10/25/2021
Today from Hiiraan Online:  _
Wararka Maanta- Arbaco, Jun 16, 2021
Agaasimihii hay'adda nabad sugida iyo sirdoonka Puntland ee gobolka Bari oo geeriyooday
 

Arbaco, Juun, 16, 2021 (HOL) - Cabdihakim Saciid, oo ahaa agaasimihii hay’adda sirdoonka Puntland (PISA) ee gobolka Bari ayaa ku geeriyooday magaalada Bosaso, sida HOL, ay u xaqiijiyeen masuuliyiin katirsan Puntland.

Geeridiisa oo ay kasoo wareegtay dhowr maalmood ayaa lala xiriiriyayaa inuu xanuunsanaa, halka warar qaar ay sheegyaaan inuu u geeriyooday cudurka safmarka ee Covid19 oo asiibay.

Wuxuu ahaa sarkaal qibrad wanaagsan u lahaa arrimaha sirdoonka, wuxuuna muddo dheer kamid ahaa saraakiisha hay’addaha sirdoonka maamul-goboleedka Soomaaliyeed ee Puntland.

Hay’ada Nabadsugida iyo sirdoonka Puntland (PISA) wali kama hadlin geerida sarkaalkan.

Abdisalan Nur Dirie, Hiiraan Online












Click here
6/16/2021 12:41 PM EST
Arbaco, Juun, 16, 2021 (HOL)- Somaliland iyo Taiwan ayaa kala sexeexday heshiis caafimaad oo dib loogu casriyaynayo isbitaalka guud ee Hargeysa, isla markana lagu keenayo dhakhatiir Taiwanese ah.

6/16/2021 10:29 AM EST
Arbaco, Juun, 16, 2021 (HOL)- 1 qof ayaa ku dhintay ugu yaraan 7 kalena way ku dhaawacmeen kadib markii ay buur wadada ku teedsani soo duntay xili ay is dhaafayeen gaadhi bas ah oo rakaab siday iyo gaadhi kuwa xamuul ka ah duleedka galbeed ee Hargaysa.

6/16/2021 10:19 AM EST
Arbaco, Juun, 16, 2021 (HOL) -Wafdigan ka socda Beesha Caalamka ee maanta gaaray magaalada Dhuusamareeb ee xarunta dowlad goboleedka Galmudug ayaa waxaa halkaasi kulan kula yeesheen madaxweynaha maamulka Galmudug Axmed Cabdi Kaariye Qoorqoor.

6/16/2021 8:39 AM EST
Arbaco, Juun, 16, 2021 (HOL) - Boqolaal Soomaali ah ayaa banaanbax xoogan ka hordhigay Safaarada dowladda Kenya ku leedahay dalka Ingiriiska gaar ahaan magaalada London, kuwaas oo ka cabanaayay duqeymaha xad dhaafka ah ee diyaaradaha Kenya ka geystaan gudaha Soomaaliya gaar ahaan gobolada Gedo iyo Jubbooyinka.

6/16/2021 8:03 AM EST
Arbaco, Juun, 16, 2021 (HOL) - Wasiirka amniga Puntland, Cabdisamad Maxamed Gallan ayaa sheegay inay ururka Alshabab ka qabsadeen Saanad hub ah, qalab ay ku diyaarin jireen qaraxyada, jaakadaha qaraxyada iyo miinooyin diyaarsanaa.

6/16/2021 5:49 AM EST
Arbaco, Juun, 16, 2021 (HOL) - Xiriirka Soomaaliyeed ee kubada cagta, ayaa shaqadii ka ceyriyay tababarihii xulka kubada Soomaaliya. Abdellatif Salef, oo ah muwaadin ka soo jeeda Morocco, wax ka yar seddex isbuuc markii loo magacaabay xilka tababaranimo ee Ocean Stars.

6/16/2021 5:36 AM EST
Arbaco, Juun, 16, 2021 (HOL) - Kadib kulan dhexmaray saraakiisha kala duwan ee ciidanka xoogga dalka qeybta 27-aad oo looga hadlayay amniga iyo la dagaalanka Ururka Al-shabaab oo ka dhacay degmada Buula burte ee gobolka Hiiraan ayaa lagu shaaciyay guluf ka dhan ah Al-shabaab.

6/16/2021 3:02 AM EST
Arbaco, Juun, 16, 2021 (HOL) - Wararka naga soo gaaraya dalka Koofur Afrika ayaa sheegaya in halkaasi saacadahii lasoo dhaafay lagu boobay goobo ganacsi oo ku yaala deegaanka lagu magacaabo Soweto oo 24, KM u jirta magaalada Johannesburg ee dalka Koofur Afrika.

6/16/2021 2:18 AM EST
Arbaco, Juun, 16, 2021 (HOL) - Raysal wasaaraha Soomaaliya Maxamed Xuseen Rooble ayaa booqday dhalinyaradii ku dhaawacantay qaraxii Ismiidaaminta ahaa ee shalay ka dhacay afaafka hore ee Xerada tababarada ciidanka Jenaral Dhagabadan.