12/4/2021
Today from Hiiraan Online:  _
Wararka Maanta- Jimco, July 30, 2021
Somaliland: Xildhibaan mucaaradku sheegeen in la afduubay oo hadlay
 

Jimco, Luulyo, 30, 2021 (HOL) - Xildhibaan Ibraahin Maxammed Jaamac (Khadar Guun) oo xildhibaan kamida xildhibaannada isbahaysiga mucaaradku sheegay in xukuumada Somaliland afduubtay, ayaa sheegay in anay jirin cid afduubtay.

Xildhibaan Khadar Guun oo kamid aha xildhibaannadii kasoo baxay xisbiga mucaaradka ah ee Waddani, ayaa sheegay in uu si iskii ah ugu biiray xisbiga talada haya ee Kulmiye isla markaana markii horeba si khasab ah lagaga sharaxay Waddani.

"Ma waxa jira sharci odhanaya qofka xildhibaan ka ah huteel Maamuus fadhiiso, oo isbahaysiga la fadhiiso Somaliland cunfiga dhex galiyay, mise dowladu halkay joogto iyo xisbigaygii jujuubka laygaga kexeeyay ee layga sharaxay Waddani" ayuu yidhi Khadar Guun.

Xildhibaanka ayaa beeniyay in xukuumada Somaliland ay afduubtay sida uu xildhibaan Khadar Cali Xakiin oo mucaaradka katirsani uu warbaahinta ka sheegay xili isaga iyo xildhibaano kale  oo mucaarad ahi ay si wada jir ah warbaahinta ula hadlayeen.

"Waxan aad uga xumahay inanka yar ee xildhibaanka ah ee aniga oo Hargaysa ku dhashay oo ku bar baaray yidhi Khadar waala afduubay, anigu nin Hargaysa lagu afduubi karo ma ihi, adigu waxad tahay inan yar oo magaalo kale ka yimide horta soo dhawaw hana noqon badow magaalo soo galay" ayuu yidhi xildhibaan Khadar Guun.

Xildhibaan Khadar Cali Xakiin oo kasoo baxay xisbiga Waddani kana tirsan isbahaysiga mucaaradka, ayaa xili isaga iyo xildhibaano kale oo mucaarad ahi warbaahinta la hadlayeen sheegay in xildhibaan Khadar Guun xukuumada Somaliland afduubtay.



Abdilahi Abdi Rahman, Hiiraan Online
[email protected]












Click here
7/30/2021 1:58 PM EST
Jimco, Luulyo, 30, 2021 (HOL) - Madaxweynaha dowlad goboleedka Jubbaland Axmed Maxamed Islaam, Axmed Madoobe ayaa ka tacsiyadeeyay khasaaraha ka dhashay qaraxii galabta lala beegsaday gaari Bas ah oo ay saarnayeen dhalinyaro Ciyaartooy ahaa.

7/30/2021 11:19 AM EST
Jimco, Luulyo, 30, 2021 (HOL) - Madaxweynaha Soomaaliya Maxamed Cabdullahi Farmaajo ayaa ka tacsiyeeyey geerida dhallinyaro ciyaartooy ah oo ku geeeiyooday Qarax ka dhacay Kismaayo oo lala eegtay gaari bas oo ay la socdeen.

7/30/2021 10:33 AM EST
Jimco, Luulyo, 30, 2021 (HOL) - Qarax miinada dhulka lagu aaso ayaa goor dhow magaalada Kismaayo lagula eegtay gaari Bus ah oo ay la socdeen cayaartoyda kooxda kubada cagta ee ka tirsanayd rugta ganacsiga Jubbaland ee JCCI.

7/30/2021 8:52 AM EST
Jimco, Luulyo, 30, 2021 (HOL) - Wasiirka ciyaaraha Somaliland Boos Mirre Maxammed, oo ka jawaabay eedaymo uu guddoomiyaha xisbiga UCID Faysal Cali Waraabe usoo jeediyay madaxweynaha Somaliland, ayaa sheegay in sababta hadalkiisa keentay wakhtigan ay tahay in la furayo ururadii siyaasada oo uu madaxweynuhu saxeexay sidu uu sheegay.

7/30/2021 7:03 AM EST
Jimco, Luulyo, 30, 2021 (HOL) - Xildhibaan Axmed Maxamuud Fanax oo xisbiga Waddani uga soo baxay gobolka Togdheer, isla markaana ka mid aha xildhibaannada isbahaysiga Mucaaradka ayaa ku biiray isbahaysiga xisbiga Kulmiye iyo garabka UCID.

7/30/2021 5:21 AM EST
Jimco, Luulyo, 30, 2021 (HOL) - Boqor Cismaan Aw Maxamuud (Buurmadow), ayaa sheegay in madaxweynaha Somaliland uu qorshaynayo, in uu xidho xildhibaan Mustafe Axmed Cabdillaahi, oo sheegay in uu ka bad baaday qorshe afduub ah, oo xukuumada Somaliland ugu maleegtay dalka Itoobiya, Buurmadow ayaa madaxweynaha uga digay in uu xidho xildhibaanka.

7/30/2021 5:17 AM EST
Jimco, Luulyo, 30, 2021 (HOL) - Guddiga doorashooyinka maamulka Koofur Galbeed ayaa codsi u gudbiyay madaxweynaha maamul goboleedka Koofur Galbeed Cabdicasiis Maxamed Laftagareen.

7/30/2021 3:06 AM EST
Jimco, Luulyo, 30, 2021 (HOL) - Warar dheeraad ah ayaa kasoo baxaya dagaalo aad u qaraar oo ciidamada dowladda Soomaaliya iyo Kuwa Al-shabaab ku dhexmaray deegaano hoos yimaada degmada Buula burte ee gobolka Hiiraan.