Arbaco, Juun, 2, 2021 (HOL) - Waxa lagu dhawaaqay natiijada hordhaca ah ee golayaasha deegaanka ee dagmooyinka Sallaxlay, Lughaya, Xudun, Saylac iyo Gar adag.
Degmada Sallaxlay xisbiga Kulmiye ayaa hogaaminaya oo ka helay 4 xildhibaan, UCID ayaa ku xiga oo ka helay 3 xildhibaan halka Waddani uu ka helay 2 xildhibaan.
Degmada Lughaya xisbiga Kulmiye ayaa hogaaminaya oo kalay 5 xildhibaan, Waddani iyo UCID ayaa iyaguna ka helay min 2 xildhibaan.
Degmada Xudun xisbiga Kulmiye ayaa hogaaminaya oo ka helay 7 xildhibaan, Waddani ayaa ka helay 2 xildhibaan halka UCID aanu waxba ka helin.
Degmada Saylac xisbiyada Kulmiye iyo Waddani ayaa xildhibaano isku mid ah oo 4 iyo 4 ah ka helay halka UCID uu 3 xildhibaan ka helay.
Degmada Gar’adag xisbiga Kulmiye ayaa hogaaminaya oo ka helay 4 xildhibaan, Waddani ayaa isna ka helay 3 xildhibaan halka UCID uu ka helay 2 xildhibaan.
Isku gaynta degmooyinkan 5 ah ee ila hada lagu dhawaaqay xisbiga Kulmiye ayaa ku hogaaminaya 10 xildhibaan oo uu dheeryahay xisbiga Waddani oo inta badan kusoo xiga.
Abdilahi Abdi Rahman, Hiiraan Online
[email protected]