12/7/2021
Today from Hiiraan Online:  _
Wararka Maanta- Talaado, Nov 23, 2021
Doorashada Lix kursi oo kamid ah kuraasta gobolada waqooyi oo maanta Muqdisho lagu qabanayo
 

Talaado, November, 23, 2021 (HOL) - Guddiga doorashooyinka ayaa maanta qabanaya doorashada Lix kursi oo ka mid ah kuraasta golaha shacabka ee gobolada waqooyi sida uu sheegay afhayeenka guddiga doorashooyinka heer federaal Ambassador Axmed Adan Dagaal (Safiina).

Doorashadan oo ka dhici doonta magaalada Muqdisho, ayaa guddiga doorashada waxay sidoo kale sheegeen in maanta ay ku egtahay diiwaan galinta kuraasta maanta lagu tartamayo.

Afhayeenka guddiga doorashada wuxuu sheegay kuraasta maanta la dooran doono in ay yihiin lix kursi, oo ku biiridoona labadii kursi ee horey loogu doortay oo uu mid kamid ah kusoo baxay raysal wasaare ku xigeenka Soomaaliya, Mahdi Guuleed Khadar.

Qaar kamid ah kuraasta loo tartamayo, ayaa ah kuraas isku sidkan, waxaana ergooyinku halmar dooranayaan xildhibaannada tartamaya, waana arrin lagu heshiiyay markii la sameynayay habraaca doorashada gobolada waqooyi ee Somaliland.

Afhayeenka guddiga doorashada ayaa ugu baaqay maamulada Puntland, Jubbaland iyo Hirshabeelle in ay soo saaraan liiska musharraxiinta aqalka hoose, inkastoo uu sheegay in maamulada qaar ay ka filayaan liis badan oo kuraasta doorashada ah.

Si kastaba ha ahaatee, golaha musharraxiinta madaxweynaha ayaa dhawaan walaac xooggan waxay ka muujiyeen in doorashadu ku socoto qaab gaabis ah oo keeni kara dib u dhac aan xaddidnayn.



Abdiweli M. Sheikh, Hiiraan Online












Click here
11/23/2021 12:27 PM EST
Talaado, November, 23, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa ku dhawaaqay in dalka uu galay Xaalad deg deg ah oo bani'aadanimo oo ka dhalatay abaaraha baahsan ee dalka kusii faafaya.

11/23/2021 8:18 AM EST
Talaado, November, 23, 2021 (HOL) - Doorashada shan kursi oo katirsan kuraasta xildhibaannada gobolada waqooyi ee Somaliland, ayaa lagusoo gabagabeeyay magaalada Muqdisho, iyadoo kuraasta qaarkood ay kusoo laabteen xildhibaanno horey u joogay golaha shacabka.

11/23/2021 3:56 AM EST
Talaado, November, 23, 2021 (HOL) - Iyadoo goordhaw si rasmi ah uga bilaabatay doorashada 5 ka mid ah kuraasta Aqalka Hoose ee Baarlamaanka Soomaaliya xarunta Ciidanka Booliiska Soomaaliyeed ee Jenaraal Kaahiye ayaa waxaa la doortay laba ka mid ah kuraasta doorashadooda maanta ka dhaceysa Muqdisho.

11/23/2021 3:18 AM EST
Talaado, November, 23, 2021 (HOL) - Wasiirka Wasaaradda Warfaafinta Xukuumadda Fedaraalka Soomaaliya Cismaan Abuukar Dubbe ayaa ka jawaab celiyay eedeeyn kulul oo kasoo yeertay hoggaamiyaha Xisbiga Wadajir ahna Musharax Madaxweyne Cabdiraxmaan Cabdishakuur.

11/23/2021 1:47 AM EST
Talaado, November, 23, 2021 (HOL) - Shirkadda la talinta Asal Consulting, oo kaashaneysa Rugta Ganacsiga iyo Warshadaha Soomaaliyeed iyo Ururka Shaqaalaha adduunka, ayaa waxay si rasmi ah u daah fureen Goobaal Online, oo ah adeeg loogu tala galay ganacsiyada ay leeyihiin Haweenka Soomaaliyeed oo doonaya in ay kobciyaan ganacsigooda.

11/23/2021 1:16 AM EST
Talaado, November, 23, 2021 (HOL) - Guddiga hirgelinta doorashooyinka heer Federaal ayaa soo saaray go’aan loogu mamnuucayo guud ahaan musharixiinta ku tartamaya kuraasta golaha shacabka in ay qariyaan wajiyadooda, marka ay socoto cod bixinta doorashada.

11/23/2021 12:42 AM EST
Talaado, November, 23, 2021 (HOL) - Garyaqaanka guud ee dowladda Soomaaliya Cismaan Cilmi Guuleed “Biikilo" ayaa Ra'iisul wasaaraha ka fogeeyay inuu wax shaqo ah ku leeyahay qaadida dacwada kiiska Ikraan Tahliil Faarax.

11/23/2021 12:25 AM EST
Talaado, November, 23, 2021 (HOL) - Ra'iisal Wasaaraha Itoobiya Abiyi Axmed Cali, oo kulan la yeeshay guddida fulinta ee xisbiga talada haya ee Barwaaqo, ayaa ku dhawaaqay in uu tagi doono jiidda hore ee dagaalka, isla markaana uu hoggaamin doono Ciidamada difaaca Itoobiya, laga bilaabo maanta oo Talaada ah.