3/29/2024
Today from Hiiraan Online:  _
Wararka Maanta- Axad, Jun 20, 2021
Xulka kubada cagta Soomaaliya oo guul darro kala kulmay xulka Cumaan
 

Axad, Juun, 20, 2021 (HOL) - Xulka kubada cagta Soomaaliya ayaa caawa la kulmay guul darro 2-1 ah oo kasoo gaartay cayaar ay la dheeleen xulka dalka Cumaan, cayaar katirsanayd isreebreebka tartanka kubada cagta wadamada Carabta.

Soomaaliya ayaa haddii ay badin lahayd waxay si toos ah uga mid noqon lahayd wadamada ka qeyb galaya tartankaan oo bisha 11-aad ee sanadkan ka bilaaban doona magaalada Doha ee dalka Qatar.

Qeybtii hore ee cayaarta ayaa xulka kubada cagta Soomaaliya oo ay ka muuqatay diyaar garow xooggan, waxaa looga dhaliyay labo gool oo mid kamid ah uu ahaa gool ku laad ama rigoore.

Qeybtii dambe ee cayaarta ayay wiilasha matalayay Soomaaliya la yimaadeen hal gool oo dib usoo nooleeyay rajadooda. Balse kuma guulaysan in ay la yimaadaan goolka labaad ee ay tartanka uga hareen.

Daqiiqadii ugu dambeysay cayaarta, cayaaryahanka numberka 9-aad u xiran Soomaaliya ayaa khasaariyay fursad aad u weyn oo uu gool u bedeli karay, hase yeeshee gool hayaha Cuman ayaa ka badbaadiyay.

Qaab cayaareedka xulka Soomaaliya wuxuu ahaa mid wanaagsan, inkastoo dhameystirkoodu uu liitay, taasoo keentay in ay fursado badan khasaariyaan.

Dalka Cuman ayaa ka qeyb gali doona tartanka FIFA Arab Cup, wuxuuna ku biiridoonaa guruub ay kuwada jiraan, dalalka Qatar iyo  Iraq.

Abdiweli M. Sheikh, Hiiraan Online

 












Click here
6/20/2021 4:39 PM EST
Axad, Juun, 20, 2021 (HOL) - Warar dheeraad ah ayaa kasoo baxaya qarax miino oo Caawa ka dhacay degmada Hodan ee gobolka Banaadir, kaasoo la sheegay in lala eegtay gaari nooca raaxada ah oo marayay Isgoyska Taleex ee magaalada Muqdisho.

6/20/2021 12:49 PM EST
Axad, Juun, 20, 2021 (HOL) - Iyadoo maalmahii lasoo dhaafay magaalada Nairobi ee dalka Kenya lagu afduubanayay gabdhaha Soomaaliyeed ee ku nool dalkaasi ayaa maanta Booliiska dalkaasi Kenya waxay sheegeen iney gacanta kuso dhigeen mid ka mid ah kooxaha wax afduubaneysay.

6/20/2021 12:49 PM EST
Axad, Juun, 20, 2021 (HOL) - Madaxweynaha Somaliland Muuse Biixi Cabdi iyo musharixiintii haweenka aha ee doorashada ka qayb galay, ayaa yeeshay kulan lagaga hadlayo dumarka iyo doorashooyinka.

6/20/2021 10:01 AM EST
Axad, Juun, 20, 2021 (HOL) - Dowladdaha Soomaaliya iyo Itoobiya ayaa maanta oo axad ah magaalada Muqdisho si rasmi ah ugu kala saxiixday heshiis ganacsi oo la isku dhaafsanayo kalluunka iyo Qaadka.

6/20/2021 8:27 AM EST
Axad, Juun, 20, 2021 (HOL) - Xubnaha cusub ee golaha deegaanka Burco, ayaa Cabdirisaaq Ibraahim Cabdi u doortay mayor ka cusub ee Burco, halka ay Mukhtaar Maxamed Cabdi u doorteen mayor ku xigeen.

6/20/2021 7:18 AM EST
Axad, Juun, 20, 2021 (HOL) - Ciidamada Xoogga dalka Soomaaliyeed ayaa dagaal xoogan oo aay la galeen dagaalamayaasha Al-shabaab, kadib waxay si buuxda ula wareegeen gacan ku heynta deegaanka Orshe oo qiyaastii 50KM dhinaca Bari kaga beegan degmada Dhuusamareeb ee xarunta maamulka Galmudug.

6/20/2021 5:26 AM EST
Axad, Juun, 20, 2021 (HOL) - Ciidanka xoogga dalka Soomaaliya ayaa sheegay inay dileen ku dhawaad 24 ka tirsan dagaalamayaasha kooxda Alshabaab, kadib howlgal ka dhacay degmada Diinsor gobolka Bay ee koonfur galbeed.

6/20/2021 5:05 AM EST
Axad, Juun, 20, 2021 (HOL) - Gudoomiyaha degmada Laascaanood ayaa loo doortay Cabdiraxiin Cali Ismaaciil oo xisbiga Waddanì ka tirsan halka kuxigeena loo doortay Axmed Maxamuud Kawte oo ka soo jeeda xisbiga UCID.

6/20/2021 3:24 AM EST
Axad, Juun, 20, 2021 (HOL) - Warar dheeraad ah ayaa kasoo baxaya dagaalo xoogan oo u dhaxeeyay ciidamada dowladda Soomaaliya iyo kuwa Al-shabaab oo ka dhacay shalay galinkii dambe degmada Diinsoor ee gobolka Baay.

6/20/2021 2:47 AM EST
Axad, Juun, 20, 2021 (HOL) - Gabadhan 14 jirka ayaa la sheegay in kufsi wadareed loogu geystay deegaanka Ceelasha kadib markii la sheegay in qaab afduub ahaan looga kaxeystay wadada.