3/28/2024
Today from Hiiraan Online:  _
Wararka Maanta- Arbaco, Jun 23, 2021
Dagaalo culus oo dib uga bilaawday gobolka Tigray ee dalka Itoobiya
 

Arbaco, Juun, 23, 2021 (HOL) - Wararka ka imaanaya dalka Itoobiya gaar ahaan gobolka Waqooyi ee Tigray ayaa sheegaya in halkaasi uu dib uga bilawday dagaal u dhaxeeya ciidamada dowlada dalkaasi iyo ciidamo Falaagada.

Ciidamada Falaagada Tigray ee TDF ayaa sheegay iney gacanta ku dhigeen dhowr magaalo oo ka tirsan gobolka Tigray, sida BBC-da u sheegeen dad goobjoogayaal ah oo sheegay iney arkeen ciidamada oo roondo sameynaya.

Militariga dowladda Itoobiya ayaa beeniyay wararkan la xariira in dagaalyahanada Falaagada aay dib u qabsadeen magaalooyin badan oo ku yaala gobolka dhaca Waqooyiga dalkaasi ee Tigray.

Dagaalkan dib uga soo cusboonaday gudaha Itoobiya ayaa la sheegay inuu yahay dagaalkii ugu cuslaa ee dhaca waxii ka dambeyay bishii Nofeembar ee sanadkii lasoo dhaafay, xiligaas oo aay dowladda Itoobiya shaacisay iney ku guuleysatay dagaalkii ka socday gobolka Tigray.

Jamaal Cali Cabdi, Hiiraan Online
[email protected]













Click here
6/23/2021 2:26 PM EST
Arbaco, Juun, 23, 2021 (HOL) - Wasaaradda Shaqada iyo Arrimaha Bulshada Xukuumadda Federaalka Soomaaliya ayaa maanta si rasmi ah uga daahfurtay siyaasadda qaran ee Shaqaalaynta, munaasabad ka dhacday caasimadda Muqdisho.

6/23/2021 8:35 AM EST
Arbaco, Juun, 23, 2021 (HOL) - Masuuliyiin ka tirsan xisbiga Waddani, ayaa beeniyay warka musharixiin Waddani ah oo ku eedeyay in xisbiga Waddani laftiisu xaday codkii ay bulshada ka heleen.

6/23/2021 7:42 AM EST
Arbaco, Juun, 23, 2021 (HOL) - Dhaqdhaqaaqa Al-shabaab ayaa shalay galinkii dambe goob fagaare ah oo ku taala deegaanka Shaw ee gobolka Hiiraan ku fuliyay xukun dil toogasho ah.

6/23/2021 7:10 AM EST
Arbaco, Juun, 23, 2021 (HOL) - Ururka Al-shabaab ayaa maanta oo Arbaca ah si rasmi ah u sheegtay masuuliyada dilkii loo geystay habeen hore guddoomiyahii Ururka dhalinyarada gobolka Hiiraan Faarax Cabdi Cali oo loo yaqiinay Faarax diir.

6/23/2021 6:54 AM EST
Arbaco, Juun, 23, 2021 (HOL) - Guddoomiyaha maxkamada sare ee Somaliland Adan Xaaji Cali, ayaa sheegay in maanta ay bilaabeen dhagysiga 23 dacwadood oo musharixiin uso gudbisay.

6/23/2021 5:26 AM EST
Arbaco, Juun, 23, 2021 (HOL) - Wafdigan uu hoggaaminayo Safiirka wadanka Sweden u fadhiya Soomaaliya Staffan Tillander ayaa goordhaw gaaray magaalada Baledweyne ee xarunta gobolka Hiiraan.

6/23/2021 2:25 AM EST
Arbaco, Juun, 23, 2021 (HOL) - Warar dheeraad ah ayaa kasoo baxaya dagaal u dhaxeeyay ciidanka Haramcad iyo kuwa Al-shabaab oo xalay ka dhacay deegaanka Xaawo Cabdi ee duleedka magaalada Muqdisho.