10/21/2021
Today from Hiiraan Online:  _
Wararka Maanta- Isniin, Jun 14, 2021
Faahfaahino kasoo baxaya dagaal ka dhacay deegaanka Hoosingow ee gobolka Jubbada Hoose
 

Isniin, Juun, 14, 2021 (HOL) - Warar dheeraad ah ayaa kasoo baxaya dagaal xoogan oo xalay saqdii dhexe ka dhacay deegaanka Hoosingoow ee gobolka Jubbada Hoose.

Dagaalka ayaa yimid kadib markii Al-shabaab weerar ku qaadeen saqdii dhexe ee xalay Saldhig ciidamada Kenya ku leeyihiin deegaanka Hoosingow ee gobolka Jubbada Hoose.

Weerarka ayaa ku bilaawday Madaafiic lagu garaacay Saldhiga ciidanka Kenya ee deegaanka Hoosingoow kadibna isku badalay weerar fool ka fool ah sida aay dadka deegaanka ku warameen, waxayna sheegeen inuu jiro khasaare kala duwan walow aysan xaqiijin karin.

Ciidamada Kenya ayaa la sheegay in dhankooda aay adeegsadeen Madaafiic jawaab u aheyd Madaafiicda lagu soo weeraray inkastoo aanan la ogeyn khasaaraha dhabta ah ee ka dhashay madaafiicda labada dhinac is weedaarsadeen.

Dagaalamayaasha Al-shabaab ayaa dhowrkii todobaad ee la soo dhaafay laba jibaaray weerarada aay ku qaadayaan fariisimaha ciidanka Kenya ee ku sugan gudaha Soomaaliya iyo waliba gobolka waqooyi Bari Kenya.

Jamaal Cali Cabdi, Hiiraan Online
[email protected]













Click here
6/14/2021 11:25 AM EST
Isniin, Juun, 14, 2021 (HOL) - Kenya iyo Soomaaliya waxay dib ugu soo laabteen dhabbihii dib loogu soo celin lahaa xiriirkii diblomaasiyadeed ka dib khilaaf daba dheeraaday oo labada dal ka dhaxeeyay tan iyo sanadkii hore.

6/14/2021 11:14 AM EST
Isniin, Juun, 14, 2021 (HOL) - Ciidanka nabad sugida Puntland ayaa soo bandhigay askari horey uga tirsanaa ciidanka Puntland oo kasoo goostay kooxda Alshabaab sida uu lagu sheegay wareysi muuqaal ah oo laga duubay askarigan.

6/14/2021 10:48 AM EST
Isniin, Juun, 14, 2021 (HOL) - Maxkamadda sare ee ciidamada qalabka sida Puntland ayaa maanta dil toogasho ah ku xukuntey 17 nin oo ka tirsan ururka Alshabaab. Halka mid 18-aad oo lagu magacaabo Cabdirisaaq Axmed Buraale lagu xukumey Xabsi daa’in, sida lagu xusay go'aan maxkamadda kasoo baxay.

6/14/2021 7:55 AM EST
Isniin, Juun, 14, 2021 (HOL) - Howlgalo qorsheysan oo ka dhan ah Ururka Al-shabaab ayay ciidamada Xoogga dalka ka sameeyeen deegaano ka tirsan gobolka Jubbada Hoose, gaar ahaan deeganada ku yaala Galbeedka Magaalada Kismaayo.

6/14/2021 1:34 AM EST
Isniin, Juun, 14, 2021 (HOL) - Taliska Booliiska Soomaaliya ayaa faahfaahin ka bixiyay howlgalo aay sheegeen in ciidamada amaanka ka sameeyeen magaalada Muqdisho lagu soo qabqabtay dad kala duwan.

6/14/2021 1:22 AM EST
Isniin, Juun, 14, 2021 (HOL) - Golaha Midowga Musharaxiinta madaxweynaha Soomaaliya ayaa bayaan kasoo saaray guddigii maalin ka hor uu magacaabay Raysal wasaataha Soomaaliya Maxamed Xuseen Rooble iney baaritaano kusoo sameeyaan xaalada aay ku sugan yihiin ciidankii tababarka loogu qaaday dalka Eriteria, kuwaas oo la sheegay in laga qeyb galiyay dagaalo ka dhacay gudaha dalka Itoobiya.