12/7/2021
Today from Hiiraan Online:  _
Wararka Maanta- Sabti, Nov 20, 2021
Faahfaahin ku saabsnan todobo Qof oo ku dhintay Qarax Ka Dhacay Suuq kuyaala degmada Bardaale
 

Sabti, November, 20, 2021 (HOL) - Ugu yaraan todobo qof ayaa ku dhintay 11 kalena waa ay ku dhaawacmeen qarax jimcihii shalay ka dhacay goob suuq ah oo kutaala degmada Bardaale oo qiyaastii 60-KM dhanka galbeed kaga beegan magaalada Baydhabo ee xarunta gobolka Baay.

Qaraxa ayaa lagu aasay meel suuqa ka mid ah, waxayna ku qaraxday dadkii wax ka iibsanayay, gaar ahaan dadka reer miyiga ah oo xilligaas suuqa ku xoonsanaa, sida uu sheegay Maxamed Isaaq Caraase, oo ah guddoomiyaha degmada Bardaale.

"Dad badan oo ka yimid tuulooyinka iyo dhulka miyiga ah oo ay ku jiraan kuwa cuna maandooriyaha qaadka ayaa inta badan suuqan ku soo qulqula Jimce kasta si ay uga dukaameystaan," ayuu yiri goobjooge la hadlay warbaahinta gudaha.

Ilaa hadda ma jirto cid sheegatay mas’uuliyadda weerarkan. Guddoomiyaha degmada Bardaale, Maxamed Isaaq Caraase ayaa ku eedeeyay kooxda Alshabaab inay ka dambeeyaan.

Arbacadii, James Swan, oo ah madaxa Hawlgalka Kaalmaynta Qaramada Midoobay ee Soomaaliya, ayaa sheegay in ku dhawaad 1,000 qof oo rayid ah lagu dilay iskahorimaadyo hubaysan oo sanadkan ka dhacay Soomaaliya, iyadoo kooxda al-Shabaab ay mas’uul ka tahay saddex-meelood laba meel khasaaraha falalkaas.

Abdiweli M. Sheikh, Hiiraan Online












Click here
11/20/2021 2:23 PM EST
abti, November, 20, 2021 (HOL) - Kooxda Alshabaab ayaa sheegatay masuuliyadda dilka agaasimihii Radio Muqdisho, Cabdicasiis Maxamuud Guuleed Afrika oo caawa lagu qaarijiyay weerar ismiidaamin ah oo ka dhacay degmada Boondheere ee gobolka Banaadir.

11/20/2021 2:17 PM EST
Sabti, November, 20, 2021 (HOL) - Madaxweynaha Somaliland Muuse Biixi Cabdi, ayaa wareejinta Cirro ee hogaanka xisbiga Waddani ku macneeyay in ay keentay kadib, markii uu garawsaday in siyaasiyiinta Kulmiye ka tirsanaanjiray ay siyaasad fiicanyihiin.

11/20/2021 2:05 PM EST
Sabti, November, 20, 2021 (HOL) - War qoraal ah oo kasoo baxay booliiska Soomaaliya, ayaa lagu sheegay in qof isku soo xiray waxyaabaha Qarxa uu isku miidaamiyay agaasimihii Radio Muqdisho, Cabdicasiis Maxamuud Guuleed Arka.

11/20/2021 1:09 PM EST
Sabti, November, 20, 2021 (HOL) - Allaha u naxariisto agaasimihii Radio Muqdisho, Cabdicasiis Maxamuud Guuleed Afrika, ayaa lagu dilay qarax gaarigiisa loogu xiray oo goor dhowayd ka dhacay magaalada Muqdisho.

11/20/2021 10:49 AM EST
Sabti, November, 20, 2021 (HOL) - Madaxweynaha Somaliland Muuse Biixi Cabdi ayaa si rasmi ah u daahfuray dhismaha madaar casri ah oo shirkad layidhaa TISL oo laga leeyahay dalka Imaraatka Carabtu ka hirgalisay magaalo xeebeedka Berbera.

11/20/2021 8:53 AM EST
Sabti, November, 20, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa wareegto uu soo saaray waxa uu xilka kaga qaaday wasiirkii arrimaha Dibadda Maxamed Cabdirisaaq Maxamuud.

11/20/2021 3:20 AM EST
Sabti, November, 20, 2021 (HOL) - Iyadoo saacadahii ugu dambeeyay maamulada Galmudug iyo Koonfur Galbeed ay soo saareen liisas bilaaw u ah doorashada kuraasta Golaha Shacabka Soomaaliya ayaa waxaa arintaasi boggaadiyay guddiga doorashada heer Fedaraal.

11/20/2021 2:10 AM EST
Sabti, November, 20, 2021 (HOL) - Guddiga hirgelibta doorashada maamulka Galmudug ayaa soo saaray sharuudaha laga doonayo Musharaxiinta ku tartami doonta shanta kursi ee ugu horeysa doorashada Golaha Shacabka ee deegaan doorashadooda tahay Galmudug.

11/20/2021 1:21 AM EST
Sabti, November, 20, 2021 (HOL) - Wasaaradda arrimaha dibadda ee dalka Sacuudiga ayaa waxay si rasmi ah ugu dhawaaqday in dib loo furayo safaaradda Boqortooyada Sacuudiga ee Soomaaliya.

11/20/2021 1:06 AM EST
Sabti, November, 20, 2021 (HOL) - Guddoomiyaha xisbiga UCID Faysal Cali Waraabe, ayaa musharaxa madaxweynaha xisbiga Waddani Cabdiraxman Maxamed Cabdillahi Cirro, ku eedeeyay in Xamar looga soo dhiibay hadalkiisii ahaa in 'China Taiwan ka muhiimsanyahay'.

11/20/2021 1:06 AM EST
Sabti, November, 20, 2021 (HOL) - Madaxweyne Mustafe cagjar oo wax laga waydiiyay sababta loo xiray Tvga Nabad tv, ayaa waxa uu sheegay in tvgu uu ka gudbay anshixii saxaafadda, isla markaana lagu saxsanaa in la xiro.