11/29/2021
Today from Hiiraan Online:  _
Wararka Maanta- Axad, Oct 10, 2021
Wasiirkii hore ee amniga Galmudug oo madaxweyne Qoorqoor ku eedeeyay inuu isbahaysi la yahay Alshabaab
 

Axad, October, 10, 2021 (HOL) - Wasiirkii hore ee amniga Galmudug, Axmed Macalin Fiqi oo shir jiraa'id ku qabtay Muqdisho, ayaa ka digay colaad aan la mahadin doonin oo uu tilmaamay inuu Galmudug ka abaabulayo madaxweyne Qoor-qoor.

Wasiir hore Fiqi wuxuu sheegay in dowladda federalka iyo Galmudug ay Dhuusomareeb geeyeen kun askari oo qorshuhu yahay in lagu weeraro Guriceel lana xasuuqo shacabka Galmudug. Sida uu sheegay.

Fiqi wuxuu nasiib darro ku tilmaamay in dagaaladii dhawaan Galmudug la gashay Shabaab, dowladda federalka laga waayay ciidamo ka qeyb qaata dagaalkaas. Balse  markii Ahlusunna ay timid Galmudug in Muqdisho laga keenay kun askari.

" Waxaan garan weynay in Madaxweynaha (Qoorqoor) uu isbahaysi la yahay Shabaab, inuu Shabaab Simpathy (naxariis) u hayo'," ayuu yiri wasiir Fiqi oo hadalkiisa kusii daray in madaxweynaha Galmudug uu diiday xal kasta oo nabadeed oo lagu wajahayo Ahlusunna.

"Waxaan la kulmay madaxda Alsunna. Waxay ii sheegeen in ay doonayaan in ay si nabad ah Galmudug ugu noolaadaan oo ay ka qeyb qaataan dagaalka Alshabaab. Kadib Madaxweynaha ayaa u imid, waxaan u sheegay in aan hayo furaha xalka Ahlusunna. Wuu iga diiday, wuxuuna igu dhahay, ma tegi kartid Dhuusomareeb", ayuu hadalkiisa ku yiri Fiqi.

Fiqi oo hadalkiisa wata , wuxuu sheegay in qorshaha laga leeyahay colaada ka jirta Galmudug uu yahay mashruuca Muqdisho laga abaabulayo oo lagu carqaladaynayo doorashada Galmudug.

Wuxuu sheegay inuu garan waayay sababta Loola dagaalami waayay Alshabaab oo uu sheegay in ay Galmudug ka haysato dhul badan, dagaaladii dhawaana ku qabsatay 17 gaadiid dagaal oo laga lahaa madaxtooyada Galmudug.



Abdiweli M. Sheikh, Hiiraan Online












Click here
10/10/2021 6:43 PM EST
Axad, October, 10, 2021 (HOL) - Khatarta sii kordhaysa ee caabuqa Covid19 darteed, xukuumada Somaliland ayaa bulshada ku amartay in ay xidhaan afsaab, kala fogaadaan, isticmaalaan jeermis dilayaasha, qaataan tallaalka, isla markaana, anay ka qayb gali karin aaska (duugta) qof u dhintay caabuqa.

10/10/2021 1:24 PM EST
Axad, October, 10, 2021 (HOL) - Guddoomiye ku xigeenka gobolka Sanaag Maxamed Khaliif Nuur, ayaa ku amray dadka aan Somaliland u dhalan ee ku dhaqan gobolka Sanaag, in ay gobolka kaga baxaan mudo 14 cisho ah.

10/10/2021 8:28 AM EST
Axad, October, 10, 2021 (HOL) - Waxaa maanta magaalada Baledweyne soo gaaray wafdi uu hoggaaminaayo guddoomiye ku xigeenka guddiga doorashooyinka heer Fedaraal Mowliid Mataan, kuwaas oo soo dhaweyn loogu sameeyay garoonka diyaaradaha Ugaas Khaliif ee magaalada Baledweyne.

10/10/2021 7:29 AM EST
Axad, October, 10, 2021 (HOL) - Wafdi uu hogaaminaayo Raysal wasaare ku xigeenka Xukuumadda Soomaaliya Mahdi Maxamed Guuleed ayaa gaaray magaalada Hague ee dalka Holand.

10/10/2021 2:37 AM EST
Axad, October, 10, 2021 (HOL) - Burcad hubeysan oo Koofur Afrikaan ah ayaa xalay magaalada East London ee dalkaasi Koofur Afrika waxay ku dileen muwaadin Soomaaliyeed oo ka mid ahaa waxgaradka sida weyn uga dhex muuqday Jaaliyada Soomaaliyeed ee dalkaasi.

10/10/2021 2:18 AM EST
Axad, October, 10, 2021 (HOL) - Qaali Maxamuud Guhaad oo ah Hooyada dhashay Ikraan Tahliil Faarax ayaa markale ku celisay in cadaalada kiiska gabadheeda uu hortaagan yahay madaxweyne Maxamed Cabdullaahi Farmaajo.

10/10/2021 2:05 AM EST
Axad, October, 10, 2021 (HOL) - Raysal wasaaraha Soomaaliya, Maxamed Xuseen Rooble oo la kulmay qoyska Ikraan Tahliil Faarax, ayaa mar kale ku celiyay in ay ka go’an tahay in uusan wax gorgortan ka galeynin kiiska Ikraan ayna ka go'an tahay in ay caddaalad ay hesho maalin uun ha dhawaato ama ha dheeraato.

10/10/2021 1:45 AM EST
Axad, October, 10, 2021 (HOL) - Xildhibaan Aamina Maxamed Cabdi oo katirsan barlamaanka dowladda federalka Soomaaliya ee waqtigiisu dhamaaday, ayaa ku eedeysay hay’adda NISA in ay baabi’isay dhammaan caddeymihii suurtoo galin lahaa in wax laga ogaado cidda ku lug lahayd kiiska Ikraan Tahliil.

10/10/2021 1:32 AM EST
Axad, October, 10, 2021 (HOL) - Dawlad Degaanka loogu magac daray Dawlad Degaanka Koonfur Galbeed Itoobiya ayaa la filayaa in dhawaan lagaga dhawaaqo Itoobiya.