9/21/2021
Today from Hiiraan Online:  _
Wararka Maanta- Khamiis, July 8 , 2021
Hargaysa: Boqolaal shacab ah oo ka qayb qaadanaya ollole iska wax u qabso ah


Khamiis , Luulyo, 8, 2021 (HOL) - Boqolaal kamida dadwaynaha reer Hagaysa, ayaa ka qayb qaadanaya ollole lagu nadiifinayo dooxa wayn ee Hargaysa, oo uu hogaaminayo maayirka cusub ee Hargaysa.

Maayirka Hargaysa iyo golaha deegaanka ee cusub, ayaa hogaaminaya ollole ay ka qayb qaadanayaan boqolaal shacab ah oo lagu nadiifinayo dooxa wayn ee Hargaysa.

Ollolahan oo saaka salaadi subax kadib ka bilaabmay dooxa Hargaysa, ayaa waxa ka qayb qaadanaya qaybaha bulshada ee kala duwan.

Shirkada ganacsiga, qaarkamida dugsiyada waxbarashada, culimada, siyaasiyiin iyo u adeegayaal bulsho ayaa ka qayb qaadanaya ollolaha.

Maayirka cusub ee magaalada Hargaysa Cabdikariim Axmed Mooge, oo ku gudajira ollolaha nadiifinta dooxa, ayaa reer Hargaysa ugu baaqay in aan loo kala hadhin.

"Reer Hargaysow shaqadu hiil bay u baahantahay, nin walowba majarafadaada so qaado, faralaydaada soo qaado, gad badaada soo qaado, kalay oo dooxaaga nadiifso" ayuu yidhi.

Muftiga wayn ee Sheekh Maxammed Sheekh Cumar Dirir, oo kamid ah culimada ka qayb qaadanaysa ollolaha, ayaa ka hadlay halka ay diintu iska taagtay nadaafada.

"In aad maal bixiso waxa lamid ah in aad dariiqa nadiifiso, oo waa saqado, Nabigu wuxuu yidhi wadada oo la xaadho waa saqado" ayuu yidhi.

Qaarkamida ururada haweenka ee axsaabta siyaasada Somaliland, ayaa iyaguna ka qayb qaadanaya ollolaha.

"Reer Maroodi-jeexow waxan idinka baryayaa in la garab qabto xildhibaanada" sida waxa tidhi Foosiye Kayse, gudoomiyaha garabka haweenka ee xisbiga  Waddani.

Maayirka cusub ee magaalada Hargaysa Cabdikariin Axmed Mooge, ayaa xiligii doorashada balan qaaday in uu dhisi doono Hargaysa cagaaran, nidaamsan oo nadiifa.

Abdilahi Abdi Rahman, Hiiraan Online












Click here
7/8/2021 2:28 PM EST
Khamiis , Luulyo, 8, 2021 (HOL) - Guddoomiyaha xisbiga Waddani Cabdiraxmaan Maxammed Cabdilaahi (Cirro), ayaa sheegay in xisbigiisu diyaar uyahay furista ururada siyaasada.

7/8/2021 9:45 AM EST
Khamiis, Luulyo, 8, 2021 (HOL) - La taliyaha arrimaha doorashooyinka madaxweyne Farmaajo, Cabdi Cali Raage ayaa sheegay in maanta loo diiday inuu ka dago magaalada Kismaayo, diyaaradii uu la socdayna dib loogu celiyo Muqdisho.

7/8/2021 8:49 AM EST
Khamiis, Luulyo, 8, 2021 (HOL) - Wasaaradda waxbarashada Puntland ayaa maanta shaacisay natiijada imtixaanka shahaadiga ee fasalka 4-aad dugsiyada sare, waxayna soo bandhigtay tobankii arday ee ugu sareeyay guud ahaan imtixaanka.

7/8/2021 6:20 AM EST
Khamiis, Luulyo, 8, 2021 (HOL) - Waxaa maanta si rasmi ah loo shaaciyay natiijada Imtixaanka shahaadiga ee fasalka 8-aad ee sanad dugsiyeedka 2020-2021 ee dugsiyada gobolka Banaadir.

7/8/2021 5:23 AM EST
Khamiis, Luulyo, 8, 2021 (HOL) - Madaxweynahii hore ee dalka Koofur Afrika Jacob Zuma ayaa isku dhiibay Booliiska dalkaasi si ay ugu bilaabato 15 bilood oo xabsi oo uu ku muteystay amardiido uu ku sameeyay maxkamada dastuuriga ee dalka Koofur Afrika.

7/8/2021 2:41 AM EST
Khamiis, Luulyo, 8, 2021 (HOL) - Afhayeenka madaxtooyada Puntland, Jaamac Yuusuf Jaamac (Jaamac Dabaraani), ayaa jawaab ka bixiyay hadal kasoo baxay wasiirka qorshaynta Soomaaliya, Jamaal Maxamed Xasan, kaasoo madaxweynaha Puntland ku eedeeyay inuu faro galin ku hayo doorashada aqalka hoose ee ka dhacaysa Puntland.

7/8/2021 2:30 AM EST
Khamiis, Luulyo, 8, 2021 (HOL) - Ciidamada Booliiska Soomaaliya ayaa Xalay toogasho ku dilay nin ku hubeysna qoriga AK-47, kaasoo la sheegay inuu doonayay inuu carqaladeeyo dhismaha wadada xiriirisa Muqdisho iyo Balcad.

7/8/2021 2:23 AM EST
Khamiis, Luulyo, 8, 2021 (HOL) - Wasaaradda kalluumaysiga Soomaaliya ayaa dacaayad lagu suurad xumeeyo horrumarada laga sameeyey dhinaca Kalluumeysiga ku tilmaamtay warbixin kasoo baxday urur caalami ah oo daraasadeeya dambiyada abaabulan ee caalamiga ah, oo magaciisa loo gaabiyo Global Initiative.

7/8/2021 1:50 AM EST
Khamiis, Luulyo, 8, 2021 (HOL) - Waxaa Xalay magaalada Muqdisho ku geeriyooday Taliyahii ciidamada Booliiska qeybta gobolka Sh/hoose ee maamulka Koofur Galbeed Gaashaanle sare Muuse Cabduqaadir.