10/18/2021
Today from Hiiraan Online:  _
Wararka Maanta- Sabti, July 10, 2021
Madaafiic Caawa lagu garaacay qeybo ka mid ah magaalada Muqdisho
 

Sabti, Luulyo, 10, 2021 (HOL) - Tiro hoobiyeyaal ah ayaa daqiiqado ka hor kusoo dhacay magaalada Muqdisho ee Caasimada Soomaaliya gaar ahaan agagaarka Madaxtooyada.

Hoobiyeyaasha oo tiro ahaan gaarayay ilaa 6 hoobiye ayaa la sheegay iney ku dhaceen qaarkood Isgoyska Ceelgaabta agagaarka Beerta Nabadda iyo SYL oo dhamaantood ku yaala afaafka Madaxtooyada Soomaaliya.

Lama hubo khasaaraha ka dhashay tirada hoobiyeyaasha oo goordhaw laga maqlay inta badan degmooyinka gobolka Banaadir.


Dhinaca kale waxaa goordhaw la xiray isku socodka wadada Maka Al-mukarama gaar ahaan inta u dhaxeysa Shaqaalaha iyo Isgoyska dabka halkaas oo la sheegay inuu yaalo gaari nooca raaxada ah oo looga shakiyay inuu sido waxyaabaha qaraxa.

Ciidamo ka tirsan Booliiska Soomaaliya ayaa xiray wadadaasi kuwaas oo u diidaya gadiidka dadweynaha iyo waliba isku socodka caadiga ah.

Maanta barqadii ayay aheyd markii gaari laga soo buuxiyay waxyaabaha qarxa lagu weeraray Taliyaha guud ee qeybta Booliiska gobolka Banaadir Farxaan Qaroole uu ka dhacay Isgoyska Banaadir ee magaalada Muqdisho, inkastoo uu ka badbaaday Taliyaha, waxaana qaraxaasi Ismiidaaminta ahaa inta la xaqiijiyay ku geeriyootay ilaa 5 ruux sagaal kalana ay ku dhaawacmeen.

Jamaal Cali Cabdi, Hiiraan Online
[email protected]












Click here
7/10/2021 12:03 PM EST
Sabti , Luulyo, 10, 2021 (HOL) - Will yar oo lagu magacaabi jiray Mustafe Barkhad, ayaa ku geeriyooday barkad ku taala deegaanka Cadda dhaadheeray ee degamada Gabilay.

7/10/2021 9:11 AM EST
Sabti, Luulyo, 10, 2021 (HOL) - Ra'sul Wasaaraha Soomaaliya Maxamed Xuseen Rooble iyo wafdi uu hoggaaminayay ayaa ka dagay magaalada Garbahaarey ee xarunta gobolka Gedo, halkaas oo si ballaaran loogusoo dhoweeyay.

7/10/2021 7:56 AM EST
Sabti, Luulyo, 10, 2021 (HOL) - Raysal wasaaraha Soomaaliya, Maxamed Xuseen Rooble ayaa sheegay inuu madaxweynaha Jubbaland Axmed Madoobe kula xisaabtami doono doorashooyinka aqalka hoose ee ka dhicidoono magaalooyinka Kismaayo iyo Garbahaareey.

7/10/2021 6:40 AM EST
Sabti, Luulyo, 10, 2021 (HOL) - Warar dheeraad ayaa kasoo baxaya qarax Ismiidaamin ahaa oo loo adeegsaday gaari laga soo buuxiyay walxa qaraxa kaasoo la doonayay in lagu khaarajiyo Taliyaha guud ee qeybta Booliiska gobolka Banaadir Farxaan Maxamuud, Farxaan Qaroole.

7/10/2021 4:06 AM EST
Sabti, Luulyo, 10, 2021 (HOL) - Taliyaha ciidanka Booliska gobolka Banaadir Farxaan Maxamuud Qaroole ayaa ka badbaaday Qarax loo adeegsaday gaari kaas oo lagu weeraray kolonyada taliyaha oo marayay Isgoyska Banaadir.

7/10/2021 3:30 AM EST
Sabti, Luulyo, 10, 2021 (HOL) - Qarax aad u xoogan oo jugtiisa laga maqlay inta badan degmooyinka gobolka Banaadir ayaa daqiiqado yar kahor ka dhacay Isgoyska Banaadir ee magaalada Muqdisho.

7/10/2021 3:12 AM EST
Sabti, Luulyo, 10, 2021 (HOL) - Ciidamada amniga Puntland oo shalay qaaday hawlgal ciidan ayaa kooxda Daacish ka saaray fariisinkoodii tuulada Timirshe ee gobolka Bari, sida lagu sheegyay qoraal kasoo baxay taliska ciiddanka nabad sugida Puntland ee PSF.

7/10/2021 2:31 AM EST
Sabti, Luulyo, 10, 2021 (HOL) - Wararka ka imaanaya dalka Koofur Afrika gaar ahaan deegaanka lagu magacaabo KwaNobuhle Township ee gobolka Eastren Cape ayaa sheegaya in halkaasi Xalay saqdii dhexe ay ka bilaawdeen rabshado xoogan oo ay daba socdeen boob loo geystay dukaamo ganacsi oo ay halkaasi ku lahayeen Muwaadiniin Soomaaliyeed.

7/10/2021 2:21 AM EST
Sabti, Luulyo, 10, 2021 (HOL) - Magaalada Jigjiga ee caasimadda degaanka Soomaalida ayaa maalmahan aad looga dareemayaa qiimaha maciishada iyo nolosha kale oo aad u kacday.

7/10/2021 1:42 AM EST
Sabti, Luulyo, 10, 2021 (HOL) - Wafdi uu hoggaaminaayo Raysal wasaaraha Soomaaliya Maxamed Xuseen Rooble ayaa la filayaa in maanta ay gaaraan magaalada Garbahaareey ee xarunta gobolka Gedo.