3/28/2024
Today from Hiiraan Online:  _
Wararka Maanta- Isniin, Jan 11, 2021
Kufsi laga soo sheegayo magaalada Mekella oo dhawaan ay la wareegeen ciidanka Federaalka Itoobiya

 

Isniin, Janaayo, 11, 2021 (HOL) - Saraakiisha Amniga magaalada Woqooyiga Itoobiya ku taal ee Mekelle ayaa walaac ka muujiyay amni darada ka jirta magaalada iyadoo mid ka mid ah saraakiishan uu sheegay in dumar lagu kufsaday toddobaadkan magaalada. xili magaalada ay ku jirto gacanta ciidanka federaalka Itoobiya.

Xukuumadda Ra'iisul Wasaare Abiy Ahmed  ayaa ku dhawaaqday in ay ku guuleysatay dagaalkii ay la gashay xisbiga gobolka Tigree kaddib markii ay qabsatay Mekelle ee xarunta u aheyd oo ay ku nool yihiin Nus milyan qof

Inkastoo Dowladda ay tiraahdo  waxaan soo celinaynaa sharciga iyo kala dambaynta, Haddana dhinaca kale  hay'adaha gargaarka, dadka deegaanka iyo Qaramada Midoobay waxaa ay ka walaacsan yihiin xasillooni-darrada ka jirta magaalada.

Kulankii Jimcihii ka dhacay magaalada Mekelle ee laga sii daayay TV Dowladda Itoobiya ee ETV,  ayaa waxaa ka soo muuqday Nin ku labisnaa dareyska ciidanka militariga Itoobiya kaasoo ka hadlayay xadgudubyada soo noqnoqda ee lagula kaco haweenka.

“Waan careysnaa shalay.. maxaa haween loogu kufsadaa magaalada Mekelle?  Wax laga naxo ma ahaan laheyn haddii ay arrintani dhici laheyd intii lagu gudajiray jiray dagaalka maxaa yeelay  lama maareyn karin waana wax la filan karay,.. Laakiin haweenka ayaa la kufsaday shalay iyo maanta xili ay magaaladan joogaan Booliiska deegaanka iyo kuwa Federaalka, waxaan u baahannahay inaan wada shaqeyn dhaxdeena ah yeelano'' ayuu yiri 

Lama sheegin cid kufsaneysa haweenka magaalada Mekella, hasse ahaatee carrada ugu weyn ayaa ka dhalatay in arrimahan oo dhan dhacayaan xili magaalada ay la wareegtay dowladda.

Dowladda iyadu arintan jawaab toos ah kama aysan bixin, balse marar badan oo hore ayeey sheegtay in ay hay'addaha Amnigu u xilsaaran yihiin ilaalinta iyo sugida amniga dadka rayidka ah.

Cabdiraxmaan Diini, Hiiraan Online
[email protected]   













Click here
1/11/2021 3:11 PM EST
Isniin, Janaayo, 11, 2021 (HOL)- Waxaa maalmahan magaalada Jigjiga ee DDS laga dareemayay sare u kac qiimaha maciishada daruuriga ah, taas oo dadka degaanku aad uga walaaceen.

1/11/2021 10:14 AM EST
Isniin, Janaayo, 11, 2021 (HOL) - Wasiirkii hore ee Wasaaradda Waxbarashada Soomaaliya islamarkaana ah musharax u taaggan xilka madaxweyaha Soomaaliya Prof Cabdinuur Sheekh Maxamed ayaa dowladda ku eedeeyay caburin aan loo meeldayin oo shacabka iyo mucaaradkaba ay kula kaceyso.

1/11/2021 8:03 AM EST
Isniin, Janaayo, 11 2021 (HOL) - Puntland ayaa maanta xabsi kuyaala Garowe u dhaadhicisay weriye lagu magacaabo Kilwe Aadan Faarax oo muddo 15 cishe ah gacanta ugu jiray hay’addaha nabad sugida Puntland.

1/11/2021 7:27 AM EST
Isniin, Janaayo, 11, 2021 (HOL) - Ilaa saddex askari oo ka tirsanaa ciidanka dowladda Soomaaliya ayaa lagu dilay fiidnimadii Axadda weerar gaadmo ah oo ay ku qaadeen xoogagga Al-shabaab saldhig ay ku lahaayeen ciidanka dowladda gobolka Shabeellada Dhexe.

1/11/2021 6:11 AM EST
Isniin, Janaayo, 11 2021 (HOL) - Isimada Puntland ayaa baaq kasoo saaray khilaaf siyaasadeed ee ka taagan arrimaha muragaysan ee doorashada Soomaliya, kadib markii ay Garowe kulan kula yeesheen madaxweynaha Puntland, Siciid Deni.

1/11/2021 5:34 AM EST
Isniin, Janaayo, 11, 2021 (HOL) - Wasiiru dowlaha Arrimaha Dibadda iyo Iskaashiga Caalamiga ee Dowladda Soomaaliya ayaa kulan la yeeshay Wakiilka Xoghayaha Guud ee Qaramada Midoobey James Swan,

1/11/2021 2:25 AM EST
Isniin, Janaayo, 11 2021 (HOL) -Dowladda Itoobiya tan iyo markii ay soo afjartay dagaalkii gobolka Waqooyiga ay kula gashay xoogagga Tigrayga, waxaa ay ku raad joogta sidii ay gacanta ugu soo dhiggi laheyd saraakiisha sar sare ee TPLF ee ku lugta lahaa qalalaasaha

1/11/2021 12:58 AM EST
Isniin, Janaayo, 11 2021 (HOL) -Madaxweynayaasha dowlad gobolleedka Galmudug, Koonfur Galbeed iyo Hirshabelle iyo xubnaha midowga Musharixiinta oo xalay kulan ku yeeshay magaalada Muqdisho ayaa si adag uga doodday go'aankii ay dhawaan xukuumaddu qaadatay ee ahaa qabashada doorasho aan loo dhameyn.