3/28/2024
Today from Hiiraan Online:  _
Wararka Maanta- Sabti, July 3 , 2021
Wasiiradii ugu badnaa ee maamulka Hirshabeelle oo Maanta Baledweyne gaaray


Sabti, Luulyo 3, 2021 (HOL) - Waxaa maanta magaalada Baledweyne soo gaaray tiradii ugu badneyd ee golaha wasiirada maamulka Hirshabeelle tan iyo markii Hirshabeelle madaxweyne ka noqday Cali Cabdullaahi Xuseen Guudlaawe.

Wasiirada maanta gaaray magaalada Baledweyne ayaa lagu soo dhaweeyay garoonka diyaaradaha Ugaas Khaliif ee Magaalada Baledweyne xubno ka tirsan labada gole ee Hirshabeelle oo horay sii joogay magaalada Baledweyne.

Ujeedada wasiirada Hirshabeelle ee maanta soo gaaray magaalada Baledweyne ayaa lagu sheegay shir maalinta Axada ah uga furmayo magaalada Baledweyne golaha wasiirada Hirshabeelle.

Madaxweyne ku xigeenka Hirshabeelle oo ku sugan magaalada Baledweyne ayaa lagu wadaa inuu shir gudoomiyo shirka golaha wasiirada Hirshabeelle ku yeelan doonan maalinta berito.

Jamaal Cali Cabdi, Hiiraan Online
[email protected]













Click here
7/3/2021 3:07 PM EST
Sabti, Luulyo 3, 2021 (HOL) - Waxaa maanta magaalada Muqdisho ugu soo gabagaboobay tababar muddo sadax cisho ah u socday guddiyada doorashooyinka dalka Soomaaliya.

7/3/2021 11:17 AM EST
Sabti, Luulyo 3, 2021 (HOL) - Dad gadoodsan oo iskugu soo baxay magaalada Gabilay, ayaa dab qabadsiiyay calanka buluuga ah ee Soomaaliya.

7/3/2021 10:09 AM EST
Sabti, Luulyo 3, 2021 (HOL) - Ururka caalamiga ah ee ka dhanka ah dambiyada abaabulan, oo loo gaabiyo Global Initiative, ayaa daabacay warbixin ku saabsan kalluumaysiga sharci darrada ah ee ka jira xeebaha Soomaaliya iyo musuqmaasuqa ka dhex jira hay'adaha dowladda Soomaaliya iyo kuwa maamul goboleedyada.

7/3/2021 5:18 AM EST
Sabti, Luulyo 3, 2021 (HOL) - General Cabdulqaadir Cali Diiriye (Subxaanyo) oo ka tirsanaa Saraakiishii Ciidanka Asluubta ee Dowladdii Dhexe iyo bud- dhigayaashii ciidamada qalabka sida ee Soomaaliya, ayaa saakay ku geeriyooday magaalada Muqdisho.

7/3/2021 4:30 AM EST
Sabti, Luulyo 3, 2021 (HOL) - Dowladda Soomaaliya ayaa shaacisay in ay toban qof ku geeriyoodeen, halka tobaneeyo kalena ay ku dhawacmeen qarax is-miidaamin ah oo habeenkii xalay ka dhacay magaalada Muqdisho.

7/3/2021 3:37 AM EST
Sabti, Luulyo 3, 2021 (HOL) - Dagaalamayaasha Al-shabaab ayaa sheegtay masuuliyada qaraxii Ismiidaaminta ahaa ee xalay Maqribkii ka dhacay Maqaaxi Shaaha lagu cabo oo ku taalay agagaarka Isgoyska Jubba ee magaalada Muqdisho.

7/3/2021 3:30 AM EST
Sabti, Luulyo 3, 2021 (HOL) - Lix bilood kadib waxaa si rasmi ah loo furay Safaaradda Soomaaliya ay ku leedahay magaalada Nairobi ee dalka Kenya, kadib xal laga gaaray khilaaf diblumaasiyadeed oo u dhaxeeyay dowladaha Soomaaliya iyo Kenya.

7/3/2021 1:48 AM EST
Sabti, Luulyo 3, 2021 (HOL) - Raysal wasaaraha Soomaaliya Maxamed Xuseen Rooble ayaa si kulul u cambaareeyay qarax Ismiidaamin ahaa oo xalay maqribkii ka dhacay goob Maqaaxi ah oo Shaaha lagu cabo kasoo geystay khasaare isugu jira dhimasho iyo dhaawac.