10/25/2021
Today from Hiiraan Online:  _
Wararka Maanta- Arbaco, Jun 16, 2021
Faahfaahino kasoo baxaya goobo ganacsi oo lagu boobay dalka Koofur Afrika
 

Arbaco, Juun, 16, 2021 (HOL) - Wararka naga soo gaaraya dalka Koofur Afrika ayaa sheegaya in halkaasi saacadahii lasoo dhaafay lagu boobay goobo ganacsi oo ku yaala deegaanka lagu magacaabo Soweto oo 24, KM u jirta magaalada Johannesburg ee dalka Koofur Afrika.

Ganacsiga la boobay waxaa iska lahaa ganacsato u dhalatay dalka Itobiya, iyadoo deegaanka boobka ganacsi uu ka dhacay aay ganacsiyada ugu badan ku leeyihiin Itoobiyaan iyo Soomaali.

Cabsi xoogan ayaa soo wajahday ganacsatada Soomaaliyeed ee goobaha ganacsi ku leh deegaanka Soweto inkastoo boobka bilaawga u muuqda ee deegaankaasi ka dhacay aysan ku jirin goobaha la boobay ganacsiyo aay leeyihiin muwaadiniinta Soomaaliyeed.

Warar dheeraad ah ayaa sheegaya in ganacsatada Soomaaliyeed ee halkaaasi ku leh goobaha ganacsiga aay bilaabeen iney alaabahooda kala baxaan dukaamada aay halkaasi ku leeyihiin, kadib cabsi la xariirta boobka iyo hanjabaado kaga yimid qaar ka mid ah dadka u dhashay dalkaasi.

Dalka Koofur Afrika waxaa sanad walba ka dhaca boob baahsan oo loo geysto goobaha ganacsiga aay ku leyihiin dalkaasi dadka ajaaniibta ah oo aay ka mid yihiin Soomaalida waxaana intaas usii dheer dilal iyo dhaawacyo joogta ah.

Jamaal Cali Cabdi, Hiiraan Online
[email protected]













Click here
6/16/2021 12:41 PM EST
Arbaco, Juun, 16, 2021 (HOL)- Somaliland iyo Taiwan ayaa kala sexeexday heshiis caafimaad oo dib loogu casriyaynayo isbitaalka guud ee Hargeysa, isla markana lagu keenayo dhakhatiir Taiwanese ah.

6/16/2021 10:29 AM EST
Arbaco, Juun, 16, 2021 (HOL)- 1 qof ayaa ku dhintay ugu yaraan 7 kalena way ku dhaawacmeen kadib markii ay buur wadada ku teedsani soo duntay xili ay is dhaafayeen gaadhi bas ah oo rakaab siday iyo gaadhi kuwa xamuul ka ah duleedka galbeed ee Hargaysa.

6/16/2021 10:19 AM EST
Arbaco, Juun, 16, 2021 (HOL) -Wafdigan ka socda Beesha Caalamka ee maanta gaaray magaalada Dhuusamareeb ee xarunta dowlad goboleedka Galmudug ayaa waxaa halkaasi kulan kula yeesheen madaxweynaha maamulka Galmudug Axmed Cabdi Kaariye Qoorqoor.

6/16/2021 8:39 AM EST
Arbaco, Juun, 16, 2021 (HOL) - Boqolaal Soomaali ah ayaa banaanbax xoogan ka hordhigay Safaarada dowladda Kenya ku leedahay dalka Ingiriiska gaar ahaan magaalada London, kuwaas oo ka cabanaayay duqeymaha xad dhaafka ah ee diyaaradaha Kenya ka geystaan gudaha Soomaaliya gaar ahaan gobolada Gedo iyo Jubbooyinka.

6/16/2021 8:03 AM EST
Arbaco, Juun, 16, 2021 (HOL) - Wasiirka amniga Puntland, Cabdisamad Maxamed Gallan ayaa sheegay inay ururka Alshabab ka qabsadeen Saanad hub ah, qalab ay ku diyaarin jireen qaraxyada, jaakadaha qaraxyada iyo miinooyin diyaarsanaa.

6/16/2021 5:55 AM EST
Arbaco, Juun, 16, 2021 (HOL) - Cabdihakim Saciid, oo ahaa agaasimihii hay’adda sirdoonka Puntland (PISA) ee gobolka Bari ayaa ku geeriyooday magaalada Bosaso, sida HOL, ay u xaqiijiyeen masuuliyiin katirsan Puntland.

6/16/2021 5:49 AM EST
Arbaco, Juun, 16, 2021 (HOL) - Xiriirka Soomaaliyeed ee kubada cagta, ayaa shaqadii ka ceyriyay tababarihii xulka kubada Soomaaliya. Abdellatif Salef, oo ah muwaadin ka soo jeeda Morocco, wax ka yar seddex isbuuc markii loo magacaabay xilka tababaranimo ee Ocean Stars.

6/16/2021 5:36 AM EST
Arbaco, Juun, 16, 2021 (HOL) - Kadib kulan dhexmaray saraakiisha kala duwan ee ciidanka xoogga dalka qeybta 27-aad oo looga hadlayay amniga iyo la dagaalanka Ururka Al-shabaab oo ka dhacay degmada Buula burte ee gobolka Hiiraan ayaa lagu shaaciyay guluf ka dhan ah Al-shabaab.

6/16/2021 2:18 AM EST
Arbaco, Juun, 16, 2021 (HOL) - Raysal wasaaraha Soomaaliya Maxamed Xuseen Rooble ayaa booqday dhalinyaradii ku dhaawacantay qaraxii Ismiidaaminta ahaa ee shalay ka dhacay afaafka hore ee Xerada tababarada ciidanka Jenaral Dhagabadan.