12/5/2021
Today from Hiiraan Online:  _
Wararka Maanta- Isniin, Aug 2 , 2021
Shan ka mid ah kuraasta Xildhibaanada Aqalka Sare oo lagu doortay Magaalada Baydhabo


Isniin, Agoosto, 2, 2021 (HOL) - Waxaa goordhaw si rasmi ah u soo gabagaboobay doorashada Shan ka mid ah kuraasta Xildhibaanada Aqalka sare ee Baarlamaanka Soomaaliya ku matalaya maamulka Koofur Galbeed Soomaaliya.

Samsam Ibraahin Cali ayaa noqtay Senatarkii ugu horeeyay ee lagu doortay maanta magaalada Baydhabo, islamarkaana ku guuleysatay  81 cod halka Shariifo Xaaji Cismaan oo la tartantay ay heshay 4 cod, waxaana halaabay 7 cod.

Kursiga labaad ee kuraastii maanta lagu tartamay Baydhabo waxaa ku tartamay Ayaan Aadan Cabdullaahi iyo Farxiyo Nuur Aadan waxaana kusoo baxay kursigaas Ayaan Aadan Cabdullaahi oo heshay 79 cod, iyadoo Farxiya Nuur Aadan ay heshay 8 cod, Shan kamid ah codadka ayaa halaabay.

Kursiga sadaxaad ee Xildhibaanada Aqalaka sare ee Koofur Galbeed deegaan doorashadooda tahay waxaa kuwada tartamay Aadan Cabdinaasir Maxamed oo ah wasiiru dowlaha arrimaha gudaha dowladda Fedaraalka soomaaliya iyo Maxamed Xasan Aadan waxaana ku guuleystay Aadan Cabdinaasir Maxamed oo helay 80 cod, iyadoo Maxamed Xasan Aadan uu helay 6 cod waxaana la sheegay iney halaabeen 6 cod.

Kursiga afaraad ee qalka Sare ee BFS waxaa ku tartamay Maxamuud Maxamed Cabdinuur Garabey iyo Nuur Baabul Cadow, waxaana kursiga ku guuleystay Maxamuud Maxamed Cabdinuur Garabeey oo helay 76 cod, halka Nuur Baabul Cadow uu isna helay 9 cod, waxaana halaabay 5 cod.

Kursiga Shanaad oo ahaa kursigii ugu dambeeyay ee doorashadii Maanta ka dhacday magaalada Baydhabo waxaa kuwada tartamay musharaxiinta kala ahaa Xuseen Maxamed Daahir iyo Xasan Maxamed Nuur, waxaana kursiga Xildhibaanimo ku guuleystay Xuseen Maxamed Daahir oo helay 71 cod, iyadoo Xasan Maxamed Nuur uu helay 7 Cod, waxaana halaabay 10 cod.

Doorashadii maanta ka dhacday magaalada Baydhabo ayaa kusoo gabagaboowday jawi wanaagsan waxayna noqoneysa tii labaad oo ka hirgasha deegaanada maamul goboleedyada dalka, waxaana maamulkii ugu horeeyay ee doorashada qabta noqday maamulka Jubbaland oo kismaayo ku doortay 4 ka mid ah kuraasta Aqalka sare ee BFS, taasoo tirada guud ee Senatarada la doortay ka dhigeysa 9 Xildhibaan.

Jamaal Cali Cabdi, Hiiraan Online
[email protected]












Click here
8/2/2021 4:56 PM EST
Isniin, Agoosto, 2, 2021 (HOL) - Guddoomiyaha xisbiga UCID Faysal Cali Waraabe, ayaa beeniyay in uu ku baaqay mudaharaad maalinta bari ah, sida uu sheegay wasiirka arrimaha gudaha Somaliland Maxammed Kaahin Axmed, saxafiyiinta qaarkoodna qoreen.

8/2/2021 1:17 PM EST
Isniin, Agoosto, 2, 2021 (HOL) - Wasiirka arrimaha gudaha Somaliland Maxammed Kaahin Axmed, oo u jawabaya guddoomiye Faysal Cali Waraabe, oo la sheegay in uu shacabka Hargaysa ugu baaqay in ay bari isku soo baxaan, ayaa uga digay in uu nabad galyo daro abuuro.

8/2/2021 12:54 PM EST
Isniin, Agoosto, 2, 2021 (HOL) - Wasaaradda waxbarashada iyo tacliinta sare ee maamulka Puntland ayaa ku guul daraystay in ay saxdo imtixaankii shahaadiga ahaa ee fasalada siddeedaad ee dugsiyada dhexe Puntland, xilli maalinta berrito ah ay dib u furmayaan guud ahaan dugsiyada Puntland.

8/2/2021 11:49 AM EST
Isniin, Agoosto, 2, 2021 (HOL) - Xildhihaan Cabdikariin Meecaad oo xisbiga Waddani uga soo baxay gobolka Sanaag oo horey uga tirsana isbahaysiga xisbiyada mucaaradka Somaliland ee Waddani iyo UCID, ayaa ku biiray isbahaysiga kasoo hor jeeda ee xisbiga Kulmiye iyo garabka UCID.

8/2/2021 11:39 AM EST
Isniin, Agoosto, 2, 2021 (HOL) - Dowlad degaanka Soomaalida Itoobiya ayaa go'aano kasoo saartay sicir bararka maalmahan ka jiray degaanka, sidaan lawada soconay maalmihii aynu soo dhaafnay waxaa degaanka Soomaalida ka jiray sicir bar dhanka maciishada ah, taas oo shay walba uu gaadhay qiimo aysan cidna u dhawaan karin.

8/2/2021 7:54 AM EST
Isniin, Agoosto, 2, 2021 (HOL) - Guddoomiyaha ku meel gaadhka ah ee xisbiga Waddani Cabdiqaadir X. Ismaaciil Jirde, ayaa ku baaqay in aan dhibaato laga dhex abuurin, xildhibaannada golaha wakiilada Somaliland ee cusub iyo musharixiinta u taagan doorashada shirgudoonka.

8/2/2021 7:35 AM EST
Isniin, Agoosto, 2, 2021 (HOL) - Ayaan Adan Cabdullaahi ayaa noqotay haweenaydii Labaad ee kusoo baxda doorashada xildhibaanada aqalka sare ee koonfur galbeed ku matalaya barlamaanka labaad ee aqalka sare.

8/2/2021 6:05 AM EST
Isniin, Agoosto, 2, 2021 (HOL) - Waxaa goordhaw si rasmi ah ay uga bilaawday magaalada Baydhabo doorashada Xildhibaanada Aqalka sare Baarlamaanka Soomaaliya ku matalaya maamulka Koonfur Galbeed.

8/2/2021 1:42 AM EST
Isniin, Agoosto, 2, 2021 (HOL) - Guddoomiyaha maamulka gobolka Hiiraan Cali Jeyte Cismaan iyo Taliyaha guutada 5-aad qeybta 27-aad ee ciidanka Xoogga dalka Maxamuud Xasan Ibraahim Baakaay ayaa si wadajir ah dhaliilo adag ugu jeediyay ciidamada AMISOM ee ku sugan gobolka Hiiraan.

8/2/2021 1:31 AM EST
Isniin, Agoosto, 2, 2021 (HOL) - Waxaa maanta lagu wadaa in magaalada Baydhabo ee xarunta gobolka Baay ay ka bilaabato doorashada Xildhibaanada Aqalka sare ee Baarlamaanka Soomaaliya ku matalaya maamulka Koofur Galbeed.