9/21/2021
Today from Hiiraan Online:  _
Wararka Maanta- Arbaco, July 7 , 2021
Maraykanka oo Abiy Axmed ku wargaliyay inuu si degdeg ah waqooyiga Itoobiya uga saaro ciidamada Amxaarada iyo kuwa Ertirea
 

Arbaco, Luulyo, 7, 2021 (HOL) - Xoghayaha arrimaha dibadda Maraykanka Antony J. Blinken oo maanta la hadlay ra’iisul wasaaraha Itoobiya Abiy Axmed, ayaa carabka ku adkeeyay baahida loo qabo  xabad joojin deg deg ah, oo ka dhaqan gasha waqooyiga Itoobiya.

Xoghaye Antony J. Blinken ayaa ku booriyay Raysal wasaare Abiy inuu u hogaansamo go'aamadii kasoo baxay shirkii Golaha Amniga ee Qaramada Midoobay ee dhacay labadii Luuliyo ee sanadkaan.

Go'amadaas waxaa kamid ah, in gebi ahaanba ciidamadii Ereteriya iyo Amxaarada laga saaro Tigray in aan laga hor istaagin helitaanka gargaarka bani'aadamnimada ee dadka u baahan iyo dejinta hannaan lagula xisaabtamo kuwa mas'uulka ka ah xadgudubyada  xuquuqda aadanaha.

Intaas waxaa sii dheer, Xoghayuhu wuxuu carabka ku adkeeyay sida degdegga ah loo qabanayo wadahadal siyaasadeed oo loo dhan yahay si loo bilaabo howsha adag ee loo marayo sameynta xal waara oo loogu talagalay kala qeybsanaanta siyaasadeed ee dalka.

Gobolka waqoooyiga Itoobiya ee colaaduhu ragaadiyeen ee Tigray, ayaa dhawaan magaalo madaxdiisa mekele, waxaa si buuxda ula wareegay jamhadda TPLF, kadib markii ciidamada Itoobiya ay halkaas isaga baxeen.

Abdiweli M. Sheikh, Hiiraan Online












Click here
7/7/2021 6:11 PM EST
Arbaco, Luulyo, 7, 2021 (HOL) - Xulka qaranka England ayaa u soo gudbay ciyaarta ugu dambeyso tartanka Euro 2020 ee sannadkaan, kadib markii ay garoonkooda Wembley oga badiyeen xulka Qaranka ee dalka Denmark.

7/7/2021 3:18 PM EST
Arbaco, Luulyo, 7, 2021 (HOL) - Afhayeenka xisbiga Waddani Barkhad Jaamac Batuun, ayaa xildhibaanada mucaaradka uga digay in ay laaluush ka qataan xukuumada.

7/7/2021 8:57 AM EST
Arbaco, Luulyo, 7, 2021 (HOL) - Wasiirka qorshaynta dowladda federalka Soomaaliya, Jamaal Maxamed Xasan, ayaa madaxweynaha Puntland, Siciid Cabdullaahi Deni ugu baaqay inuu faraha kala baxo arrimaha doorashada, isagoo sheegay inuu yahay musharrax madaxweyne.

7/7/2021 8:49 AM EST
Arbaco, Luulyo, 7, 2021 (HOL) - Maxkamadda ciidamada Puntland ayaa maanta dil toogasho ah ku xukuntey 8 dhalinyaro ah oo la sheegay in ay ahaayeen shabakad katirsan Alshabaab oo dilalka madax jabinta iyo qaraxyada ka geysan jirey magaalada Galkacyo gaar ahaan dhinaca Galmudug.

7/7/2021 8:23 AM EST
Arbaco, Luulyo, 7, 2021 (HOL) - Nin lagu magacaabo Mustafe Axmed Cali oo 48 jir ah ayaa suuqa magaalada Burco ku toogtay nin la odhan jiray Cumar Cabdi Faarax oo 46 jir ahaa.

7/7/2021 8:15 AM EST
Arbaco, Luulyo, 7, 2021 (HOL) - Wasiirka warfaafinta Galmudug, Axmed Shire Falage, ayaa beeniyay in kooxda Alshabaab ay dib ula wareegtay degmada Bacaadweyn ee gobolka Mudug, halkaas oo maalmo ka hor ciidamadu gudaha u galeen.

7/7/2021 6:58 AM EST
Arbaco, Luulyo, 7, 2021 (HOL) - Hay'ada caafimaadka adduunka ee WHO, ayaa qalab caafimaad oo loogu talo galay dadka dhaawacyadu soo gaadhan ku wareejisay Somaliland.

7/7/2021 5:54 AM EST
Arbaco, Luulyo, 7, 2021 (HOL) - Wafdi balaaran uu hoggaaminaayo Raysal wasaaraha Soomaaliya Maxamed Xuseen Rooble ayaa goordhaw gaaray magaalada Kismaayo ee xarunta gobolka Jubbada Hoose.

7/7/2021 5:51 AM EST
Arbaco, Luulyo, 7, 2021 (HOL) - Xulka kubadda cagta Taliyaaniga ayaa si dirqi ah ku reebay dhigiisa wadanka Spain kadib ciyaar adag oo ku dhex martay garoonka Wembley ee ku yaallo magaalada London ee caasimada Ingiriiska.

7/7/2021 5:16 AM EST
Arbaco, Luulyo, 7, 2021 (HOL) - Maxkamada sare ee Somaliland, ayaa si rasmi ah u ansixisay natiijadii hordhaca ahayd ee doorashada golaha wakiilada.

7/7/2021 1:37 AM EST
Arbaco, Luulyo, 7, 2021 (HOL) - Warar dheeraad aha ayaa kasoo baxaya dagaal beeleed khasaaro kala duwan geystay oo ka dhacay duleedka magaalada Jowhar ee xarunta gobolka Sh/dhexe.

7/7/2021 1:34 AM EST
Arbaco, Luulyo, 7, 2021 (HOL) - Raysal wasaaraha Soomaaliya Maxamed Xuseen Rooble iyo wafdi uu hoggaaminaayo ayaa la filayaa inay tagaan magaalada Kismaayo ee xarunta gobolka Jubbada Hoose.