3/29/2024
Today from Hiiraan Online:  _
Wararka Maanta- Arbaco, Jun 23, 2021
Al-shabaab oo fagaare ku toogatay nin gowracay hooyadiis iyo walaalkiis
 

Arbaco, Juun, 23, 2021 (HOL) - Dhaqdhaqaaqa Al-shabaab ayaa shalay galinkii dambe goob fagaare ah oo ku taala deegaanka Shaw ee gobolka Hiiraan ku fuliyay xukun dil toogasho ah.

Xukunka dilka toogashada ah ayaa waxaa lagu fuliyay nin lagu eedeyay inuu horay u dilay hooyadii dhashay iyo walalkiis.

Eedeysanaha la toogtay ayaa lagu macaabi jiray Maxamed Calasoow Cabdi, kaasoo la sheegay inuu horay u gowracay hooyadiis oo lagu magacaabi jiray Xaliimo Cismaan Cumar oo 72 sano jir aheyd iyo walaalkiis oo lagu magacaabi jiray Macalin Maxamuud Calasoow Cabdi.

Fagaaraha lagu dilay ninka eedeysanaha ahaa waxaa kasoo qeyb galay dadweyne farabadan, si aay u daawadaan xukunka dilka toogashada ah ee lagu fulinayay ninka dilay hooyadiis iyo walaalkiis.

Al-shabaab inta badan waxay ka fuliyaan deeganaada aay ku sugan yihiin xukuno kala duwan oo la xariira dilal iyo gacan goyn, iyagoona dhowr jeer oo hore fuliyay xukuno toogasho, gacmo jaris iyo garbaash ah.

Jamaal Cali Cabdi, Hiiraan Online
[email protected]















Click here
6/23/2021 2:26 PM EST
Arbaco, Juun, 23, 2021 (HOL) - Wasaaradda Shaqada iyo Arrimaha Bulshada Xukuumadda Federaalka Soomaaliya ayaa maanta si rasmi ah uga daahfurtay siyaasadda qaran ee Shaqaalaynta, munaasabad ka dhacday caasimadda Muqdisho.

6/23/2021 8:35 AM EST
Arbaco, Juun, 23, 2021 (HOL) - Masuuliyiin ka tirsan xisbiga Waddani, ayaa beeniyay warka musharixiin Waddani ah oo ku eedeyay in xisbiga Waddani laftiisu xaday codkii ay bulshada ka heleen.

6/23/2021 7:10 AM EST
Arbaco, Juun, 23, 2021 (HOL) - Ururka Al-shabaab ayaa maanta oo Arbaca ah si rasmi ah u sheegtay masuuliyada dilkii loo geystay habeen hore guddoomiyahii Ururka dhalinyarada gobolka Hiiraan Faarax Cabdi Cali oo loo yaqiinay Faarax diir.

6/23/2021 6:54 AM EST
Arbaco, Juun, 23, 2021 (HOL) - Guddoomiyaha maxkamada sare ee Somaliland Adan Xaaji Cali, ayaa sheegay in maanta ay bilaabeen dhagysiga 23 dacwadood oo musharixiin uso gudbisay.

6/23/2021 5:26 AM EST
Arbaco, Juun, 23, 2021 (HOL) - Wafdigan uu hoggaaminayo Safiirka wadanka Sweden u fadhiya Soomaaliya Staffan Tillander ayaa goordhaw gaaray magaalada Baledweyne ee xarunta gobolka Hiiraan.

6/23/2021 2:45 AM EST
Arbaco, Juun, 23, 2021 (HOL) - Wararka ka imaanaya dalka Itoobiya gaar ahaan gobolka Waqooyi ee Tigray ayaa sheegaya in halkaasi uu dib uga bilawday dagaal u dhaxeeya ciidamada dowlada dalkaasi iyo ciidamo Falaagada.

6/23/2021 2:25 AM EST
Arbaco, Juun, 23, 2021 (HOL) - Warar dheeraad ah ayaa kasoo baxaya dagaal u dhaxeeyay ciidanka Haramcad iyo kuwa Al-shabaab oo xalay ka dhacay deegaanka Xaawo Cabdi ee duleedka magaalada Muqdisho.