10/25/2021
Today from Hiiraan Online:  _
Wararka Maanta- Arbaco, Jun 16, 2021
Raysal wasaare Rooble oo isbitaalka ku booqday dhaawacyada dhalinyaradii qaraxii Shalay
 

Arbaco, Juun, 16, 2021 (HOL) - Raysal wasaaraha Soomaaliya Maxamed Xuseen Rooble ayaa booqday dhalinyaradii ku dhaawacantay qaraxii Ismiidaaminta ahaa ee shalay ka dhacay afaafka hore ee Xerada tababarada ciidanka Jenaral Dhagabadan.

Dhakhaatiirta ku howlaneed la tacaalista Caafimaadka dhalinyarada kusoo waxyeelowday qaraxa ayaa uga warbixiyeen Raysal wasaare Rooble xaalada caafimaad ee dhalinyarada, iyadafoo Raysal wasaarahana uu sheegay iney dhalinyarada dhaawaca ah dadaal kasto oo la xiriira Caafimaadkooda aay ku bixin doonto Xukuumaddiisa.

Waxuu intaasi ku daray Raysal wasaare Rooble in maanta la joogo xiligii shacabka Soomaaliyeed isku duubmi lahayeen si looga guuleysto cadawga Soomaaliyeed, isagoona uga tacsiyadeeyay ehelada iyo qaraabada dhalinyaradii ku dhimatay qaraxii Shalay ka dhacay afaafka laga galo Xerada tababarada ciidanka Jenaral Dhagabadan ee degmada Wadajir.

Wasiirka Gaashaandhigga Xukuumadda Federaalka Soomaaliya Xasan Xuseen Xaaji oo ku wehelinaayay booqashada Raysal wasaaraha Xukuumadda ayaa tilmaamay in dhallinyarada Soomaaliyeed ee dhaawacyadu soo gaareen ay u muujiyeen Raysal wasaaraha sida ay uga go’an tahay in ay dalkooda iyo dadkooda u difaacaan, ayna ka hor istaagi karin weerarada ay ku hayaan Al-shabaab.

Jamaal Cali Cabdi, Hiiraan Online
[email protected]













Click here
6/16/2021 12:41 PM EST
Arbaco, Juun, 16, 2021 (HOL)- Somaliland iyo Taiwan ayaa kala sexeexday heshiis caafimaad oo dib loogu casriyaynayo isbitaalka guud ee Hargeysa, isla markana lagu keenayo dhakhatiir Taiwanese ah.

6/16/2021 10:29 AM EST
Arbaco, Juun, 16, 2021 (HOL)- 1 qof ayaa ku dhintay ugu yaraan 7 kalena way ku dhaawacmeen kadib markii ay buur wadada ku teedsani soo duntay xili ay is dhaafayeen gaadhi bas ah oo rakaab siday iyo gaadhi kuwa xamuul ka ah duleedka galbeed ee Hargaysa.

6/16/2021 10:19 AM EST
Arbaco, Juun, 16, 2021 (HOL) -Wafdigan ka socda Beesha Caalamka ee maanta gaaray magaalada Dhuusamareeb ee xarunta dowlad goboleedka Galmudug ayaa waxaa halkaasi kulan kula yeesheen madaxweynaha maamulka Galmudug Axmed Cabdi Kaariye Qoorqoor.

6/16/2021 8:39 AM EST
Arbaco, Juun, 16, 2021 (HOL) - Boqolaal Soomaali ah ayaa banaanbax xoogan ka hordhigay Safaarada dowladda Kenya ku leedahay dalka Ingiriiska gaar ahaan magaalada London, kuwaas oo ka cabanaayay duqeymaha xad dhaafka ah ee diyaaradaha Kenya ka geystaan gudaha Soomaaliya gaar ahaan gobolada Gedo iyo Jubbooyinka.

6/16/2021 8:03 AM EST
Arbaco, Juun, 16, 2021 (HOL) - Wasiirka amniga Puntland, Cabdisamad Maxamed Gallan ayaa sheegay inay ururka Alshabab ka qabsadeen Saanad hub ah, qalab ay ku diyaarin jireen qaraxyada, jaakadaha qaraxyada iyo miinooyin diyaarsanaa.

6/16/2021 5:55 AM EST
Arbaco, Juun, 16, 2021 (HOL) - Cabdihakim Saciid, oo ahaa agaasimihii hay’adda sirdoonka Puntland (PISA) ee gobolka Bari ayaa ku geeriyooday magaalada Bosaso, sida HOL, ay u xaqiijiyeen masuuliyiin katirsan Puntland.

6/16/2021 5:49 AM EST
Arbaco, Juun, 16, 2021 (HOL) - Xiriirka Soomaaliyeed ee kubada cagta, ayaa shaqadii ka ceyriyay tababarihii xulka kubada Soomaaliya. Abdellatif Salef, oo ah muwaadin ka soo jeeda Morocco, wax ka yar seddex isbuuc markii loo magacaabay xilka tababaranimo ee Ocean Stars.

6/16/2021 5:36 AM EST
Arbaco, Juun, 16, 2021 (HOL) - Kadib kulan dhexmaray saraakiisha kala duwan ee ciidanka xoogga dalka qeybta 27-aad oo looga hadlayay amniga iyo la dagaalanka Ururka Al-shabaab oo ka dhacay degmada Buula burte ee gobolka Hiiraan ayaa lagu shaaciyay guluf ka dhan ah Al-shabaab.

6/16/2021 3:02 AM EST
Arbaco, Juun, 16, 2021 (HOL) - Wararka naga soo gaaraya dalka Koofur Afrika ayaa sheegaya in halkaasi saacadahii lasoo dhaafay lagu boobay goobo ganacsi oo ku yaala deegaanka lagu magacaabo Soweto oo 24, KM u jirta magaalada Johannesburg ee dalka Koofur Afrika.