3/28/2024
Today from Hiiraan Online:  _
Wararka Maanta- Talaado, July 6 , 2021
Faahfaahino kasoo baxaya weerar ka dhacay gobolka Gedo
 

Talaado, Luulyo, 6, 2021 (HOL) - Wararka naga soo gaaraya deeganada Luuq iyo Doolow ee gobolka Gedo ayaa sheegaya in halkaasi aay ka dhaceen dagaalo u dhaxeeyay ciidamada dowladda Soomaaliya iyo kuwa Al-shabaab.

Dagaalka ayaa yimid kadib markii dagaalyahano ka tirsan Shabaab aay weerar dhabo gal ah ku qaadeen kolanyo gaadiid ah oo ay wateen ciidamada dowladda kuwaas oo marayay inta u dhaxeysa degmooyinka Luuq iyo Doolow ee gobolka Gedo.

Dagaalka ayaa la sheegay inuu ahaa mid aad u xoogana oo la isku adeegsaday hubka noocyadiisa kala duwan, islamarkaana uu ka dhashay khasaare dhimasho iyo dhaawacba leh oo kala gaaray labada dhinac sida dadka deegaanka sheegen.

Saraakiil ka tirsan militariga Soomaaliya ayaa sheegay iney iska difaaceen weerarka ay kuso qaadeen dagaalamayaasha Shabaab, ayna si nabadgalyo ah si wateen socdaalkooda.

Al-shabaab ayaa sidoo kale dhankooda guula ka sheegtay weerarka jidgalka ahaa oo ay ku qaadeen kolanyada ka tirsan Militariga Soomaaliya, islamarkaana ay ku dileen laba askari sadax kalana ay ku dhaawaceen, inkastoo aysan jirin sheegashadooda warar ka madax banaan oo xaqiijinaya khasaaraha dagaalkaasi.

Jamaal Cali Cabdi, Hiiraan Online
[email protected]












Click here
7/6/2021 5:08 PM EST
Talaado, Luulyo, 6, 2021 (HOL) - Abwaan Yuusuf Cismaan Cabdulle (Yusuf Shaacir), ayaa sheegay in aanu aqbalin shaqo laga siiyay wasaarada waxbarashada Soomaaliya.

7/6/2021 4:59 PM EST
Talaado, Luulyo, 6, 2021 (HOL) - Markab laga leeyahay dalka Itoobiya oo lagu magacaabo Gibe, ayaa kuso xidhay dekeda Berbera.

7/6/2021 12:03 PM EST
Talaado, Luulyo, 6, 2021 (HOL) - Puntland ayaa saraakiil ciiddan u xirtay maxbuus ku xukunmaa dil toogasho ah oo baxsaday, sida uu sheegay afhayeenka ciiddanka asluubta Puntland, gaashaanle sare Cabdirisaaq Maxamuud Xarrago.

7/6/2021 11:57 AM EST
Talaado, Luulyo, 6, 2021 (HOL) - Xogeeyaha arrimaha gudaha ee xisbiga Waddani Maxammed Faarax Cabdi, ayaa ku baaqay in baadhis lagu sameeyo arrinta ardayga lagu dilay Boorama.

7/6/2021 6:46 AM EST
Talaado, Luulyo, 6, 2021 (HOL) - Booliiska Soomaaliya ayaa gacanta kusoo dhigay eedeesane loo haysto inuu dilay wiil yar oo shan jir ah oo ay hooyadiis u dhaxday, sida uu sheegay afhayeenka booliiska, G/lle Sidiiq Aadan.

7/6/2021 6:33 AM EST
Talaado, Luulyo, 6, 2021 (HOL) - Maxkamada sare ee Somaliland, ayaa laashay 20 dacwadood oo ay usoo gudbiyeen musharixiin ka cabanayay natiijadii hordhaca ahayd ee doorashada.

7/6/2021 5:52 AM EST
Talaado, Luulyo, 6, 2021 (HOL) - Waxaa maanta magaalada Muqdisho kulan ku yeeshay xubnaha guddiga doorashooyinka heer dowlad goboleed ee maamulka Puntland, kuwaas oo doortay guddoomiye iyo ku xigeenkiisa.

7/6/2021 5:37 AM EST
Talaado, Luulyo, 6, 2021 (HOL) - Waxa xabsiga loo taxabay askarigii toogtay Ibrahim Cabdishakur Ibrahim, oo aha arday engineering ka baranayay jaamacada Camuud ee Boorama.

7/6/2021 3:22 AM EST
Talaado, Luulyo, 6, 2021 (HOL) - Golaha midowga musharraxiiinta ayaa bayaan ka soo saaray dhalinyarada Somaaliyeed ee da’yarta ah oo tababarka u jiray dalka Eritrea iyo dacwooyinka la xiriira ka qeybgalkooda dagaalada sokeeye ee dalka Ethiopia.

7/6/2021 3:03 AM EST
Talaado, Luulyo, 6, 2021 (HOL) - Ciidamada xoogga dalka iyo kuwa amniga Galmudug oo hawlgal qorshaysan qaaday saakay ayaa gacanta ku dhigay magaalada Bacaadweyn, tuulada Qaycad, Sabeena gawrac iyo deegaano kale.

7/6/2021 2:45 AM EST
Talaado, Luulyo, 6, 2021 (HOL) - Xoghayaha arrimaha difaaca dalka Kenya, Monica Juma iyo wakiilka Qaramada Midoobay ee Soomaaliya James Swan, ayaa ku kulmay magaalada Nairobi, halkaas oo ay uga wada hadleen xaaladda amni ee geeska Afrika gaar ahaan Soomaaliya.

7/6/2021 12:58 AM EST
Talaado, Luulyo, 6, 2021 (HOL) - Madaxweyne ku xigeenka maamulka Hirshabeelle Yuusuf Axmed Hagar Dabageed ayaa si rasmi u shaaciyay doorashada kuraasta Xildhibaanada labada Aqal ee dowladda Soomaaliya ee deegaan doorashadooda tahay magaalada Baledweyne iney ku xiran tahay inuu magaalada Baledweyne yimaado madaxweynaha Hirshabeelle Cali Guudlaawe Xuseen.

7/6/2021 12:52 AM EST
Talaado, Luulyo, 6, 2021 (HOL) - Qaar kamida ardayda jaamacada Camuud ee Boorama, oo ka hadlay dilka loo gaystay mid kamid ah ardayda, ayaa sheegay in is afdhaaf uu sababay dilka.