3/29/2024
Today from Hiiraan Online:  _
Wararka Maanta- Arbaco, Jun 30, 2021
Raysal wasaaraha Soomaaliya oo tababar u furay Guddiyada Doorashada dalka


Arbaco, Juun, 30, 2021 (HOL) - Raysal wasaaraha Soomaaliya Maxamed Xuseen Rooble ayaa tababar u furay guddiyadda doorashooyinka dalka ee heer fedaraal iyo heer dowlad goboleed oo socon doona muddo afar maalin ah.

"Waxaan maanta tababar u furay Guddiyada Doorashooyinka Heer Federaal, Heer Dowlad-goboleed iyo Xallinta Khilaafaadka, Waxaan kula dardaarmay in ay doorashada u maamulaan si hufan, daahfuran oo aan cidna lala jirin lagana jirin, anigoo u rajeynaya in uu Eebbe ku garab galo howshaas culus ee muhiimka u ah masiirka dalka" ayuu yiri Raysal wasaare Rooble.

Guddiyada doorashooyinka dalka heer federaal iyo heer dowlad goboleed ayaa lagu wada tababarka marka uu u dhamaado iney si rasmi ah u bilaabaan howlaha horyaala ee qabashada doorashooyinka dalka.

"Waxaan Shacabka Soomaaliyeed u caddeynayaa in heshiisyadii 17-kii September 2020 iyo 27 May 2021, Deegaan Doorashooyinka iyo tirada ergooyinku ay yihiin sidii loogu heshiiyay, waxaan caddeynayaa in heshiisyadii doorashada ee 17-kii September 2020 iyo 27-kii May 2021 ay yihiin lama taabtaan. Deegaan doorashooyinka iyo tirada ergooyinkuna waa sidii loogu heshiiyay" ayuu yiri Raysal wasaraaha Xukuumada Soomaaliya Maxamed Xuseen Rooble.

Shacabka Soomaliyeed iyo daneeyayaasha arrimaha Soomaaliya ayaa rajo wanaagsan ka qaba in doorasho xor iyo xalaal ah ka qabsoonto dalka Soomaaliya.

Jamaal Cali Cabdi, Hiiraan Online
[email protected]













Click here
6/30/2021 2:43 PM EST
Arbaco, Juun, 30, 2021 (HOL) - Xeer ilaaliyaha Maxkamada Ciidamada Qalabka Sida Cabdullahi Buulle Kamey ayaa si adag uga digay in cidaamada dowladda Soomaaliya ridaan rasaas farabadan maalmaha u dabaal dega Xoriyada dalka.

6/30/2021 11:29 AM EST
Arbaco, Juun, 30, 2021 (HOL) - Wasiirka Maaliyadda Xukuumadda Federaalka Soomaaliya Cabdiraxmaan Ducaale Bayle, ayaa kulan kula qaatay xarunta Wasaaradda Maaliyadda Kristina Svenssn oo ah wakiilka Soomaaliya u qaabilsan Bangiga Adduunka.

6/30/2021 8:50 AM EST
Arbaco, Juun, 30, 2021 (HOL)- Afar askari oo katirsan booliska Somaliland, ayaa lagu eedeeyay in ay kufsi u gaysteen gabadh yar oo ku nool degmada Ceel-afweyn ee gobolka Sanaag.

6/30/2021 7:41 AM EST
Arbaco, Juun, 30, 2021 (HOL) - Mayorka cusub ee caasimada Hargaysa Cabdikariin Axmed Mooge, ayaa xilka kala wareegay mayorkii hore Cabdiraxman Maxamuud Caydiid (Soltelco).

6/30/2021 7:09 AM EST
Arbaco, Juun, 30, 2021 (HOL) - Wasiirka maaliyadda dowladda federalka Soomaaliya, Cabdiraxmaan Ducaale Beyla ayaa beeniyay in khilaafyadii siyaasadeed ee hareeyay doorashooyinka Soomaaliya ay sabab u yihiin, hakinta lacago caalamku ku kabi jiray miisaaniyadda dalka.

6/30/2021 6:24 AM EST
Arbaco, Juun, 30, 2021 (HOL) - Dagaalamayaasha Al-shabaab ayaa weerar madaafiic loo adeegsaday waxay ku qaadeen Saldhig ciidamada AMISOM gaar ahaan kuwa Burundi ku leeyihiin deegaanka Biya Cadde oo ka mid ah deegaanada hoos yimaada degmada Mahadaay ee gobolka Sh/dhexe.

6/30/2021 2:48 AM EST
Arbaco, Juun, 30, 2021 (HOL) - Ciidamada nabad sugida Puntland ayaa sheegay in ay ku guulaysteen in ay soo afjaraan xubno ka tirsan Daacish oo qaraxyo iyo miinooyin dhigayey wadada isku xirta Xamure iyo Balidhidin ee gobolka Bari.

6/30/2021 2:08 AM EST
Arbaco, Juun, 30, 2021 (HOL) - Warbaahinta faafisa xogaha ururka Alshabaab ayaa sheegay in kooxda Alshabab ay howgal qorshaysan ka fuliyeen jasiiradda Kudhaa, iyagoo guryahooda kala baxay masuuliyiin katirsanaa maamulka Jubbaland.

6/30/2021 1:52 AM EST
Arbaco, Juun, 30, 2021 (HOL) - Ciidamada Booliiska Soomaaliya gaar ahaan qeybta guud ee gobolka Banaadir ayaa soo bandhigay 14 nin oo ku labisnaa dareeska ciidanka, kuwaas oo dhac ka geysanayay xaafadaha magaalada Muqdisho.