3/28/2024
Today from Hiiraan Online:  _
Wararka Maanta- Sabti, Nov 20, 2021
Somaliland : Madaar casriya oo dowlada Imaaraatka Carabta ka hirgalisay magaalada Berbera


Sabti, November, 20, 2021 (HOL) - Madaxweynaha Somaliland Muuse Biixi Cabdi ayaa si rasmi ah u daahfuray dhismaha madaar casri ah oo shirkad layidhaa TISL oo laga leeyahay dalka Imaraatka Carabtu ka hirgalisay magaalo xeebeedka Berbera.

"Madaarkani wuxuu kamid yahay qorsha horumarinta marinka Berbera Corridor, waxaanu si toosa mataano ula noqonayaa Dekedda Berbera, waxaana adeeg kaheli doona macamiisha dekeda, dalxiisayaasha xiisaynaya magaalo xeebeedka Berbera, maalgashada yaasha caalamiga ah iyo suuqa rakaabka ee mandaqada" sida waxa yidhi maareeyaha hay'adda duulimaadyada Somaliland, Cumar Sayid Cabdillaahi.

Madaxweyne Biixi ayaa sheegay in dowlada Imaaraatka Carabta, ay Somaliland  isgarab taagtay wakhti adag, isagoo sheegay in Somaliland ay abaal u hayso cidkasta oo is garabtaagta, isla markaana ayna ka haybaysanayn dowlad kasta oo aan ixtiraamin haba xoog waynaatee.

"Dowlada Imaraatka Carabta, madaxdooda Somaliland waxay is garabtaageen wakhti adag.., siyaasadeena arrimaha dibadu waxay ku dhisantahay nin waliba intuu itaro uun baan tixgaliyaa, ha xoog waynaadee ama maal ha la haado, waxa weeyaan nin waliba intuu iigu shubo uun baan ugu shubayaa" ayuu yidhi Madaxweyne Biixi.

"Ninka qaranimada Somaliland ixtiraama ee maalin eray nooyidhaahda, ama taakulo wax nagu tara, abaal baanu u haynaa, dowlada arki wayda qaranimada Somaliland, xoogkasta ha la haado, dhaqaale kasta ha lahaado, aniguna kuma arkayo hadanad i arkayn ayaanu leenahay".

Barxada diyaaraduhu ku ordaan ee madaarkan, ayaa dhererkedunyahay 4,140 mitir, waxana lagu tilmaamaa tan ugu dheer ee ku taala guud ahaan qaarada Afrika, waxaana markii ugu horaysay dhisay Midowgii Sovieti 1970 yadii, oo xarun ciidan ka dhigtay si uu Maraykanka uga cidhidhsado gobolka Geeska Afrika.

Madaarkan oo muddo dheer howlgab ahaa ayaa waxa dib u casriyayn ku samaysay shirkada TISL, oo laga leeyahay UAE, waxana gabi ahaanba dib loo dhisay barxadii diyaaradaha, dhismihii madaarka waxaana la casriyeey adeega uu bixinayo, maantana dhul kiisu waxa uu ku fadhiyaa 30 kilo mitir oo isku wareega ,waxana maamuli doonta isla shirkada dhistay.

Abdilahi Geel-maal, Hiiraan Online
[email protected]












Click here
11/20/2021 2:23 PM EST
abti, November, 20, 2021 (HOL) - Kooxda Alshabaab ayaa sheegatay masuuliyadda dilka agaasimihii Radio Muqdisho, Cabdicasiis Maxamuud Guuleed Afrika oo caawa lagu qaarijiyay weerar ismiidaamin ah oo ka dhacay degmada Boondheere ee gobolka Banaadir.

11/20/2021 2:17 PM EST
Sabti, November, 20, 2021 (HOL) - Madaxweynaha Somaliland Muuse Biixi Cabdi, ayaa wareejinta Cirro ee hogaanka xisbiga Waddani ku macneeyay in ay keentay kadib, markii uu garawsaday in siyaasiyiinta Kulmiye ka tirsanaanjiray ay siyaasad fiicanyihiin.

11/20/2021 2:05 PM EST
Sabti, November, 20, 2021 (HOL) - War qoraal ah oo kasoo baxay booliiska Soomaaliya, ayaa lagu sheegay in qof isku soo xiray waxyaabaha Qarxa uu isku miidaamiyay agaasimihii Radio Muqdisho, Cabdicasiis Maxamuud Guuleed Arka.

11/20/2021 1:09 PM EST
Sabti, November, 20, 2021 (HOL) - Allaha u naxariisto agaasimihii Radio Muqdisho, Cabdicasiis Maxamuud Guuleed Afrika, ayaa lagu dilay qarax gaarigiisa loogu xiray oo goor dhowayd ka dhacay magaalada Muqdisho.

11/20/2021 8:53 AM EST
Sabti, November, 20, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa wareegto uu soo saaray waxa uu xilka kaga qaaday wasiirkii arrimaha Dibadda Maxamed Cabdirisaaq Maxamuud.

11/20/2021 3:20 AM EST
Sabti, November, 20, 2021 (HOL) - Iyadoo saacadahii ugu dambeeyay maamulada Galmudug iyo Koonfur Galbeed ay soo saareen liisas bilaaw u ah doorashada kuraasta Golaha Shacabka Soomaaliya ayaa waxaa arintaasi boggaadiyay guddiga doorashada heer Fedaraal.

11/20/2021 2:10 AM EST
Sabti, November, 20, 2021 (HOL) - Guddiga hirgelibta doorashada maamulka Galmudug ayaa soo saaray sharuudaha laga doonayo Musharaxiinta ku tartami doonta shanta kursi ee ugu horeysa doorashada Golaha Shacabka ee deegaan doorashadooda tahay Galmudug.

11/20/2021 1:21 AM EST
Sabti, November, 20, 2021 (HOL) - Wasaaradda arrimaha dibadda ee dalka Sacuudiga ayaa waxay si rasmi ah ugu dhawaaqday in dib loo furayo safaaradda Boqortooyada Sacuudiga ee Soomaaliya.

11/20/2021 1:18 AM EST
Sabti, November, 20, 2021 (HOL) - Ugu yaraan todobo qof ayaa ku dhintay 11 kalena waa ay ku dhaawacmeen qarax jimcihii shalay ka dhacay goob suuq ah oo kutaala degmada Bardaale oo qiyaastii 60-KM dhanka galbeed kaga beegan magaalada Baydhabo ee xarunta gobolka Baay.

11/20/2021 1:06 AM EST
Sabti, November, 20, 2021 (HOL) - Guddoomiyaha xisbiga UCID Faysal Cali Waraabe, ayaa musharaxa madaxweynaha xisbiga Waddani Cabdiraxman Maxamed Cabdillahi Cirro, ku eedeeyay in Xamar looga soo dhiibay hadalkiisii ahaa in 'China Taiwan ka muhiimsanyahay'.

11/20/2021 1:06 AM EST
Sabti, November, 20, 2021 (HOL) - Madaxweyne Mustafe cagjar oo wax laga waydiiyay sababta loo xiray Tvga Nabad tv, ayaa waxa uu sheegay in tvgu uu ka gudbay anshixii saxaafadda, isla markaana lagu saxsanaa in la xiro.