6/13/2021
Today from Hiiraan Online:  _
Wararka Maanta- Sabti, Jun 5 , 2021
Qarax Ismiidaamin ah oo goordhaw ka dhacay Muqdisho


                  

Sabti, Juun, 5, 2021 (HOL) - Qaraxan oo ahaa mid xoogan ayaa jugtiisa laga maqlay degmooyin ka tirsan gobolka Banaadir, kaaso ka dhacay meel aad u mashquul badan oo aay ku yaalaan Boosteejo gadiidka laga raaco iyo waliba suuq lagu iibiyo Hilibka iyo Malaayga una dhaw isgoyska Ex-koontarool Afgooye.

Qaraxaa oo ahaa mid uu fuliyay ruux Ismiidaamiye ahaa oo soo xirtay Jaakad waxyaabaha qarxa aay ku rakiban yihiin kaasoo isku qarxiyay meel aad u mashquul badan oo aay buuxeen dad shacab ah oo qaarkood ku sugnaa Boosteejo laga raaco gaadiidka aada degmada Afgooye waxaana sidoo kale meesha ku yaalay suuq weyn oo lagu iibiyo Hilibka iyo Malaayga.

Laba qof oo shacab ah ayaa inta la xaqiijiyay ku geeriyootay qaraxa ismiidaaminta ahaa waxaana sidoo kale ku dhaawacmay ilaa sideed qof oo dhamaantood shacab ahaa, waxaana la sheegay in dadka waxyeelada ugu badan aay soo gaartay aay saarnayeen gaari Hoomey ah oo boosteejada ka qaadi rabay.

Ciidamo ka tirsan dowladda Soomaaliya ayaa gaaray goobta uu qaraxa ka dhacay kuwaas oo baaritaano ka wada halka uu qaraxa ka dhacay, waxaana sidoo kale isla goobta lagu arkayaa gaadiidka Ambalaasta oo halkaasi ka sameynaya gurmadyo la xariira qaadista dadkii ku waxyeeloobay qaraxa ismiidaaminta ahaa.

Jamaal Cali Cabdi, Hiiraan Online
[email protected]

   












Click here
6/5/2021 1:09 PM EST
Sabti, Juun, 5, 2021 (HOL) - Booliiska Soomaaliya ayaa ka hadlay qarax xoogan oo khasaare dhimasho iyo dhaawacba leh geystay oo maanta ka dhacay magaalada Muqdisho ee Caasimada Soomaaliya.

6/5/2021 12:55 PM EST
Sabti, Juun, 5, 2021 (HOL) - Xafiiska imtixaanaadka Somaliland, ayaa ku dhawaaqay in 19 bishan Juun loo fadhiisan doono imtixinaanaadka shahaadiga ah ee fasalada 8aad iyo 4aad.

6/5/2021 9:12 AM EST
Sabti, Juun, 5, 2021 (HOL) - Madaxweynaha Puntland Siciid Cabdullaahi Deni ayaa sheegay in dad badan oo diidan horumarka Puntland ay isku dayayaan in ay ka hor yimaadaan nidaamka xisbiyada badan oo ay Puntland uga guurayso midkii qabaliga ahaa.

6/5/2021 6:47 AM EST
Sabti, Juun, 5, 2021 (HOL) - Daadad ka dhashay roobab mahiigaan ah oo dhowaan ka da'ay guud ahaan Soomaaliya ayaa saameeyay dad lagu qiyaasay 400,000 oo ku nool 14 degmo tan iyo dabayaaqadii bishii Abriil, sida ay sheegtay hay'adda gargaarka ee Qaramada Midoobay.

6/5/2021 6:39 AM EST
Sabti, Juun, 5, 2021 (HOL) - Wasiirka wasaarada arrimaha gudaha Somaliland Maxamed Kaahin Axmed, ayaa amar ku siiyay musharixiinta guulaystay in anay qabsan wax debbaal dagyo ah.

6/5/2021 1:53 AM EST
Sabti, Juun, 5, 2021 (HOL) - Warar dheeraad ah ayaa kasoo baxaya dagaal xoogan oo xalay ka dhacay Ex-koontarool Balcad ee magaalada Muqdisho, kaasoo u dhaxeeyay ciidamada dowladda iyo kuwa Al-shabaab.

6/5/2021 1:35 AM EST
Sabti, Juun, 5, 2021 (HOL) - Dowladda Soomaaliya ayaa si adag u cambaareysay duqeymaha diyaaradaha Kenya ay ka geysteen gobolka Gedo ee Soomaaliya oo ay ku dhinteen kuna dhaawacmeen dad rayid ah.

6/5/2021 1:29 AM EST
Sabti, Juun, 5, 2021 (HOL) - Koomiishanka doorashooyinka ee heer degmo, ayaa ku dhawaqay natiijada hordhaca ah ee doorashada golaha deegaanka ee degmada Gabilay.