3/29/2024
Today from Hiiraan Online:  _
Wararka Maanta- Axad, Jun 20, 2021
Dagaal khasaare geystay oo ka dhacay degmada Diinsoor ee gobolka Baay
 

Axad, Juun, 20, 2021 (HOL) - Warar dheeraad ah ayaa kasoo baxaya dagaalo xoogan oo u dhaxeeyay ciidamada dowladda Soomaaliya iyo kuwa Al-shabaab oo ka dhacay shalay galinkii dambe degmada Diinsoor ee gobolka Baay.

Dagaalka ayaa yimid kadib markii dagaalyahanada Shabaab weerar ku qaadeen fariisimo ciidanka dowladda iyo kuwa maamulka Koofur Galbeed ku leyihiin gudaha degmada Diinsoor waxaana la sheegay inuu ka dhashay dagaalka khasaare dhimasho iyo dhaawacba leh.

Saraakiisha ciidanka dowladda oo ka hadlay dagaalka ayaa sheegeen iney iska difaceen weerar kaga yimid Al-shabaab, islamar ahaantaana aay khasaare xoogan gaarsiyeen shabaabkii soo weeraray.

Saraakiisha waxay intaasi ku dareen iney guulo la taaban karo ka gaareen dagaalka ayna ku dileen 15 dagaalame oo ka tirsan Al-shabaab, islamarkaana aay ka furteen hubka fudud sida Ak47 iyo agabyo kale oo ciidan, waa sidey hadalka u dhigeene.

Weerarada Al-shabaab ayaa u muuqanaya kuwa sii kordhaya tan iyo markii ciidamada dowladda aay iyaguna bilaabeen howlgalo aay kula dagaalamayaan dhaqdhaqaaqa hubeysan ee Al-shabaab.

Jamaal Cali Cabdi, Hiiraan Online
[email protected]

   













Click here
6/20/2021 6:12 PM EST
Axad, Juun, 20, 2021 (HOL) - Xulka kubada cagta Soomaaliya ayaa caawa la kulmay guul darro 2-1 ah oo kasoo gaartay cayaar ay la dheeleen xulka dalka Cumaan, cayaar katirsanayd isreebreebka tartanka kubada cagta wadamada Carabta.

6/20/2021 4:39 PM EST
Axad, Juun, 20, 2021 (HOL) - Warar dheeraad ah ayaa kasoo baxaya qarax miino oo Caawa ka dhacay degmada Hodan ee gobolka Banaadir, kaasoo la sheegay in lala eegtay gaari nooca raaxada ah oo marayay Isgoyska Taleex ee magaalada Muqdisho.

6/20/2021 12:49 PM EST
Axad, Juun, 20, 2021 (HOL) - Iyadoo maalmahii lasoo dhaafay magaalada Nairobi ee dalka Kenya lagu afduubanayay gabdhaha Soomaaliyeed ee ku nool dalkaasi ayaa maanta Booliiska dalkaasi Kenya waxay sheegeen iney gacanta kuso dhigeen mid ka mid ah kooxaha wax afduubaneysay.

6/20/2021 12:49 PM EST
Axad, Juun, 20, 2021 (HOL) - Madaxweynaha Somaliland Muuse Biixi Cabdi iyo musharixiintii haweenka aha ee doorashada ka qayb galay, ayaa yeeshay kulan lagaga hadlayo dumarka iyo doorashooyinka.

6/20/2021 10:01 AM EST
Axad, Juun, 20, 2021 (HOL) - Dowladdaha Soomaaliya iyo Itoobiya ayaa maanta oo axad ah magaalada Muqdisho si rasmi ah ugu kala saxiixday heshiis ganacsi oo la isku dhaafsanayo kalluunka iyo Qaadka.

6/20/2021 8:27 AM EST
Axad, Juun, 20, 2021 (HOL) - Xubnaha cusub ee golaha deegaanka Burco, ayaa Cabdirisaaq Ibraahim Cabdi u doortay mayor ka cusub ee Burco, halka ay Mukhtaar Maxamed Cabdi u doorteen mayor ku xigeen.

6/20/2021 7:18 AM EST
Axad, Juun, 20, 2021 (HOL) - Ciidamada Xoogga dalka Soomaaliyeed ayaa dagaal xoogan oo aay la galeen dagaalamayaasha Al-shabaab, kadib waxay si buuxda ula wareegeen gacan ku heynta deegaanka Orshe oo qiyaastii 50KM dhinaca Bari kaga beegan degmada Dhuusamareeb ee xarunta maamulka Galmudug.

6/20/2021 5:26 AM EST
Axad, Juun, 20, 2021 (HOL) - Ciidanka xoogga dalka Soomaaliya ayaa sheegay inay dileen ku dhawaad 24 ka tirsan dagaalamayaasha kooxda Alshabaab, kadib howlgal ka dhacay degmada Diinsor gobolka Bay ee koonfur galbeed.

6/20/2021 5:05 AM EST
Axad, Juun, 20, 2021 (HOL) - Gudoomiyaha degmada Laascaanood ayaa loo doortay Cabdiraxiin Cali Ismaaciil oo xisbiga Waddanì ka tirsan halka kuxigeena loo doortay Axmed Maxamuud Kawte oo ka soo jeeda xisbiga UCID.

6/20/2021 2:47 AM EST
Axad, Juun, 20, 2021 (HOL) - Gabadhan 14 jirka ayaa la sheegay in kufsi wadareed loogu geystay deegaanka Ceelasha kadib markii la sheegay in qaab afduub ahaan looga kaxeystay wadada.