3/28/2024
Today from Hiiraan Online:  _
Wararka Maanta- Khamiis, July 22, 2021
Raysal wasaaraha Soomaaliya oo ka hadlay khilaafka ka dhex taagan xubnaha gobolada Waqooyi
 

Khamiis, Luulyo, 22, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa ka hadlay arinta gobolada Waqooyi ee Somaliland oo uu ka taagan yahay khilaaf dhaliyay in laba garab ay u kala jabaan xubnaha matalaayay gobolada Waqooyi.

Xubnaha mataalayay guddiga doorashada gobolada Waqooyi ee Somaliland ee u kala jabay labada garab ayaa kala taageersan Raysal wasaare ku xigeenka Soomaaliya Mahdi Guuleed iyo guddoomiyaha Aqalka Sare Cabdi Xaanshi.

Raysal wasaare Rooble ayaa sheegay in meel wanaagsan ay mareyso arinta Somaliland, islamarkaana ay socdaan wadatashiyo.

 “Arimaha Somaliland meel fiican aye ii marayaan wadatashiyo ayaan wadaa waan ku guda jiraa, Madasha wadatashiga qaranka ee dowladd goboledyada iyo dowladda dhexe aniga ayee masuuliyadayda isaartay sida ku cad september 17 February 27 may anigoo la tashanayo gudoomiye Cabdi Xaashi iyo Raysal wasaare ku xigeenka Mahdi Guuleed wadahadal ayaa inoo socda quluubtiina kheyr u sheega” ayuu yiri Raysal wasaare Rooble.

Hadalkan kasoo baxay Raysal wasaaraha Soomaaliya Maxamed Xuuseen Rooble ayaa imaanaya iyadoo khilaaf uu ka taagan yahay arinta gobolada Waqooyi oo ay isku hayaan cidii hogaanka u qaban laheyd xubnaha gobolada Waqooyi  oo ay ku loolamayaan gudoomiyaha aqalka sare Cabdi Xaashi  Cabdulaahi iyo Raysal wasaare Ku xigeenka dalka Mahdi Maxamed Guuleed.

Jamaal Cali Cabdi, Hiiraan Online
[email protected]












Click here
7/22/2021 11:33 AM EST
Khamiis, Luulyo, 22, 2021 (HOL) - 62 arday oo kasoo kala jeeda dhamaan gobolada Somaliland kuwaasi oo Jaamacadda Hargaysa hore deeq waxbarasho u siisay, ayaa sheegay in jaamacadu ka noqotay deeqdii ay hore usiisay.

7/22/2021 9:14 AM EST
Khamiis, Luulyo, 22, 2021 (HOL) - Wasaaradda waxbarashada dowladda federalka Soomaaliya ayaa goor dhowayd shaacisay natiijada imtixaankii shahaadiga fasalka 12-aad sanad dugsiyeedka 2020/2021.

7/22/2021 7:52 AM EST
Khamiis, Luulyo, 22, 2021 (HOL) - Shir beeleedkan oo socdey mudo Bil ah, kuwaas oo ergooyinka ka qaygelayey ay ka kala yimaadeen degmooyinka Ceerigaabo, Laascaanood, Taleex iyo Xuddun oo goobta shirku ka dhacayo ay ka tirsan tahay.

7/22/2021 7:06 AM EST
Khamiis, Luulyo, 22, 2021 (HOL) - Wasiirka gaashaandhigga Soomaaliya, Xasan Xuseen Xaaji oo uu wehliyo wasiirka arrimaha dibadda Soomaaliya, Maxamed Cabdirisaaq, ayaa qaabilay dhiggiisa Ireland Simon Coveney, oo booqasho rasmi ah ku yimid Muqdisho.

7/22/2021 5:30 AM EST
Khamiis, Luulyo, 22, 2021 (HOL) - Magaalada Widhwidh oo Laascaanood 100Km. ku dhowaad u jirta dhinaca waqooyi kaga aadan ayaa waxaa saaka ka bilaabmay caleemasaarka Garaad Maxamed Garaad Abshir Saalax oo beesha degaankaasi isla garteen inuu bedelo Aabihii oo geeriyoodey.

7/22/2021 1:55 AM EST
Khamiis, Luulyo, 22, 2021 (HOL) - Maamulka Duulista Hawada ee Kenya ayaa sheegay inay bilaabeen baaritaano la xiriira diyaarad ku dhacday xero militari oo ku taal magaalada Ceelwaaq ee gobolka Gedo. Iyadoo ay saarnaayeen 45 rakaab ah.

7/22/2021 1:43 AM EST
Khamiis, Luulyo, 22, 2021 (HOL) - Warbaahinta rasmiga ah ee ururka Daacish qeybtooda Soomaaliya, ayaa daacday sawirro ku saabsan dagaalamayaasha Daacish iyo saraakiishooda oo ku sugan deegaano katirsan gudaha Puntland.

7/22/2021 1:02 AM EST
Khamiis, Luulyo, 22, 2021 (HOL) - Kooxda Bucks ee ka dhisan magaalada Milwaukee ee gobalka Wisconsin ayaa mudo 50 sano ah kadib ku guuleystay koobka NBA-da Mareykanka, ka gadaal markii ay garaaceen kooxda Phoenix Suns oo iyaduna ka dhisan gobalka Arizona ee ku yaallo galbeedka Mareykanka.

7/22/2021 12:55 AM EST
Khamiis, Luulyo, 22, 2021 (HOL) - Taliska ciidamada Daraawiishta maamul goboleedka Galmudug ayaa sheegay inuu isku soo dhiibay sarkaal sare oo la sheegay inuu ka tirsana dagaalamayaasha Al-shabaab.