10/18/2021
Today from Hiiraan Online:  _
Wararka Maanta- Sabti, July 10, 2021
Raysal Wasaaraha Soomaaliya oo gaaray magaalada Garbahaareey ee xarunta gobolka Gedo


Sabti, Luulyo, 10, 2021 (HOL) - Ra'sul Wasaaraha Soomaaliya Maxamed Xuseen Rooble iyo wafdi uu hoggaaminayay ayaa ka dagay magaalada Garbahaarey ee xarunta gobolka Gedo, halkaas oo si ballaaran loogusoo dhoweeyay.

Safarka raysal wasaaraha wuxuu ku saabsan yahay sidii xal siyaasadeed looga gaari lahaa khilaafka siyaasadeed ee dowladda Federaalka iyo Jubaland ee la xiriira maamulka gobolka Gedo oo muddo dheer soo taagnaa.

Raysal wasaare Rooble iyo guddiga dib u heshiisiin gobolka Gedo ah, ayaa Garbahaareey ka bilaabi doona dardargalinta hannaanka doorashada, madaama magaalada Garbahaarey ay kamid tahay labada magaalo ay ka dhici doonto doorashada xubnaha aqalka hoose ee Baarlamaanka oo ay deegaan doorashadooodu tahay Jubaland.

Ra'isul Wasaare Rooble ayaa intii aanu ka ambabixin magaalada Kismaayo wuxuu sheegay in uu booqasho ku tagi doono dhammaan magaalooyinka ay ka dhici doonaan doorashooyinka dadban.

Safarka xiga ayaa la filayaa inuu ku tago magaalada Bosaso oo katirsan Puntland iyo Jowhar oo Hirshabeelle ah.

Abdiweli M. Sheikh, Hiiraan Online












Click here
7/10/2021 2:45 PM EST
Sabti, Luulyo, 10, 2021 (HOL) - Tiro hoobiyeyaal ah ayaa daqiiqado ka hor kusoo dhacay magaalada Muqdisho ee Caasimada Soomaaliya gaar ahaan agagaarka Madaxtooyada.

7/10/2021 12:03 PM EST
Sabti , Luulyo, 10, 2021 (HOL) - Will yar oo lagu magacaabi jiray Mustafe Barkhad, ayaa ku geeriyooday barkad ku taala deegaanka Cadda dhaadheeray ee degamada Gabilay.

7/10/2021 7:56 AM EST
Sabti, Luulyo, 10, 2021 (HOL) - Raysal wasaaraha Soomaaliya, Maxamed Xuseen Rooble ayaa sheegay inuu madaxweynaha Jubbaland Axmed Madoobe kula xisaabtami doono doorashooyinka aqalka hoose ee ka dhicidoono magaalooyinka Kismaayo iyo Garbahaareey.

7/10/2021 6:40 AM EST
Sabti, Luulyo, 10, 2021 (HOL) - Warar dheeraad ayaa kasoo baxaya qarax Ismiidaamin ahaa oo loo adeegsaday gaari laga soo buuxiyay walxa qaraxa kaasoo la doonayay in lagu khaarajiyo Taliyaha guud ee qeybta Booliiska gobolka Banaadir Farxaan Maxamuud, Farxaan Qaroole.

7/10/2021 4:06 AM EST
Sabti, Luulyo, 10, 2021 (HOL) - Taliyaha ciidanka Booliska gobolka Banaadir Farxaan Maxamuud Qaroole ayaa ka badbaaday Qarax loo adeegsaday gaari kaas oo lagu weeraray kolonyada taliyaha oo marayay Isgoyska Banaadir.

7/10/2021 3:30 AM EST
Sabti, Luulyo, 10, 2021 (HOL) - Qarax aad u xoogan oo jugtiisa laga maqlay inta badan degmooyinka gobolka Banaadir ayaa daqiiqado yar kahor ka dhacay Isgoyska Banaadir ee magaalada Muqdisho.

7/10/2021 3:12 AM EST
Sabti, Luulyo, 10, 2021 (HOL) - Ciidamada amniga Puntland oo shalay qaaday hawlgal ciidan ayaa kooxda Daacish ka saaray fariisinkoodii tuulada Timirshe ee gobolka Bari, sida lagu sheegyay qoraal kasoo baxay taliska ciiddanka nabad sugida Puntland ee PSF.

7/10/2021 2:31 AM EST
Sabti, Luulyo, 10, 2021 (HOL) - Wararka ka imaanaya dalka Koofur Afrika gaar ahaan deegaanka lagu magacaabo KwaNobuhle Township ee gobolka Eastren Cape ayaa sheegaya in halkaasi Xalay saqdii dhexe ay ka bilaawdeen rabshado xoogan oo ay daba socdeen boob loo geystay dukaamo ganacsi oo ay halkaasi ku lahayeen Muwaadiniin Soomaaliyeed.

7/10/2021 2:21 AM EST
Sabti, Luulyo, 10, 2021 (HOL) - Magaalada Jigjiga ee caasimadda degaanka Soomaalida ayaa maalmahan aad looga dareemayaa qiimaha maciishada iyo nolosha kale oo aad u kacday.

7/10/2021 1:42 AM EST
Sabti, Luulyo, 10, 2021 (HOL) - Wafdi uu hoggaaminaayo Raysal wasaaraha Soomaaliya Maxamed Xuseen Rooble ayaa la filayaa in maanta ay gaaraan magaalada Garbahaareey ee xarunta gobolka Gedo.