9/23/2021
Today from Hiiraan Online:  _
Wararka Maanta- Isniin, Jun 14, 2021
Puntland oo xukun dil ah oo kama dambays ah ku riday 18 nin oo katirsan ururka Alshabaab
 

Isniin, Juun, 14, 2021 (HOL) - Maxkamadda sare ee ciidamada qalabka sida Puntland ayaa maanta dil toogasho ah ku xukuntey 17 nin oo ka tirsan ururka Alshabaab. Halka mid 18-aad oo lagu magacaabo Cabdirisaaq Axmed Buraale lagu xukumey Xabsi daa’in, sida lagu xusay go'aan maxkamadda kasoo baxay.

Xukumanayaasha ayaa 5 kamid ah waxay maxkamadu ku sheegtay in ay yihiin horjoogayaashii ugu sareeyey ee go'aamin jirey dilalka iyo qarxyada Gaalkacyo, halka 12 kalena ay dilalka loo diro fulin jireen.

Raggan ayaa waxaa horay xukun dil ah ugu riday Maxkamadda darajada koowaad ee ciidamada qalabka sida Puntland. Balse waxay ka qaateen racfaanka iyagoo qabsaday qareeno u dooda oo ka difaaca dambiyada.

Waa tiradii ugu badnayd oo ay Puntland ku rido xukun dil ah oo katirsan kooxda Alshabaab. Qaar badan oo katirsan ayaa kasoo muuqday muuqaallo ay ku qiranayeen dambiyada laguu oogay.

Puntland waxay sheegtay in ay soo afmeertay shabakadii Alshabab ee tan iyo sanadkii 2008 howlgallada isugu jira qaraxyada iyo dilalka ka geysan jirtay waqooyiga magaalada Gaalkacyo ee Puntland.

Abdiweli M. Sheikh, Hiiraan Online












Click here
6/14/2021 11:25 AM EST
Isniin, Juun, 14, 2021 (HOL) - Kenya iyo Soomaaliya waxay dib ugu soo laabteen dhabbihii dib loogu soo celin lahaa xiriirkii diblomaasiyadeed ka dib khilaaf daba dheeraaday oo labada dal ka dhaxeeyay tan iyo sanadkii hore.

6/14/2021 11:14 AM EST
Isniin, Juun, 14, 2021 (HOL) - Ciidanka nabad sugida Puntland ayaa soo bandhigay askari horey uga tirsanaa ciidanka Puntland oo kasoo goostay kooxda Alshabaab sida uu lagu sheegay wareysi muuqaal ah oo laga duubay askarigan.

6/14/2021 7:55 AM EST
Isniin, Juun, 14, 2021 (HOL) - Howlgalo qorsheysan oo ka dhan ah Ururka Al-shabaab ayay ciidamada Xoogga dalka ka sameeyeen deegaano ka tirsan gobolka Jubbada Hoose, gaar ahaan deeganada ku yaala Galbeedka Magaalada Kismaayo.

6/14/2021 6:12 AM EST
Isniin, Juun, 14, 2021 (HOL) - Warar dheeraad ah ayaa kasoo baxaya dagaal xoogan oo xalay saqdii dhexe ka dhacay deegaanka Hoosingoow ee gobolka Jubbada Hoose.

6/14/2021 1:34 AM EST
Isniin, Juun, 14, 2021 (HOL) - Taliska Booliiska Soomaaliya ayaa faahfaahin ka bixiyay howlgalo aay sheegeen in ciidamada amaanka ka sameeyeen magaalada Muqdisho lagu soo qabqabtay dad kala duwan.

6/14/2021 1:22 AM EST
Isniin, Juun, 14, 2021 (HOL) - Golaha Midowga Musharaxiinta madaxweynaha Soomaaliya ayaa bayaan kasoo saaray guddigii maalin ka hor uu magacaabay Raysal wasaataha Soomaaliya Maxamed Xuseen Rooble iney baaritaano kusoo sameeyaan xaalada aay ku sugan yihiin ciidankii tababarka loogu qaaday dalka Eriteria, kuwaas oo la sheegay in laga qeyb galiyay dagaalo ka dhacay gudaha dalka Itoobiya.