3/28/2024
Today from Hiiraan Online:  _
Wararka Maanta- Sabti, July 31, 2021
Afhayeenka Kulmiye oo ka hadlay lacagaha la sheegay in xisbigiisu ku bixinayo xildhibaannada mucaaradka
 

Sabti, Luulyo, 31, 2021 (HOL) - Afhayeenka xisbiga Kulmiye Cabdinaasir Muxummed Xasan Buuni, oo waraysi siiyay Saab TV, ayaa beeniyay eedaha mucaaradku ay u jeedinayaan xisbiga Kulmiye, ee ah in ay cashuurtii shacabka u isticmaalayaan hanashada aqlabiyada xildhibaannada mucaaradka.

Afhayayeenka ayaa eedaha mucaaradka ku til maamay magac-dil ay u gaysanayaan xildhibaannada, isla markaana warbaahinta ugu baaqay in ay baadhis ku sameeyso run-nimada eedaha mucaaradka iyo hadii ay jiraan lacago laaluush ah oo xukuumadu siinayso xildhibaannada mucaaradka.

"Mudane lasoo doortay oo sharaf leh in meel lagaga dhaco maaha, in maaliyad la bixinayo waxa caddayn kara waa maxkamada, warbaahin baad tihiin daba gala, xogogaal u noqda oo umada usoo bandhiga, shacbiga Somaliland idinkaa u dhexeeye usoo bandhiga waxa ay sheegayaan waxa ka jira" ayuu yidhi Cabdinaasir Buuni.

Buuni ayaa ku eedeeyay axsaabta mucaaradka in ay doonayaan in shirgudoonka golaha wakiilada ay keenaan cid ka caawin karta in ay muddo dheer sii ahaadaan madaxda xisbiyada ay maanta masuulka ka yihiin.

"Xildhibaannadu waxay xaq u leeyihiin in ay shirgudoon doortaan, iyaguna waxay leeyihiin shirgudoonka aan rabno ee saacidaya guddoomiyeyaashan iyo axsaabtan muddo dhaafka ah, ee hal nin dhawr iyo labaatanka sano uu madaxa kaga duubanyahay keena" ayuu yidhi Cabdinaasir Buuni.

Madaxda iyo qaar kamida xilshibaannada  xisbiyada mucaaradka Somaliland, ayaa marar badan warbaahinta ka sheegay in xukuumada Somaliland ay cashuurtii umada u isticmaalayso sidii ay u hanan lahayd xildhibannada mucaaradka si Kulmiye ugu guulaysto shirgudoonka golalaha wakiilada.



Abdilahi Abdi Rahman, Hiiraan Online
[email protected]












Click here
7/31/2021 4:57 PM EST
Sabti, Luulyo, 31, 2021 (HOL) - Wararka ka imanaya magaalada Laascaanood ayaa sheegaya in Guddoomiyihii komishinka Doorashooyinka Somaliland ee gobolka Sool Cabdillaahi Laba- go'le ay dabley hubaysan goordhawayd ku dileen Laascaanood.

7/31/2021 10:21 AM EST
Sabti, Luulyo, 31, 2021 (HOL) - Madaxweynaha maamul goboleedka Koofur Galbeed Soomaaliya Cabdicasiis Xasan Maxamed Laftagareen ayaa soo gudbiyay liiska Shan kursi oo ka mid ah kuraasta lagu tartamayo ee Aqalka sare xubnaha ku matalaya maamulka Koofur Galbeed.

7/31/2021 9:47 AM EST
Sabti, Luulyo, 31, 2021 (HOL) - Wasaaradda gargaarka iyo maareynta masiibooyinka dowladda federalka Soomaaliya, Wasaaraddaha gargaarka dowlad goballeedyada iyo maamulka Gobalka Banaadir, ayaa kulan ay wada yeesheen maanta waxay ka soo saareen war-murtiyeed ay muujiyayeen walaac aad u weyn oo ku aadan xaaladdaha bini’aadanimo ee Soomaaliya.

7/31/2021 8:14 AM EST
Sabti, Luulyo, 31, 2021 (HOL) - Labo kamid ah cayaartoydii ku dhaawacmay qaraxii shalay lala eegtay gaari bas ah oo ay la socdeen koox kubbada cagta ah oo ka dhisan magaalada Kismaayo, ayaa maanta loo qaaday magaalada Muqdisho.

7/31/2021 6:54 AM EST
Sabti, Luulyo, 31, 2021 (HOL) - Xogeeyaha abaabulka ee xisbiga Waddani Cabdillaahi Jaamac Cismaan (Geel-jire), ayaa sheegay in ka xisbi ahaan ay aad uga xunyihiin dhibaatada ka dhacday gobolka Siti ee dowlad deegaanka Soomaalida Itoobiya, halkaasi oo ciidamada Canfartu shacab Soomaali ah ku laayeen.

7/31/2021 2:52 AM EST
Sabti, Luulyo, 31, 2021 (HOL) - Beesha caalamka ayaa soo dhoweysay horumarka laga gaaray hirgelinta heshiiskii 27 -kii May ee ay kala saxiixdeen Ra'iisul Wasaare Maxamed Xuseen Rooble iyo madaxweynayaasha Dawlad goboleedyada.

7/31/2021 2:15 AM EST
Sabti, Luulyo, 31, 2021 (HOL) - Dowladda Itoobiya ayaa sheegtay in aay fashilisay isku-day ay kooxda Al-shabaab ku doonaysay inay ku gasho dalka Itoobiya.

7/31/2021 1:54 AM EST
Sabti, Luulyo, 31, 2021 (HOL) - Taliska ciidanka Booliiska maamulka Jubbaland ayaa faahfaahin dheeraad ah ka bixiyay khasaaraha ka dhashay qaraxii shalay gilinkii dambe magaalada kismaayo lagula beegsaday dhalinyaro Ciyaartoy aheyd oo saarna gaari bas ah.

7/31/2021 1:30 AM EST
Sabti, Luulyo, 31, 2021 (HOL) - Wasiirka arrimaha gudaha dowlad goboleedka Hirshabeelle Maxamed Cali Caadle ayaa markii ugu horeysay si faahfaahsan uga hadlay hanaankii lagu dhisay Hirshabeelle.

7/31/2021 1:21 AM EST
Sabti, Luulyo, 31, 2021 (HOL) - 2 caruur ah ayaa dhintay kadib markii uu dab qabsaday gurigooda oo ku yaala xaafada Daami ee caasimada Somaliland ee Hargaysa, waxaana lagu guulaystay in dabka laga bad baadiyo qoyska intii kale.