10/18/2021
Today from Hiiraan Online:  _
Wararka Maanta- Jimco, July 30, 2021
Xildhibaan ka tirsan xisbiga Waddani oo ku biiray isbahaysiga Kulmiye iyo garabka UCID
 

Jimco, Luulyo, 30, 2021 (HOL) - Xildhibaan Axmed Maxamuud Fanax oo xisbiga Waddani uga soo baxay gobolka Togdheer, isla markaana ka mid aha xildhibaannada isbahaysiga Mucaaradka ayaa ku biiray isbahaysiga xisbiga Kulmiye iyo garabka UCID.

Xildhibaan Fanax ayaa kasoo muuqday sawiro lagu baahiyay baraha bulshada isaga oo gacmaha haysta xildhibaan Faratoon oo xisbiga Kulmiye u cumaamaday doorashada shirgudoonka wakiilada Somaliland iyo Cabdinaasir Qodax oo u sharaxan guddoomiye ku xigeenka labaad ee wakiilada.

Waxa jira loolan adag oo wakhtigan la joogo ay isbahaysiga mucaaradka ee xisbiyada UCID iyo Waddani iyo isbahaysiga kale ee xisbiga Kulmiye iyo garabka UCID ugu jiraan, hanashada shirgudoonka golaha wakiilada.

Isbahaysiga mucaaradka ayaa doorashada afhayeenka golaha wakiilada ee cusub u sharaxay Cabdirisaaq Khaliif Axmed, halka xisbiga Kulmiye iyo garabka UCID u sharaxeen Yaasiin Xaaji Maxamuud Xiir Faratoon.

Abdilahi Abdi Rahman, Hiiraan Online
[email protected]














Click here
7/30/2021 4:25 PM EST
Jimco, Luulyo, 30, 2021 (HOL) - Xildhibaan Ibraahin Maxammed Jaamac (Khadar Guun) oo xildhibaan kamida xildhibaannada isbahaysiga mucaaradku sheegay in xukuumada Somaliland afduubtay, ayaa sheegay in anay jirin cid afduubtay.

7/30/2021 1:58 PM EST
Jimco, Luulyo, 30, 2021 (HOL) - Madaxweynaha dowlad goboleedka Jubbaland Axmed Maxamed Islaam, Axmed Madoobe ayaa ka tacsiyadeeyay khasaaraha ka dhashay qaraxii galabta lala beegsaday gaari Bas ah oo ay saarnayeen dhalinyaro Ciyaartooy ahaa.

7/30/2021 11:19 AM EST
Jimco, Luulyo, 30, 2021 (HOL) - Madaxweynaha Soomaaliya Maxamed Cabdullahi Farmaajo ayaa ka tacsiyeeyey geerida dhallinyaro ciyaartooy ah oo ku geeeiyooday Qarax ka dhacay Kismaayo oo lala eegtay gaari bas oo ay la socdeen.

7/30/2021 10:33 AM EST
Jimco, Luulyo, 30, 2021 (HOL) - Qarax miinada dhulka lagu aaso ayaa goor dhow magaalada Kismaayo lagula eegtay gaari Bus ah oo ay la socdeen cayaartoyda kooxda kubada cagta ee ka tirsanayd rugta ganacsiga Jubbaland ee JCCI.

7/30/2021 8:52 AM EST
Jimco, Luulyo, 30, 2021 (HOL) - Wasiirka ciyaaraha Somaliland Boos Mirre Maxammed, oo ka jawaabay eedaymo uu guddoomiyaha xisbiga UCID Faysal Cali Waraabe usoo jeediyay madaxweynaha Somaliland, ayaa sheegay in sababta hadalkiisa keentay wakhtigan ay tahay in la furayo ururadii siyaasada oo uu madaxweynuhu saxeexay sidu uu sheegay.

7/30/2021 5:21 AM EST
Jimco, Luulyo, 30, 2021 (HOL) - Boqor Cismaan Aw Maxamuud (Buurmadow), ayaa sheegay in madaxweynaha Somaliland uu qorshaynayo, in uu xidho xildhibaan Mustafe Axmed Cabdillaahi, oo sheegay in uu ka bad baaday qorshe afduub ah, oo xukuumada Somaliland ugu maleegtay dalka Itoobiya, Buurmadow ayaa madaxweynaha uga digay in uu xidho xildhibaanka.

7/30/2021 5:17 AM EST
Jimco, Luulyo, 30, 2021 (HOL) - Guddiga doorashooyinka maamulka Koofur Galbeed ayaa codsi u gudbiyay madaxweynaha maamul goboleedka Koofur Galbeed Cabdicasiis Maxamed Laftagareen.

7/30/2021 3:06 AM EST
Jimco, Luulyo, 30, 2021 (HOL) - Warar dheeraad ah ayaa kasoo baxaya dagaalo aad u qaraar oo ciidamada dowladda Soomaaliya iyo Kuwa Al-shabaab ku dhexmaray deegaano hoos yimaada degmada Buula burte ee gobolka Hiiraan.