3/29/2024
Today from Hiiraan Online:  _
Wararka Maanta- Jimco, Jun 4 , 2021
Dowladda Soomaaliya oo ciidamo Booliis ah geysay barahii Koontaroolada ciidanka Asluubta
 

Jimco, Juun, 4, 2021 (HOL) - Dowladda Soomaaliya ayaa ciidamo ka tirsan Booliiska Soomaaliya geysay barahii koontaroolada aay ku sugnayeen ciidanka Asluubta Soomaaliya ee dhawaan rasaaseeyay madaxweynahii hore ee Soomaaliya Xasan Sheekh Maxamuud.

Baraha koontaroolada ee la geeyay ciisamada Booliiska Soomaaliya waxaa ka mid ah wadada hormarta Maxkamada gobolka, Xabsiga Dhexe, Kawaanka Malaayga waxaana la sheegay wixii haatan ka dambeeya in barahaasi amaankooda aay sugi doonaan Booliiska Soomaaliya.

Ciidamadii Asluubta ee laga qaaday barahii koontaroolada aay horay ugu sugnaayeen ayaa la sheegay in loo wareejinayo goobo kale, waxaana aay wareejin tooda imaaneysa xili dhowr jeer oo hore barahooda koontarool ku rasaaseeyeen madax xilal kala duwan horay uga soo qabatay dowladda Soomaaliya iyo oday dhaqameed.

Lama oga sababta ka dambeysa in xarumahii ciidanka Asluubta horay ugu sugnaayeen in lagu wareejiyo ciidamo ka tirsan Booliiska Soomaaliya.

Jamaal Cali Cabdi, Hiiraan Online
[email protected]













Click here
6/4/2021 1:10 PM EST
Jimco, Juun, 4, 2021 (HOL) - koomishanka doorashooyinka Somaliland ee heer gobol iyo heer degmo, ayaa ku dhawaaqay natiijada hordhaca ah ee doorashada golaha wakiilada ee gobolka Saaxil iyo doorashada golaha deegaanka degmada Berbera.

6/4/2021 12:49 PM EST
Jimco, Juun, 4, 2021 (HOL) - Meydka afar dhalinyaro ah ayaa kusoo caariyey xeebta Liido ee magaalada Muqdisho, iyadoo la soo sheegey in mid kale la la’yahay tan iyo khamiistii markii ay dabaal u aadeen xeebta Liido.

6/4/2021 9:18 AM EST
Jimco, Juun, 4, 2021 (HOL) - Taliska ciidamada Xoogga dalka ayaa faahfaahino dheeraad ah ka bixiyay dagaalo xoogan oo ciidamada dowladda iyo kuwa Shabaab ku dhexmaray saacadahii lasoo dhaafay deegaano ka tirsan gobolka Sh/dhexe.

6/4/2021 6:03 AM EST
Jimco, Juun, 4, 2021 (HOL) - Guddida doorashooyinka heer gobol, ayaa ku dhawaaqay natiijada doorashada golaha wakiilada ee gobolada Togdheer iyo Awdal.

6/4/2021 2:23 AM EST
Jimco, Juun, 4, 2021 (HOL) - Hoggaamiyaha Golaha Kacdoonka Hiiraan Jenaraal Abuukar Xaaji Warsame Xuud ayaa ka hadlay dadaalada uu raysal wasaaraha Soomaaliya ku doonayo in lagu xaliyo tabashada reer Hiiraan aay ka qabaan maamulka Hirshabeelle.

6/4/2021 2:20 AM EST
Jimco, Juun, 4, 2021 (HOL) - Waxa lagu dhawaaqay natiijada hordhaca ah ee doorashada golaha deegaanka ee degmooyinka Borama iyo Burco, sidoo kalena waxa lagu dhawaaqay natiijada golaha baarlamaanka ee gobolka Sanaag.