3/29/2024
Today from Hiiraan Online:  _
Wararka Maanta- Sabti, July 10, 2021
Puntland oo sheegtay in ay kooxda Daacish ka saartay farriisin ay ku lahaayeen kooxda Bari

Sabti, Luulyo, 10, 2021 (HOL) - Ciidamada amniga Puntland oo shalay qaaday hawlgal ciidan ayaa kooxda Daacish ka saaray fariisinkoodii tuulada Timirshe ee gobolka Bari, sida lagu sheegyay qoraal kasoo baxay taliska ciiddanka nabad sugida Puntland ee PSF.

Taliska PSF ayaa shaacisay in ay hadda farriisiinkaas gacanta ku hayaan ciidamada Puntland, waxayna tilmaameen in ay tallaabadan guul u tahay dagaalka lagula jiro waxa loogu yeero argagixisada qatarta ku haysa amniga Puntland.

Kooxda Daacish ayaa farriisinkan kasoo abaabuli jiray weerarada ka dhanka ah Puntland, waana meel istaraatiiji ah oo ka caawin jirtay in ay ku dhuuntaan dagaalamayaashooda.

Dhawaan ayay ahayd markii Puntland ay ku dhawaaqday dagaal ka dhan ah kooxda Daacih kadib markii wasiirka amniga iyo wafdi uu hogaaminayay qarax lagula eegtay gobolka Bari uu ku geeriyooday hal askari.

Daacish ayaa weli farriisimo muhiim ah ku leh buuraha gobolka Bari, inkastoo sanadihii u dambeeyay uu hoos u dhacay falalkii ay Bosaso ka geysan jireen kadib markii gacanta looga dhigay xubno sare iyo dagaalamayaal.

Tan iyo weerarkii bishii march ee lagu qaaday xabsiga Bosaso, Puntland ayaa aad u adkaysay amniga gobolka Bari.

Abdiweli M. Sheikh, Hiiraan Online












Click here
7/10/2021 2:45 PM EST
Sabti, Luulyo, 10, 2021 (HOL) - Tiro hoobiyeyaal ah ayaa daqiiqado ka hor kusoo dhacay magaalada Muqdisho ee Caasimada Soomaaliya gaar ahaan agagaarka Madaxtooyada.

7/10/2021 12:03 PM EST
Sabti , Luulyo, 10, 2021 (HOL) - Will yar oo lagu magacaabi jiray Mustafe Barkhad, ayaa ku geeriyooday barkad ku taala deegaanka Cadda dhaadheeray ee degamada Gabilay.

7/10/2021 9:11 AM EST
Sabti, Luulyo, 10, 2021 (HOL) - Ra'sul Wasaaraha Soomaaliya Maxamed Xuseen Rooble iyo wafdi uu hoggaaminayay ayaa ka dagay magaalada Garbahaarey ee xarunta gobolka Gedo, halkaas oo si ballaaran loogusoo dhoweeyay.

7/10/2021 7:56 AM EST
Sabti, Luulyo, 10, 2021 (HOL) - Raysal wasaaraha Soomaaliya, Maxamed Xuseen Rooble ayaa sheegay inuu madaxweynaha Jubbaland Axmed Madoobe kula xisaabtami doono doorashooyinka aqalka hoose ee ka dhicidoono magaalooyinka Kismaayo iyo Garbahaareey.

7/10/2021 6:40 AM EST
Sabti, Luulyo, 10, 2021 (HOL) - Warar dheeraad ayaa kasoo baxaya qarax Ismiidaamin ahaa oo loo adeegsaday gaari laga soo buuxiyay walxa qaraxa kaasoo la doonayay in lagu khaarajiyo Taliyaha guud ee qeybta Booliiska gobolka Banaadir Farxaan Maxamuud, Farxaan Qaroole.

7/10/2021 4:06 AM EST
Sabti, Luulyo, 10, 2021 (HOL) - Taliyaha ciidanka Booliska gobolka Banaadir Farxaan Maxamuud Qaroole ayaa ka badbaaday Qarax loo adeegsaday gaari kaas oo lagu weeraray kolonyada taliyaha oo marayay Isgoyska Banaadir.

7/10/2021 3:30 AM EST
Sabti, Luulyo, 10, 2021 (HOL) - Qarax aad u xoogan oo jugtiisa laga maqlay inta badan degmooyinka gobolka Banaadir ayaa daqiiqado yar kahor ka dhacay Isgoyska Banaadir ee magaalada Muqdisho.

7/10/2021 2:31 AM EST
Sabti, Luulyo, 10, 2021 (HOL) - Wararka ka imaanaya dalka Koofur Afrika gaar ahaan deegaanka lagu magacaabo KwaNobuhle Township ee gobolka Eastren Cape ayaa sheegaya in halkaasi Xalay saqdii dhexe ay ka bilaawdeen rabshado xoogan oo ay daba socdeen boob loo geystay dukaamo ganacsi oo ay halkaasi ku lahayeen Muwaadiniin Soomaaliyeed.

7/10/2021 2:21 AM EST
Sabti, Luulyo, 10, 2021 (HOL) - Magaalada Jigjiga ee caasimadda degaanka Soomaalida ayaa maalmahan aad looga dareemayaa qiimaha maciishada iyo nolosha kale oo aad u kacday.

7/10/2021 1:42 AM EST
Sabti, Luulyo, 10, 2021 (HOL) - Wafdi uu hoggaaminaayo Raysal wasaaraha Soomaaliya Maxamed Xuseen Rooble ayaa la filayaa in maanta ay gaaraan magaalada Garbahaareey ee xarunta gobolka Gedo.