9/23/2021
Today from Hiiraan Online:  _
Wararka Maanta- Talaado, Jun 15, 2021
Madaxweynaha Puntland oo ku baaqay in la ilaaliyo fulinta hehsiiska doorashada
 

Talaado, Juun, 15, 2021 (HOL) - Madaxweynaha dowlad goboleedka Puntland Siciid Deni ayaa ku baaqay in la ilaaliyo fulinta heshiiskii doorasho ee 27-ka May ee sandkan ay Muqdisho kuwada galeen dowladda federalka Soomaaliya, dowlad goboleedyada iyo gobolka Banaadir.

Madaxweyne Deni ayaa sheegay in Puntland dhinaceeda ay ka go’an tahay fulinta heshiiskaas, islamarkaana qeyb kamid ah go’aanadii heshiiskaas ay dhinacooda meel mariyeen.

Heshiiska doorashada ee May 27, ayaa dhigayay in muddo labo bilood gudaheed ah lagusoo afmeero howlaha doorashooyinka, waxaana hadda gabagabo ah mid kamid ah labadii bilood.

Marka laga yimaado isbedel weli muran ka taagan yahay oo lagu sameeyay guddiyada doorashooyinka, hadana weli ma muuqato tallaabooyinka kale oo muhiim ah oo la qaaday heshiiska kadib.

Waxaa laga cabsi qabaa in mar kale uu dib u dhac ku yimaado jadwalka doorashada, inkastoo qaar kamid ah musharraxiinta iyo siyaasiyiinta mucaaradka ay ku qanacsan yihiin sida raysal wasaare Rooble uu u maamulayo howlaha doorashooyinka dalka.

Abdiweli M. Sheikh, Hiiraan Online












Click here
6/15/2021 10:37 AM EST
Talaado, Juun, 15, 2021 (HOL) - Madaxweynaha maamul goboleedka Jubbaland Axmed Maxamed Islaam, Axmed Madoobe ayaa maanta madaxtooyada Jubbaland ku qaabilay wafdi uu hogaaminayay Wakiilka gaarka ah ee Xoghayaha guud ee Qaramada Midoobay u qaabilsan arimaha Soomaaliya James Swan, waxaana wafdiga ka mid ahaa Wakiilka gaarka ah ee Guddoomiyaha Guddiga Midowga Afrika u fadhiya Soomaaliya, Danjire Francisco Caetano Madeira, xubno kasocday Midowga Yurub iyo urur goboleedka IGAD.

6/15/2021 10:29 AM EST
Talaado, Juun, 15, 2021 (HOL) - Madaxweynaha Somaliland Muuse Biixi Cabdi, ayaa kulan dardaaran iyo hogo tusaalayn ah la qaatay xildhibaanada xisbiga Kulmiye ku matali doona golaha wakiilada ee cusub.

6/15/2021 7:54 AM EST
Talaado, Juun, 15, 2021 (HOL) - Maleeshiyaad hubeysan ayaa barqanimadii maanta nin Dawaral ahaa ku dilay deegaanka Bacda ee duuleedka degmada Matabaan ee gobolka Hiiraan.

6/15/2021 7:08 AM EST
Talaado, Juun, 15, 2021 (HOL) - Kooxda Alshabaab ayaa sheegatay masuuliyadda weerar ismiidaamin ah oo maanta barqadii lala beegsaday goob ay ku sugnaayeen dhalinyaro Soomaaliyeed oo doonaysay in qortaan ciidamada xoogga dalka.

6/15/2021 6:58 AM EST
Talaado, Juun, 15, 2021 (HOL) - Taliyaha ciidamada Xoogga dalka Soomaliyeed Jenaraal Odawaa Yuusuf Raage ayaa si faahfaahsan uga hadlay qarax Ismiidaamin ahaa oo barqaninadii maanta ka dhacay afaafka hore ee Xerada tababarada Jenaral Dhagabadan.

6/15/2021 3:46 AM EST
Talaado, Juun, 15, 2021 (HOL) - Qarax ismiidaamin ah oo aad u xooggan ayaa lala beegsaday dhalinayro ah dooneysay inay ku biiraan ciidanka milatariga Soomaaliya.

6/15/2021 3:01 AM EST
Talaado, Juun, 15, 2021 (HOL) - Madaxweynaha dowlad goboleedka Puntland Siciid Cabdullaahi Deni ayaa maanta lagu wadaa inuu si rasmi ah u furo Kalfadhiga 48-aad ee Golaha Wakiilada Maamulka Puntland.

6/15/2021 2:02 AM EST
Talaado, Juun, 15, 2021 (HOL) - Madaxweynaha maamul goboleedka Hirshabeelle Cali Cabdullaahi Xuseen ayaa magaalada Muqdisho kula kulmay Wakiilada Beesha Caalamka ee fadhigooda yahay Muqdisho.