9/23/2021
Today from Hiiraan Online:  _
Wararka Maanta- Axad, Jun 27, 2021
Puntland oo xukun dil ah ku fulisay 21 xubnood oo katirsanaa kooxda Alshabaab
 

Axad, Juun, 27, 2021 (HOL) - Maxkamadda ciidamada qalabka sidda ee Puntland ayaa saaka waaberigii xukun dil toogasho ah ku fulisay 18 nin oo katirsan Alshabaab, kuwaas oo dhawaan lagu riday xulin dil ah.

Waa tiradii ugu badnayd oo Alshabaab ah oo ay Puntland hal mar ku fuliso xukun dil ah. Waxayna ahaayeen shabakad ka howlgali jirtay magaalada Gaalkacyo oo fulin jirtay qaraxyada iyo dilalka qorshaysan ee ka dhaci jiray inta badan waqooyiga Gaalkacyo, tan iyo sanadkii 2008.

Kooxdan ayaa maxkamadeyntooda muddo ka socotay magaalada Gaalkacyo, iyagoo qirtay in ay ka dambeeyeen boqolaal oo dil oo ay ka geysteen gudaha xarunta gobolka Mudug.

Gaalkacyo oo keli ah Toogashadu kama dhicin ee Magaalooyinka Garoowe iyo Qardhana waa lagu toogtay , tirada Toogashaduna waxay dhan tahay 21 xubnood , 18 kamid ah Gaalkacyo ayaa lagu toogtay.

Sanadkii 2013 ayay ahayd markii Puntland ay xukun wadareed dil ah ku riday 13 xubnood oo katirsan Alshabaab, kuwaas oo ka dambeeyay dilkii Dr. Axmed Xaaji Cabdiraxmaan oo Bosaso lagu dilay 2012.

Abdisalan Nur Dirie, Hiiraan Online
[email protected]













Click here
6/27/2021 4:56 PM EST
Axad, Juun, 27, 2021 (HOL) - Wasaaradda amniga Galmudug ayaa war qoraal kasoo saartay weerar kooxda Alshabaab saakay aroornimadii hore kusoo qaadeen fariisin ciidamada Galmudug ay ku lahaayeen magaalada Wisil oo dhacda 60km dhanka Woqooyi ee magaalada Hobyo.

6/27/2021 12:45 PM EST
Axad, Juun, 27, 2021 (HOL) - Warbixin ay soo saartay maxkamada sare ee Somaliland, ayaa lagu sheegay in Maxkamadu ay maanta dhagaysatay dacwadaha 7 musharax.

6/27/2021 11:39 AM EST
Axad, Juun, 27, 2021 (HOL) - Wasiirka warfaafinta Somaliland Saleeban Yusuf Cali Koore, ayaa wax laga xumaado ku tilmamay hadalkii madaxweyne Farmaajo ee aha "Somaliland kacdoon midnimad doon baa ka socda".

6/27/2021 11:02 AM EST
Axad, Juun, 27, 2021 (HOL) - Guddoomiyaha xisbiga UCID Faysal Cali Waraabe, ayaa sheegay in madaxweyne Biixi, uu dagaal sharci daro ah ka dhex wado golaha wakiilada.

6/27/2021 6:49 AM EST
Axad, Juun, 27, 2021 (HOL) - Wararka ka imaanaya dalka Kenya ayaa sheegaya in lasoo qabtay labo ruux ku eedeysan iney ka dambeeyeen afduub iyo jirdil bishaan biloowgeedi loo geystay gabar Soomaaliyeed oo lagu magacaabo Xafsa Maxamed Luqmaan.

6/27/2021 6:30 AM EST
Axad, Juun, 27, 2021 (HOL) - Taliyaha ciiddanka booliiska gobolka Mudug gaashaanle sare Muumin Cabdi Shire ayaa farriin culus u diray ururka Alshabaab, kadib markii maanta magaalada Gaalkacyo lagu toogtay 18 nin oo ay Puntland ku sheegtay in ay ahaayeen shabakad Shabaab katirsan oo dilal iyo qoraxyo ka geystay Puntland.

6/27/2021 5:09 AM EST
Axad, Juun, 27, 2021 (HOL) - Dagaalamayaasha Al-shabaab ayaa guulo waa weyn ka sheegtay dagaal culus oo qarax Ismiidaamin ahaa ku bilaawday oo aay saaka waabarigii hore ku qaadeen Saldhiga deegaanka Wisil ee gobolka Mudug.

6/27/2021 1:54 AM EST
Axad, Juun, 27, 2021 (HOL) - Wararka naga soo gaaraya deegaanka Wisil ee gobolka Mudug ayaa sheegaya in halkaasi aroornimadii hore ee saakay uu ka dhacay dagaal xoogan oo u dhaxeeyay ciidanka Daraawiishta maamulka Galmudug iyo Al-shabaab.

6/27/2021 1:42 AM EST
Axad, Juun, 27, 2021 (HOL) - Maamulka Hirshabeelle ayaa ku dhawaaqay inaysan qeyb ka heyn shirka lagu wado inuu maanta Muqdisho uga furmo golaha wadatashiga qaranka, kaasoo uu iclaamiyay Raysal wasaaraha Xukuumadda Soomaaliya.

6/27/2021 1:33 AM EST
Axad, Juun, 27, 2021 (HOL) - Ciidanka booliska Somaliland ee gobolka Awdal ayaa xabsiga dhigay 50 dhalinyaro ah, oo laso baxay calanka Soomaaliya munasibada 26 Juun sida boolisku sheegay.