3/28/2024
Today from Hiiraan Online:  _
Wararka Maanta- Axad, July 11, 2021
Banaanbaxyo xoogan iyo boob baahsan oo ka bilawday magaalada Johannesburg ee dalka Koofur Afrika
 

Axad, Luulyo, 11, 2021 (HOL) - Mudaaharaadyo waa weyn oo rabshado wata ayaa ka bilaawday magaalada Johannesburg iyo deegaanada ku teedsan ee dalkaasi Koofur Afrika.

Banaanbaxayaasha la sheegay iney yihiin taageerayaasha madaxweynahii hore ee dalkaasi Koofur Afrika Jacob Zuma kuwaasi oo diidan xariga loo geystay, waxaana banaanbaxyadooda la socdo rabshado ay ku boobayaan goobaha ganacsiga ay leeyihiin dadka ajaanijbta ah ee ku nool dalkaasi.

Dibadbaxayaasha ayaa meelaha qaar ku gubayay taayaro, waxaana meelaha ugu badan ee boobka ay ka geysteen ka mid ah xaafadaha magaalada Johannesburg sida Alexander Township, Hillbrow, Jeeps Town, High Way M2, iyo meelo kale waxaana la sheegay in meelaha goobaha ganacsi ee ugu badan ay ku leyihiin Soomaalida.

Banaanbaxyadaaan iyo boobka daba socda ayaa waxaa walaac xoogan ka muujiyay muwaadiniinta Soomaaliyeed ee halkaasi ku leh goobaha ganacsi, islamarkaana bilaabay iney alaabahooda kala baxaan goobahooda ganacsi si aanan looga boobin.

Koofur Afrika sanad waliba waxa ka dhaca boob xoogan oo loo geysto goobaha ganacsiga ay ku leeyihiin dalkaasi, waxaana intaa u sii dheer dilal iyo dhaawac si joogta ah loogu geysto, iyadoo dowladda dalkaasina marwalba ay sheegto iney wax ka qaban doonto dhibaatooyinka loo geysto ajaaniibta ganacsiyada ku leh dalkaasi Koofur Afrika.

Jamaal Cali Cabdi, Hiiraan Online
[email protected]












Click here
7/11/2021 6:36 PM EST
Axad, Luulyo, 11, 2021 (HOL) - Ciyaar adag oo garoonka Wembley ee ku yaallo waqooyiga magaalada London ku dhex martay wadamada Taliyaaniga iyo Ingiriiska, ayaa guushu waxay ku raacday dalka Taliyaaniga oo markoodii labaad ku guuleystay koobka horyaalada Yurub ee loo yaqaano UEFA Euro.

7/11/2021 2:33 PM EST
Axad , Luulyo, 11, 2021 (HOL) - Guddoomiyaha xisbiga UCID Faysal Cali Waraabe, ayaa casuumad u sameeyay dhalinyarada hindistay halku dhaga "kani waa kaygii.

7/11/2021 2:17 PM EST
Axad , Luulyo, 11, 2021 (HOL) - Madaxweynaha Somaliland Muuse Biixi Cabdi, ayaa tababar usoo xidhay 500 oo dhalinyaro ah oo ka baxay tababarka shaqo qaran.

7/11/2021 12:19 PM EST
Axad, Luulyo, 11, 2021 (HOL) - Hoggaamiyaha golaha Kacdoonka Hiiraan Jenaraal Abuukar Xaaji Warsame Xuud ayaa ka jawaab celiyay hadal dhawaan uu jeediyay madaxweyne ku xigeenka Hirshabeelle Yuusuf Axmed Hagar Dabageed kaasoo ahaa inaan doorasho ka dhici karin Baledweyne hadii uusan imaan madaxweynaha Hirshabeelle.

7/11/2021 12:05 PM EST
Axad, Luulyo, 11, 2021 (HOL) - Agaasimaha Guud ee wasaaradda Caafimaadka oo ay weheliyaan Gudoomiyaha Gobolka Sool iyo duqa degmada ayaa dhagax dhigay xarun lagu dabiibo dadka dhimirka ka dhaawacan.

7/11/2021 9:08 AM EST
Axad , Luulyo, 11, 2021 (HOL) - Jaalliyada Oromada ee ku dhaqan Somaliland, oo ka cabanaya magac dil iyo raaf joogto ah.

7/11/2021 8:46 AM EST
Axad, Luulyo, 11, 2021 (HOL) - Madaxweynaha Soomaaliya Maxamed Cabdullaahi Farmaajo ayaa u hambalyeeyay Ra'iisul Wasaaraha Itoobiya Abiy Axmed oo ku guulaystay aqlabiyad wayn oo uu ka helay doorashooyinka dalkaasi, sida ay sheegeen guddiga doorashooyinka dalkaasi.

7/11/2021 8:18 AM EST
Axad, Luulyo, 11, 2021 (HOL) - Raysal wasaaraha Soomaaliya iyo wafdi uu hoggaaminaayo ayaa goordhaw dib ugu soo laabtay magaalada Muqdisho ee Caasimada Soomaaliya.

7/11/2021 6:05 AM EST
Axad, Luulyo, 11, 2021 (HOL) - Raysal wasaaraha dalka Itoobiya Abiy Axmed ayaa guul weyn ka gaaray tartankii doorashooyinka dalka Itoobiya oo si rasmi ah loo shaaciyay natiijada doorashooyinkii dhacay.

7/11/2021 2:10 AM EST
Axad, Luulyo, 11, 2021 (HOL) - Ciyaaryahanka caanka ah ee u ciyaaro kooxda Barcelona ee ka dhisan wadanka Spain, una dhashay Argentina ee Lionel Messi ayaa markisii ugu horeysay xulka wadankiisa kula guuleystay koob caalami ah kadib 16 sano oo uu u ciyaarayay.

7/11/2021 1:59 AM EST
Axad, Luulyo, 11, 2021 (HOL) - Waxaa markale soo ifbaxay khilaaf siyaasadeedka oo u dhaxeeya guddoomiyaha Aqalka Sare Cabdi Xaanshi Cabdullaahi iyo Raysal wasaare ku xigeenka Soomaaliya Mahdi Maxamed Guuleed Khadar, kadib markii xubnaha kala taageersana labada masuul ay si gooni gooni ah u kal doorteen guddoomiye iyo guddoomiye ku xigeen matalaya guddiga doorashada gobolada Waqooyi ee Soomaaliland.

7/11/2021 1:53 AM EST
Axad, Luulyo, 11, 2021 (HOL) - Puntland ayaa sheegtay dad dhawaanahaan ka cabanayay dhalinyaro lagu xukumay dil toogasho ah oo ku eedeysan falal isugu jira dil iyo qaraxyo, in ay soo adeegsadeen Alshabaab.

7/11/2021 1:39 AM EST
Axad, Luulyo, 11, 2021 (HOL) - Xulka qaranka Argentina ayaa ku guuleysatay koobka wadamada ku yaallo Koonfurta Ameerika ee loo yaqaano Copa America, 28 sano ah ka dib markii daqiiqadii 22-naad ee qeybtii hore ee ciyaarta, gool u dhaliyay Angel Di Maria uu siiyay natiijada 1-0 ah iney kaga badiyaan Xulka Brazil oo gurigooda lagu dheelaayay.

7/11/2021 1:18 AM EST
Axad, Luulyo, 11, 2021 (HOL) - Maleyshiyo hubaysan oo aan haybtooda la garanayn ayaa xalay saqdii dhexe dad Shacab ah ku laayay duleedka deegaanka Saax-qurun oo dhacda galbeedka magaalada Gaalkacyo ee Gobolka Mudug.