9/26/2021
Today from Hiiraan Online:  _
Wararka Maanta- Khamiis, July 22, 2021
Kooxda Kubadda Koleyga Milwaukee Bucks oo 50 sano kadib ku guuleystay koobka NBA-da Mareykanka


Khamiis, Luulyo, 22, 2021 (HOL) - Kooxda Bucks ee ka dhisan magaalada Milwaukee ee gobalka Wisconsin ayaa mudo 50 sano ah kadib ku guuleystay koobka NBA-da Mareykanka, ka gadaal markii ay garaaceen kooxda Phoenix Suns oo iyaduna ka dhisan gobalka Arizona ee ku yaallo galbeedka Mareykanka.

Tartankaan oo ciyaaraha ogu dambeyo dhowr mar la dheelo, ayaa Bucks waxay si weyn oga adkaatay Suns lixdii (6) kulan ee dhawaan ay wada ciyaareen.

Hanashada horyaalka iyo guusha ay gaareen ayaa ka dhigeyso kooxdaan oo la aas-aasay sannadii 1968-dii iney markii labaad hantiyaan koobkaan oo markii hore ay ku guuleysteen sannadii 1971-dii.

Laacibka u dhashay wadanka Giriiga ee u ciyaaro kooxda Bucks, Giannis Antetokounmpo ayaa ku guuleysto koobkisii ugu horeeyay taariikhda, waxaana loo magacaabay ciyaaryahanka ugu wanaagsan ka dib markii uu 50 dhibcood ka dhaliyay kulankii 6-aad ee finalka oo koobka ay ku qaadeen.

Dhanka kale laamaha ammaanka ayaa sheegay iney baarayaan toogasho dhacday kadib guushii Bucks, iyadoo warbaahinta qaarna ay tabiyeen in saddex (3) qof oo dhaawacyo rasaaseed qabo la dhigay Isbitaalka.

Booliiska ayaa caddeeyay in dhaawacyadu aysan ahayn kuwo halis ah, sidoo kale laammaha amnigu waxay sheegeen in hal qof loo xiray toogashadaas, tuhmanayaal kalena lagu raad-joogo.

“ Laba toogasho oo subaxnimadii hore ee Arbacada ka dhacday magaalada Milwaukee ayaa sababtay dhaawaca seddex qof xilli dad badan ay u dabaaldagayeen guusha kooxda Bucks”, ayaa lagu yiri warbixin lagu qoray Joornaalka gobolka Wisconsin ee lagu magacaabo Wisconsin State Journal.

Ugu dambeyn gobalka Wisconsin, ayaa si weyn looga dabaal dagay waxaana damaashaadka guushaas uu ka dhacay magaalooyinka waa weyn ee gobalkaan sida:- Milwaukee, Green Bay, Kenosha, Appleton, Janesville iyo magaalo madaxda gobalkaas ee Madison.

Najah Mohamed Ali, Hiiraan Online
[email protected]












Click here
7/22/2021 11:33 AM EST
Khamiis, Luulyo, 22, 2021 (HOL) - 62 arday oo kasoo kala jeeda dhamaan gobolada Somaliland kuwaasi oo Jaamacadda Hargaysa hore deeq waxbarasho u siisay, ayaa sheegay in jaamacadu ka noqotay deeqdii ay hore usiisay.

7/22/2021 9:14 AM EST
Khamiis, Luulyo, 22, 2021 (HOL) - Wasaaradda waxbarashada dowladda federalka Soomaaliya ayaa goor dhowayd shaacisay natiijada imtixaankii shahaadiga fasalka 12-aad sanad dugsiyeedka 2020/2021.

7/22/2021 7:52 AM EST
Khamiis, Luulyo, 22, 2021 (HOL) - Shir beeleedkan oo socdey mudo Bil ah, kuwaas oo ergooyinka ka qaygelayey ay ka kala yimaadeen degmooyinka Ceerigaabo, Laascaanood, Taleex iyo Xuddun oo goobta shirku ka dhacayo ay ka tirsan tahay.

7/22/2021 7:06 AM EST
Khamiis, Luulyo, 22, 2021 (HOL) - Wasiirka gaashaandhigga Soomaaliya, Xasan Xuseen Xaaji oo uu wehliyo wasiirka arrimaha dibadda Soomaaliya, Maxamed Cabdirisaaq, ayaa qaabilay dhiggiisa Ireland Simon Coveney, oo booqasho rasmi ah ku yimid Muqdisho.

7/22/2021 5:30 AM EST
Khamiis, Luulyo, 22, 2021 (HOL) - Magaalada Widhwidh oo Laascaanood 100Km. ku dhowaad u jirta dhinaca waqooyi kaga aadan ayaa waxaa saaka ka bilaabmay caleemasaarka Garaad Maxamed Garaad Abshir Saalax oo beesha degaankaasi isla garteen inuu bedelo Aabihii oo geeriyoodey.

7/22/2021 1:55 AM EST
Khamiis, Luulyo, 22, 2021 (HOL) - Maamulka Duulista Hawada ee Kenya ayaa sheegay inay bilaabeen baaritaano la xiriira diyaarad ku dhacday xero militari oo ku taal magaalada Ceelwaaq ee gobolka Gedo. Iyadoo ay saarnaayeen 45 rakaab ah.

7/22/2021 1:43 AM EST
Khamiis, Luulyo, 22, 2021 (HOL) - Warbaahinta rasmiga ah ee ururka Daacish qeybtooda Soomaaliya, ayaa daacday sawirro ku saabsan dagaalamayaasha Daacish iyo saraakiishooda oo ku sugan deegaano katirsan gudaha Puntland.

7/22/2021 1:09 AM EST
Khamiis, Luulyo, 22, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa ka hadlay arinta gobolada Waqooyi ee Somaliland oo uu ka taagan yahay khilaaf dhaliyay in laba garab ay u kala jabaan xubnaha matalaayay gobolada Waqooyi.

7/22/2021 12:55 AM EST
Khamiis, Luulyo, 22, 2021 (HOL) - Taliska ciidamada Daraawiishta maamul goboleedka Galmudug ayaa sheegay inuu isku soo dhiibay sarkaal sare oo la sheegay inuu ka tirsana dagaalamayaasha Al-shabaab.