9/21/2021
Today from Hiiraan Online:  _
Wararka Maanta- Sabti, Jun 26, 2021
Nin Soomaali ah oo seddex qof ku dilay toorey gudaha dalka Jarmalka
 

Sabti, Juun, 26, 2021, (HOL) - Nin Soomaali ah oo ku hubeysnaa mindi dheer ayaa magaalada Wuerzburg ee koonfurta Jarmalka ku dilay seddex qof, halka shan kalena uu gaarsiiyay dhaawac culus, sida ay booliisku sheegeen.

Booliska ayaa markii dambe xiray ninkan iyagoo rasaas kaga dhuftay bowdadiisa, waxayna sheegeen inuu soo gaaray dhaawac fudud.

Fiidiyow la soo dhigay baraha bulshada ayaa muujinayay ninkan oo haysta mindi iyo dadweyne isku dayay in ay weerarkiisa isaga caabiyaan kuraas iyo ulal kahor inta uusan booliisku goobta imaan.

Afhayeenka booliska Kerstin Kunick ayaa sheegay in booliska lagu wargaliyay abbaaro 5-ta galabnimo (15:00 GMT) weerar mindi ah oo ka dhacay fagaaraha Barbarossa ee bartamaha Wuerzburg.

Sarkaal sare oo lagu magacaabo Joachim Hermann ayaa sheegey in dadka dhaawacmay uu ka mid yahay wiilyar kaasoo aabihii ay u badan tahay inuu ka mid yahay dadka dhintay.

Booliiska ayaa sheegay ninka dilka geystay oo ahaa 24 jir, inuu daawo dhinaca dhimirka ah qaadanayay kahor intii aanu falkan geysan. Mana jirto macluumaad intaas ka badan oo laga hayo.

Abdiweli M. Sheikh, Hiiraan Online















Click here
6/26/2021 12:17 PM EST
Sabti, Juun, 26, 2021, (HOL) - Wasiirka amniga Puntland Cabdisamad Gallan ayaa ku eedeeyay kooxda Daacish in ay ka dambeeyaan qarax maanta barqadii kolonyo uu hoggaaminayay lagula eegtay meel qiyaastii 20km ujirta degmada Balidhidhin ee gobolka Bari.

6/26/2021 8:21 AM EST
Sabti, Juun, 26, 2021, (HOL) - Madaxweynaha dowlad goboleedka Puntland Siciid cabdullaahi Deni wafdi uu hoggaaminaayo ayaa goordhaw soo gaaray magaalada Muqdisho ee Caasimada Soomaaliya.

6/26/2021 7:25 AM EST
Sabti, Juun, 26, 2021, (HOL) - Iyadoo mudooyinkii ugu dambeeyay walaac xoogan laga muujinaayay xaalada amaan darro ee soo wajaheysay shacabka Soomaaliyeed ee ku nool gudaha dalkaasi Kenya, ayaa waxaa ka hadlay Xildhibaan Yuusuf Xasan Cabdi oo ka mid ah Baarlamaanka dalka Kenya.

6/26/2021 6:04 AM EST
Sabti, Juun, 26, 2021, (HOL) - Wararka Hiraan Online kasoo gaaraya gobolka Bari ayaa sheegaya in wafdi uu hoggaaminayay wasiirka amniga Puntland, Cabdisamad Gallan lala beegsaday labo qarax oo loogu qariyay wadada xilli ay safrayeen.

6/26/2021 5:08 AM EST
Sabti, Juun, 26, 2021, (HOL) - Madaxweynaha maamul goboleedka Jubbaland Axmed Maxamed Islaam iyo wafdi uu hoggaaminaayo ayaa goordhaw soo gaaray magaalada Muqdisho.

6/26/2021 3:32 AM EST
Sabti, Juun, 26, 2021 (HOL) - Munaasibad lagu xusayo markii ay Somaliland ka xorowday gumaystihi Ingiriiska 26 Juun 1960, ayaa xalay lagu qabtay Hargaysa.

6/26/2021 2:34 AM EST
Sabti, Juun, 26, 2021 (HOL) - Madaxweynaha Somaliland Muuse Biixi Cabdi, ayaa sheegay in $60 milyan oo banka adduun ku Somaliland usoo mariyay dowlada Soomaaliya, dowlada Soomaaliya ku maqanyihiin.

6/26/2021 2:26 AM EST
Sabti, Juun, 26, 2021, (HOL) - Wararka ka imaanaya magaalada Jowhar ee xarunta maamulka Hirshabeelle ayaa sheegaya in laba askari aay ku geeriyoodeen rasaas loo ridaayaay dabaaldega munaasabadda 26-Juun oo ah 61 sano guuradii kasoo wareegatay markii goboladda Waqooyi ka xuroobeen gumeystihii Ingiriiska.

6/26/2021 1:52 AM EST
Sabti, Juun, 26, 2021, (HOL) - Waxaa Xalay magaalada Muqdisho iyo inta badan gobolada dalka Soomaaliya lagu qabtay Munnaasabaddo lagu xusaayo maalinta qiimaha badan ee 26-Juun.

6/26/2021 1:42 AM EST
Sabti, Juun, 26, 2021 (HOL) - Madaxweynaha Somaliland Muuse Biixi Cabdi, ayaa gardaro aan loo dulqadan karin ku tilmamay in dowlada Soomaaliya xusto 26 Juun.