3/29/2024
Today from Hiiraan Online:  _
Wararka Maanta- Jimco, July 23, 2021
Guddoomiyihii hore gobolka Gedo oo sheegay in mar kale laga celiyay garoonka diyaaradaha Muqdisho
 

Jimco, Luulyo, 23, 2021 (HOL) - Gudoomiyahii hore ee Gobolka Gedo Cismaan Nuur Xaaji (Macalimuu), ayaa sheegay in hay'ada nabad sugida ay saaka mar kale ka celisay garoonka diyaaradaha Aadan Cadde isaga iyo wafdi la socday.

Guddoomiyihii hore ee Gedo wuxuu sheegay amarka lagu celiyay inuu bixiyay taliye ku xigeenka hay’adda nabad sugida, Cabdullaahi Kulane.

“Saakay aniga iyo tiimkayga waxaan tagnay garoonka, anigoo qabay dareen ah in nala celin doono, balse ku kalsoon hadalkii raysal wasaaraha. Markii aan tagnay garoonka, qolyihii duulimaadka waxay noo sheegeen in aanan bixi Karin, ayuu yiri Cismaan Nuur.”

Macalimoow wuxuu sheegay xanibaada lagu sameeyay in ay xadgudub ku tahay go’aankii R/Wasaare Rooble ee ahaa  in aan qofna laga celin karin garoomada diyaaradaha ee dalka.

“Waxaa ceeb ah in maanta raysal wasaarihii u sareeyay dalka, amarkiisa ciddii diiday, waxaan u maleynayaa in meel kale laga xukumo… Waxaan jawaab ka sugaynaa raysal wasaarha, waxaana ku qanci karnaa inuu kulane Jiis awoodda uu ku faanayo ka qaado,”ayuu yiri guddoomiyihii hor ee Gedo.

Ra’iisul Wasaaraha Soomaaliya ayaa maalmo ka hor faray laamaha socdaalka JFS in aan muwaadiniinta Soomaaliyeed ee u kala safraya dalka loo xannibi Karin sababo siyaasadeed.

  

Abdiweli M. Sheikh, Hiiraan Online












Click here
7/23/2021 11:07 AM EST
Jimco, Luulyo, 23, 2021 (HOL) - Wiil iyo gabadh dhalinyaro ah ayaa inta la ogyahay ku nafwaayay tiro kalena way ku dhaawacantay, shil baabuur oo ka dhacay meel aan ka fogayn hotelka Saw ee magaalada Boorama ee gobolka Awdal.

7/23/2021 10:49 AM EST
Jimco, Luulyo, 23, 2021 (HOL) - Wasiirka wasaarada dhaqanka iyo dhalinyarada dalka Jamhuuriyada Jabuuti Marwo Hibo Muumin iyo wafti ay hogaaminayso, ayaa soo gaadhay caasimada Somaliland ee Hargaysa.

7/23/2021 10:40 AM EST
Jimco, Luulyo, 23, 2021 (HOL) - Raysal wasaaraha Xukuumada Soomaaliya Maxamed Xuseen Rooble ayaa xilka qaadis ku sameeyay Agaasimahii Shaqaalaha hay'adda Nabadsugida Cabdullaahi Kulane iyo taliyahii Nabadsugida ee garoonka Aadan Cadde Cabdiwahaab Sheekh Cali.

7/23/2021 7:59 AM EST
Jimco, Luulyo, 23, 2021 (HOL) - Dowladda Soomaaliya ayaa sheegtay in Al-Shabaab ay la kulantay khasaare kale oo weyn, kaddib markii duqeyn xagga cirka ah ay ku garaacday dagaalamayaal ku sugnaa inta u dhexeeysa Qaycad iyo Xarardheere ee gobolka Mudug.

7/23/2021 6:55 AM EST
Jimco, Luulyo, 23, 2021 (HOL) - Wararka aan ka helayno koonfurta gobolka Mudug, ayaa sheegaya in ciidamadda xoogga dalka iyo kuwa Galmudug ay dagaal culus oo qeyb ka ah duqeymo ku qaadeen xarumo kooxda Alshabab ku lahaayeen konfurta gobolka Mudug.

7/23/2021 6:44 AM EST
Jimco, Luulyo, 23, 2021 (HOL) - Taliyihii booliiska degmada Gar-adag ee gobolka Sanaag Cabaas Maxammed Diiriye, ayaa lagu dilay howlgal uu hogaaminayay oo ciidanka booliiska degmadu fuliyeen.

7/23/2021 3:00 AM EST
Jimco, Luulyo, 23, 2021 (HOL) - Wasiirka amniga maamul goboleedka Galmudug Axmed Macalin Fiqi oo la hadlay warbaahinta ayaa sheegay in jab iyo khasaare xoog leh ay gaarsiiyeen dagaalamayaasha Al-shabaab ee ku sugan deegaanada maamulka Galmudug.

7/23/2021 2:20 AM EST
Jimco, Luulyo, 23, 2021 (HOL) - Raysal wasaaraha Soomaaliya Maxamed Xuseen Rooble ayaa xalay kulan casho sharaf la qaatay guddiga doorashooyinka heer Fedaraal.