ayaa ku adkaystay in taliye Bashiir Goobe uu yahay taliyaha NISA, sidoo kalena madaxweyne Farmaajo wuxuu ku adkaysanayaa in tallaabooyinkii uu qaaday raysal wasaaruhu aanay waxba ka jirin.

Kulamada ayaa la sheegay in maanto oo jimco ah in ay sii soconayaan islamarkaana labada madaxweyne ay rajo wanaagsan ka qabaan in ugu dambayn la heshiisiiyo labada masuul ee dalka ugu sareeyo, si aanu khilaafkooda uu saamayn ugu yeelan arrimaha doorashada.

Abdiweli M. Sheikh, Hiiraan Online












Click here
9/10/2021 12:16 PM EST
Jimco, September, 10, 2021 (HOL) - Kulan degdeg oo ay maanta isugu yimaadeen golaha midowga musharraxiinta madaxweynaha, waxay ku dhawaaqeen in ay si buuxda u garab istaagan yihiin raysal wasaare Rooble.

9/10/2021 12:06 PM EST
Jimco, September, 10, 2021 (HOL) - Guddoomiyihii hore ee maxkamadda Sare ee dalka, Abukaate Caydiid Ilka Xanaf ayaa sheegay in raysal wasaare rooble uu sharciyan ku saxan yahay magacaabida iyo dhaarinta xubinta kamid ah golihiisa wasiiradda.

9/10/2021 10:34 AM EST
Jimco, September, 10, 2021 (HOL) - Xogeeyaha guud ee xisbiga talada Somaliland haya ee Kulmiye Ibraahin Axmed Raabi, ayaa ku eedeeyay madaxda sare ee xisbiga mucaarad ka ah ee Waddani in anay si buuxda u aaminsanayn qadiyada madaxbannaanida Somaliland.

9/10/2021 9:42 AM EST
Jimco, September, 10, 2021 (HOL) - Guddoomiyaha xisbiga mucaaradka Somaliland ee Waddani Cabdiraxman Maxamed Cabdillaahi (Cirro), ayaa ku dhawaaqay in uu markale u tar tamayo jagada guddoomiyaha xisbiga, doorashada qabsoomi doonta shirwaynaha xisbiga ee la qaban doono 30-31 October.

9/10/2021 6:53 AM EST
Jimco, September, 10, 2021 (HOL) - Heshiis Horudhac ah ayaa laga gaaray dagaal muddooyinkii dambe Maleyshiyo beeleed ku dhex marayay deegaanka Kabxanley ee gobolka Hiiraan.

9/10/2021 4:27 AM EST
Jimco, September, 10, 2021 (HOL) - Puntland ayaa soo bandhigtay qaar katirsan dagaalamayaashii Alshabaab ee weeraray xabsiga magaalada Boosaaso iyo qaar kamid ah maxaabiistii Alshabab ee lasoo qabtay markii ay xabsiga ka fakadeen.

9/10/2021 2:19 AM EST
Jimco, September, 10, 2021 (HOL) - Madaxweynaha dowlad goboleedka Puntland Siciid Cabdullaahi Deni, oo Gaalacyo ku sugan, ayaa ku guddoonsiiyay abaalmarino Ciidamadii iyo Masuuliyiintii kale ee ka qayb qaatay nabadgelyada Gobolka Mudug.