7/30/2021
Today from Hiiraan Online:  _
Wararka Maanta- Arbaco, Jun 9 , 2021
Madaxweynaha Somaliland oo taageeray xildhibaan katirsan xisbiga Waddani in uu noqdo mayorka Hargaysa




Arbaco, Juun, 9, 2021 (HOL) - Madaxweynaha Somaliland Muuse Biixi Cabdi ayaa taageeray Cabdikariim Axmed Mooge, oo kasoo baxay xisbiga Waddani in uu noqdo mayor ka Hargaysa, kadib markii xisbiyada mucaarad ku isku khilaafeen mayor nimadiisa.

Cabdikariim Axmed Mooge oo aha musharixi ugu codka badna  golaha deegaanka ee Hargaysa, isla markaana mayor nimo u sharaxnaa ayuu madaxweynaha Somaliland xafiiskiisa ku qaabilay isaga iyo xildhibaano kale oo ka tirsan mucaaradka.

Musharaxa ayaa madaxweynaha Somaliland baaq u diray galinkii hore ee maanta kadib markii xisbiyada mucaaradku ay isku afgaran wayeen mayor nimadiisa.

Madaxweynaha Somaliland Muuse Biixi Cabdi oo ka jawaabay baaqa xildhibaan Mooge ayaa sheegay in uu garab taaganyahay.

“Baaqiini jawaabtiisi waxa weeyi waanu idin garabtaganahay, wixi xuquuq ah ee aad doorashada ku leedihiina diyaar baanu u nahay in aanu idinla howl galo” ayuu yidhi madaxweyne Biixi.

Madaxweynaha ayaa sheegay in wadada sharciga ah loo mari doono hanka xildhibaan Cabdikariim Axmed Mooge.

Mooge aya isaguna dhankiisa uga mahadceliyay madaxweynaha Somaliland sida dag dag ga ah ee uu u aqbalay baaqii uu usoo diray.

“Waanu kaaga mahadcelinaynaa in aad na aqbashay, shacabka reer Hargaysa ee naga filaya in aanu u dhisno Hargaysa cusub waxa u Sharaf ah in Alle siiyay madaxweyne ixtiraamaya oo dhagaysanaya” ayuu yidhi Mooge.

Cabdikariim Axmed Mooge oo doorashada kahor shaaciyay in uu u taaganyahay mayorka Hargaysa, ayaa kusoo baxay cod dhan 26,299 cod oo ah cod kii ugu badna ee qof musharax golaha deegaan ah abid lagu doorto.

Abdilahi Abdi Rahman, Hiiraan Online











Click here
6/9/2021 11:56 AM EST
Arbaco, Juun, 9, 2021 (HOL) - Madaxweynaha Puntland Siciid Cabdullaahi Deni, ayaa Garowe kula kulmay wafdi ka socday beesha caalamka oo uu hoggaaminayay wakiilka qaramada Midoobay ee Soomaaliya James Swan, kuwaas oo Garowe u tagay arrimo la xidhiidha dardar galinta geeddi socodka doorashooyinka.

6/9/2021 11:17 AM EST
Arbaco, Juun, 9, 2021 (HOL) - Wasiir ku xigeenka xanaanada xoolaha Somaliland Yurub Abiib Cabdi, oo u jawaabaysa wasiir ka haweenka ee dowlada Soomaaliya Xaniifa Xaabsade, ayaa tidhi “Somaliland iyo Soomaaliya shaqo iskuma laha”.

6/9/2021 10:43 AM EST
Arbaco, Juun, 9, 2021 (HOL) - Golaha Midowga Musharaxiinta ayaa soo dhoweeyay tallaabooyinka ay qaadeen guddiga xaqiiqo raadinta ah ee uu magacaabay Ra’iisul Wasaaraha ee loo xil saaray kala shaandheynta xubnaha dacwada laga keenay ee guddiyada doorashada heer Federaal iyo heer Dowlad Goboleed.

6/9/2021 10:27 AM EST
Arbaco, Juun, 9, 2021 (HOL) - Guddiga sare ee farsamada doorashooyin dalka ee uu magacaabay Raysal wasaaraha Soomaaliya ayaa maanta kulan koodii ugu horeyay ku yeeshay magaalada Muqdisho wax ka yar 24 saacadood oo aanan wali kasoo wareegan magacaabistooda.

6/9/2021 9:26 AM EST
Arbaco, Juun, 9, 2021 (HOL) - Maxkamada racfaanka ee ciidamada qalabka sida Puntland ayaa soo afmeertay dhegaysiga dacwad racfaan qaadasho oo ay usoo gudbiyeen qareeno udoodaya rag dil lagu xukumay oo lagu sheegay in ay katirsan yihiin Alshabaab kana dambeeyaan qaraxyada iyo dilalka Gaalkcyo.

6/9/2021 7:19 AM EST
Arbaco, Juun, 9, 2021 (HOL) - Waxaa maanta magaalada Muqdisho kulan ku wada yeeshay Guddiga qaban-qaabada maalmaha Xoriyada dalka iyo Hay'addaha kala duwan ee amniga dalka Soomaaliya.

6/9/2021 6:39 AM EST
Arbaco, Juun, 9, 2021 (HOL) - Wararka ka imaanaya deegaanka Daaynuunaay ee gobolka Baay ayaa sheegaya in dagaal culus oo saacado badan qaatay uu halkasi ku dhaxmaray ciidamada dowlada Fedaraalka iyo kuwa Al-shabaab.

6/9/2021 2:03 AM EST
Arbaco, Juun, 9, 2021 (HOL) - Raysal wasaaraha Soomaaliya Maxamed Xuseen Rooble ayaa magacaabay guddi sare ee farsamo oo u qaabilsan hirgelinta arrimaha doorashooyinka dalka.

6/9/2021 1:35 AM EST
Arbaco, Juun, 9, 2021 (HOL) - Madaxweynaha dalka Faransiiska Emmanuel Macron ayaa goob fagaare ah lagu dharbaaxay xili uu safar ku marayay deegaano ku yaala Koofur bari dalkaasi oo uu ku guda jiray booqasho maalintiisa labaad aheyd uu ku marayo dalkiisa.