12/8/2021
Today from Hiiraan Online:  _
Wararka Maanta- Jimco, Sept 17, 2021
ONLF oo ka hadhay ka qaybgalka doorashada degaanka ka dhacaysa

Jimco, September, 17, 2021 (HOL) - War saxaafadeed ay goordhawayd soo saareen Xisbiga ONLF, ayaa lagu sheegay inay guud ahaan ay qaadaceen ka qaybgalka doorashada degaanka ka dhacaysa dhawaan.

ONLF ayaa arrintan sabab uga dhigay maadaama aan la sixin khaladaadkii ay horey u tirsanayeen xisbiyada mucaaradku oo uu ONLF ku jirto, iyagoo sheegay in Guddida Doorashadu uu ku guul daraystay inuu saxo khaladaadkii hore.

Go'aanka ay maanta qaateen ONLF ee ay ku sheegeen inay ka hadheen ka qaybgalka doorashada degaanka ka dhacaysa ayaa kusoo hagaagaysa xilli horey ay doorashada uga hadheen Xisbiga FEP, oo isna cadeeyay inuu ka hadhayo doorashada degaanka ka dhacaysa.

Arrintan ayaa sidoo kale kusoo hagaagaysa iyadoo maalmo kooban un ka hadhey doorashadii degaanka ka dhici lahayd, oo ololihii doorashaduna uu maalmahan ka socdo guud ahaan degaanka Soomaalida.

Degaanka ayaa waxaa horey uga tartamayay xisbiga talada haya ee PP iyo xisbiyada mucaaradka oo dhawr ah, iyadoo ay ugu waawaynaayeen ONLF iyo FEP, balse hadda ay labadoodiiba iskagahadheen doorashada, mana jirto hadda xisbi muuqda oo la tartamaya xisbiga talada haya ee PP.


Abdilahi Jawhar, Hiiraan Online
[email protected]












Click here
9/17/2021 12:33 PM EST
Jimco, September, 17, 2021 (HOL) - Xubnaha Beesha Caalamka iyo hay'addaha daneeya arrimaha Soomaaliya ayaa War saxafadeed si wadajir ah uga soo saaray khilaafka daba dheeraaday ee u dhaxeeya madaxweyne Farmaajo iyo Raysal wasaare Rooble.

9/17/2021 10:32 AM EST
Jimco, September, 17, 2021 (HOL) - Wasiirka wasaaradda Arrimaha Dibadda dowladda Jabuuti Maxamuud Cali Yuusuf oo ka hadlay xanibaada diyaarad uu saaarnaa taliyahii hore ee hay'adda Nabadsugida Qaranka Fahad Yaasiin iyo Rikaab kale oo fara badnaa iney dib ugu celinayaan dalka Turkiga oo markii hore ay kasoo duushay diyaarada.

9/17/2021 7:40 AM EST
Jimco, September, 17, 2021 (HOL) - Iyadoo saacadahii lasoo dhaafay ay soo baxayeen warar sheegayay in Agaasimahii hore ee hay'adda NISA Fahad Yaasiin diyaarad uu la socday lagu xanibay dalka Jabuuti ayaa waxaa arintaasi goordhaw ka hadlay Agaasimaha Warfaafinta iyo Xiriirka Warbaahinta Madaxtooyada Soomaaliya Cabdirashiid Maxamed Xaashi.

9/17/2021 7:23 AM EST
Jimco, September, 17, 2021 (HOL) - Waxaa Maanta magaalada Muqdisho ee caasimada Soomaaliya ku geeriyooday Xildhibaan Maxamed Axmed Faarax, wuxuuna ahaa wasiiru dowlahii wasaaradda Warfaafinta maamul goboleedka Hirshabeelle.

9/17/2021 6:55 AM EST
Jimco, September, 17, 2021 (HOL) - Golaha Amaanka Qaramada Midoobay ayaa maanta kulan ka yeelanaya arrimaha Soomaaliya, gaar ahaan khilaafka sii xoogeystay ee u dhaxeeya labada Masuul ee ugu sareysa Soomaaliya Farmajo iyo Rooble.

9/17/2021 1:44 AM EST
Jimco, September, 17, 2021 (HOL) - Golaha Midowga Musharaxiinta madaxweynaha Soomaaliya ayaa si kulul u Cambaareeyay qoraalkii kasoo baxay xafiiska madaxweyne Maxamed Cabdullahi Farmaajo ee lagu shaaciyay in la hakiyay awoodahii Raysal wasaaraha Xukuumadda Soomaaliya Maxamed Xuseen Rooble.

9/17/2021 1:33 AM EST
Jimco, September, 17, 2021 (HOL) - Madaxda maamul goboleedyada dalka oo xalay kulan ku yeeshay aaladda fogaan araga ee Zoom-ka, ayaa kawada hadlay xaalada cakiran ee u dhaxeysa madaxweyne Farmaajo iyo Raysal wasaare Rooble.

9/17/2021 1:25 AM EST
Jimco, September, 17, 2021 (HOL) - Xogeeyaha guud ee xisbiga Waddani Khadar Xuseen Cabdi, ayaa xukuumada Somaliland ku eedeeyay in anay daacad ka ahayn sugida amaanka magaalada Laascaanood.