3/28/2024
Today from Hiiraan Online:  _
Wararka Maanta- Sabti, Oct 9 , 2021
Faysal Cali Waraabe "Somaliland qofkii 1960 daganaa uun baa muwaadin ah"
 

Sabti, October, 9, 2021 (HOL) - Guddoomiyaha xisbiga UCID ee Somaliland Faysal Cali Waraabe, ayaa siyaasiyiinta reer Muqdisho ku eedeeyay in raafka Laascaanood ay ka dhigteen barnaamij ay kursiga ku gaadhaan, waxaanu sheegay in dadkii 1960 iyo kahor Somaliland dagaana kaliya ay muwaadiniin yihiin.

Faysal ayaa sheegay in sida Dastuurka Somaliland sheegayo kaliya cidii Somaliland daganayd xornimadii kahor ay yihiin muwaadiniin rasmi ah.

"Dagaal baa laynagu soo qaaday inagu lixdankii dalbaynu ahayn, oo ictiraaf ayaynu helnay, waynu la ambanay, waan lasoo noqonay, Distoorka Somaliland wuxuu leeyahay muwaadiniinta Somaliland waa dadkii lixdankii iyo wixii ka horeeyay daganaa, horta, Walawayntu taa ha ogaato, in aanay lixdankii iyo intii ka horaysay aanay daganayn ha ogaadaan" ayuu yidhi Faysal.

Faysal ayaa sheegay in madaxda iyo siyaasiyiinta Soomaaliya ay horay ugu mashquulsanaayeen dugsiga Abaarso hadana ay ku mashquuleen tarxiilka xukuumada Somaliland ay ka wado magaalada Laascaanood, isla markaana, ay ka dhigteen barnaamij ay doorashada ku galaan.

"Maalma dhawayd oo dhan waxay ku mashquulsanaayeen iskuul keena Abaarso, imikana, waxay ku mashquulsanyihiin Laascaanood, waxayba ka dhigteen wado lagu doorto in ay yidhaahdaan 'dalku waa Soomaali, aloore waa Soomaali', wuxu ku leeyayay 'Faysal caruurtiisa iyo caruurtoodu waa habra wadaage xagay kala tagayaan', waxaan u sheegaya in caruurtayda qaar Jarmal ah  habro wadaag yihiin" ayuu yidhi Faysal.

Faysal ayaa hore u dhaliilay sida  xukuumada Somaliland u maamushay, tarxiilka ay magaalada Laascaanood kaga saarayso dadka aan Somaliland u dhalan.



Abdilahi Abdirahman Mohamed, Hiiraan Online
[email protected]












Click here
10/9/2021 8:58 AM EST
Sabti, October, 9, 2021 (HOL) - Maamulka koonfur galbeed ayaa maanta Gaalkacyo ka qaaday 78 qof oo ka kooban 21 qoys, kuwaas oo kamid ahaa dadkii lagasoo barakaciyay magaalada Laascaanood.

10/9/2021 7:50 AM EST
Sabti, October, 9, 2021 (HOL) - Guddoomiyaha maamulka gobolka Banaadir ahna duqa magaalada Muqdisho Cumar Maxamuud Maxamed ayaa maanta xariga ka jaray wado laami ah oo isku xirta Isgoyska Baar Ubax iyo Warshada Taraqa iyo Sigaarka ee magaalada Muqdisho.

10/9/2021 6:39 AM EST
Sabti, October, 9, 2021 (HOL) - Boqortooyada Sacuudi Carabiya ayaa Axmed Bin Maxamed Al-Muwallad u magacawday safiirka cusub ee Jamhuuriyadda Federaalka Soomaaliya.

10/9/2021 6:30 AM EST
Sabti, October, 9, 2021 (HOL) - Xildhibaan Maxamed Abiib oo ka tirsan Golaha Wakiilada Somaliland, ayaa wax laga xumaado ku tilmaamay, tarxiilka ay xukuumada Somaliland gobolka Sool kaga saaraysa dadka aan u dhalan Somaliland.

10/9/2021 6:09 AM EST
Sabti, October, 9, 2021 (HOL) - Madaxweynaha Jubaland Axmed Maxamed Islaam, ayaa Xarunta Madaxtooyada ku qaabilay taliyaha Howlgalka Maraykanka ee Soomaaliya Kornayl Thomas Sarrouf iyo sarakiil kale.

10/9/2021 4:27 AM EST
Sabti, October, 9, 2021 (HOL) - Saraakiisha ciidanka xoogga dalka qeybta 60-aad ee ka howlgala deegaanada maamulka Koofur Galbeed ayaa soo bandhigay sarkaal ka tirsanaa Al-shabaab oo isku soo dhiibay.

10/9/2021 2:16 AM EST
Sabti, October, 9, 2021 (HOL) - Dowlad goboleedka Koonfur Galbeed ayaa shaaca ka qaaday iney wadaan qorshe ay diyaarado ugu soo qaadayaan dadkii dhawaan Somaliland kasoo masaafurisay magaalada Laascaanood ee gobolka Sool.