3/28/2024
Today from Hiiraan Online:  _
Wararka Maanta- Sabti, July 3 , 2021
Dowladda Soomaaliya oo shaacisay khasaaraha ka dhashay qarax ismiidaamin ah oo Muqdisho ka dhacay
 

Sabti, Luulyo 3, 2021 (HOL) - Dowladda Soomaaliya ayaa shaacisay in ay toban qof ku geeriyoodeen, halka tobaneeyo kalena ay ku dhawacmeen qarax is-miidaamin ah oo habeenkii xalay ka dhacay magaalada Muqdisho.

Warsaxaafadeed ka soo baxay Wasaaradda Warfaafinta Soomaaliya ayaa lagu canbaareeyay weerarkan oo ay dowladdu ku eedeysay in ay ka danbeysay kooxda Al-Shabaab.

Qof naftii hallige ah oo iskusoo xiray waxyaabaha qarxa ayaa weerarkaan ka geystay maqaayad ku taalla isgoyska Jubba oo ay dad badani fadhiyeen.

“Mar labaad al-Shabaab waxa ay caddeysay in rabshadda ay waddo aysan soohdin laheyn ayna si aan kala sooc laheyn u leyneyso dadka. Al-Shabaab waxa ay ku dadaashaa in ay gaysato burbur iyo fowdo.” ayaa lagu yiri qoraalka.

Kooxda Al-Shabaab ayaa sheegatay mas'uuliyada qaraxan, waxaana ay sheegtay inuu qeyb ka yahay howlgallo qorsheysan oo lagu beegsanayo saraakiisha dowlada ee ku sugan magaalada Muqdisho sida ay baahisay Idaacadda Andalus.

Bishii lasoo dhaafay ayey ahayd markii Al-Shabaab ay qarax xoogan oo uu fuliyey qof naftii hallige ah uu beegsaday dhalinyaro ciidan loo qorayey oo lagu uruurinayey xeradii hore ee Nacnaca ee magaalada Muqdisho.


Abdiweli M. Sheikh, Hiiraan Online












Click here
7/3/2021 3:07 PM EST
Sabti, Luulyo 3, 2021 (HOL) - Waxaa maanta magaalada Muqdisho ugu soo gabagaboobay tababar muddo sadax cisho ah u socday guddiyada doorashooyinka dalka Soomaaliya.

7/3/2021 11:17 AM EST
Sabti, Luulyo 3, 2021 (HOL) - Dad gadoodsan oo iskugu soo baxay magaalada Gabilay, ayaa dab qabadsiiyay calanka buluuga ah ee Soomaaliya.

7/3/2021 10:09 AM EST
Sabti, Luulyo 3, 2021 (HOL) - Ururka caalamiga ah ee ka dhanka ah dambiyada abaabulan, oo loo gaabiyo Global Initiative, ayaa daabacay warbixin ku saabsan kalluumaysiga sharci darrada ah ee ka jira xeebaha Soomaaliya iyo musuqmaasuqa ka dhex jira hay'adaha dowladda Soomaaliya iyo kuwa maamul goboleedyada.

7/3/2021 6:37 AM EST
Sabti, Luulyo 3, 2021 (HOL) - Waxaa maanta magaalada Baledweyne soo gaaray tiradii ugu badneyd ee golaha wasiirada maamulka Hirshabeelle tan iyo markii Hirshabeelle madaxweyne ka noqday Cali Cabdullaahi Xuseen Guudlaawe.

7/3/2021 5:18 AM EST
Sabti, Luulyo 3, 2021 (HOL) - General Cabdulqaadir Cali Diiriye (Subxaanyo) oo ka tirsanaa Saraakiishii Ciidanka Asluubta ee Dowladdii Dhexe iyo bud- dhigayaashii ciidamada qalabka sida ee Soomaaliya, ayaa saakay ku geeriyooday magaalada Muqdisho.

7/3/2021 3:37 AM EST
Sabti, Luulyo 3, 2021 (HOL) - Dagaalamayaasha Al-shabaab ayaa sheegtay masuuliyada qaraxii Ismiidaaminta ahaa ee xalay Maqribkii ka dhacay Maqaaxi Shaaha lagu cabo oo ku taalay agagaarka Isgoyska Jubba ee magaalada Muqdisho.

7/3/2021 3:30 AM EST
Sabti, Luulyo 3, 2021 (HOL) - Lix bilood kadib waxaa si rasmi ah loo furay Safaaradda Soomaaliya ay ku leedahay magaalada Nairobi ee dalka Kenya, kadib xal laga gaaray khilaaf diblumaasiyadeed oo u dhaxeeyay dowladaha Soomaaliya iyo Kenya.

7/3/2021 1:48 AM EST
Sabti, Luulyo 3, 2021 (HOL) - Raysal wasaaraha Soomaaliya Maxamed Xuseen Rooble ayaa si kulul u cambaareeyay qarax Ismiidaamin ahaa oo xalay maqribkii ka dhacay goob Maqaaxi ah oo Shaaha lagu cabo kasoo geystay khasaare isugu jira dhimasho iyo dhaawac.