9/23/2021
Today from Hiiraan Online:  _
Wararka Maanta- Sabti, July 3 , 2021
Al-shabaab oo sheegatay Masuuliyadda qaraxii Ismiidaaminta ahaa ee ka dhacay Muqdisho
 

Sabti, Luulyo 3, 2021 (HOL) - Dagaalamayaasha Al-shabaab ayaa sheegtay masuuliyada qaraxii Ismiidaaminta ahaa ee xalay Maqribkii ka dhacay Maqaaxi Shaaha lagu cabo oo ku taalay agagaarka Isgoyska Jubba ee magaalada Muqdisho.

Al-shabaab ayaa sheegtay in qaraxaasi Ismiidaaminta ahaa ay ku beegsadeen Maqaaxi aay sheegeen iney fariistaan askar ka tirsan ciidamada dowladda Soomaaliya oo isugu jirta Booliis iyo Militari.

Waxay sheegeen Al-shabaab in qaraxaasi uu fuliyay ruuxa naftii huraha ahaa iney ku dileen ilaa 15 ruux islamarkaana aay ku dhaawacmeen 22 qof oo kale.

Al-shabaab ayaa sidoo kale sheegtay in qaraxa Ismiidaaminta uu ahaa mid qorsheysan oo ka mid ahaa howlgalada aay kula dagaalamayaan dowladda Soomaaliya.

Qaraxyada Ismiidaaminta ah ee aay fulinayaan qof isku soo xiray waxyaabaha qarxa oo ka tirsan dagaalyahanada Shabaab ayaa mudooyinkii dambe kusoo kordhayay gudaha Soomaaliya.

Jamaal Cali Cabdi, Hiiraan Online
[email protected]













Click here
7/3/2021 3:07 PM EST
Sabti, Luulyo 3, 2021 (HOL) - Waxaa maanta magaalada Muqdisho ugu soo gabagaboobay tababar muddo sadax cisho ah u socday guddiyada doorashooyinka dalka Soomaaliya.

7/3/2021 11:17 AM EST
Sabti, Luulyo 3, 2021 (HOL) - Dad gadoodsan oo iskugu soo baxay magaalada Gabilay, ayaa dab qabadsiiyay calanka buluuga ah ee Soomaaliya.

7/3/2021 10:09 AM EST
Sabti, Luulyo 3, 2021 (HOL) - Ururka caalamiga ah ee ka dhanka ah dambiyada abaabulan, oo loo gaabiyo Global Initiative, ayaa daabacay warbixin ku saabsan kalluumaysiga sharci darrada ah ee ka jira xeebaha Soomaaliya iyo musuqmaasuqa ka dhex jira hay'adaha dowladda Soomaaliya iyo kuwa maamul goboleedyada.

7/3/2021 6:37 AM EST
Sabti, Luulyo 3, 2021 (HOL) - Waxaa maanta magaalada Baledweyne soo gaaray tiradii ugu badneyd ee golaha wasiirada maamulka Hirshabeelle tan iyo markii Hirshabeelle madaxweyne ka noqday Cali Cabdullaahi Xuseen Guudlaawe.

7/3/2021 5:18 AM EST
Sabti, Luulyo 3, 2021 (HOL) - General Cabdulqaadir Cali Diiriye (Subxaanyo) oo ka tirsanaa Saraakiishii Ciidanka Asluubta ee Dowladdii Dhexe iyo bud- dhigayaashii ciidamada qalabka sida ee Soomaaliya, ayaa saakay ku geeriyooday magaalada Muqdisho.

7/3/2021 4:30 AM EST
Sabti, Luulyo 3, 2021 (HOL) - Dowladda Soomaaliya ayaa shaacisay in ay toban qof ku geeriyoodeen, halka tobaneeyo kalena ay ku dhawacmeen qarax is-miidaamin ah oo habeenkii xalay ka dhacay magaalada Muqdisho.

7/3/2021 3:30 AM EST
Sabti, Luulyo 3, 2021 (HOL) - Lix bilood kadib waxaa si rasmi ah loo furay Safaaradda Soomaaliya ay ku leedahay magaalada Nairobi ee dalka Kenya, kadib xal laga gaaray khilaaf diblumaasiyadeed oo u dhaxeeyay dowladaha Soomaaliya iyo Kenya.

7/3/2021 1:48 AM EST
Sabti, Luulyo 3, 2021 (HOL) - Raysal wasaaraha Soomaaliya Maxamed Xuseen Rooble ayaa si kulul u cambaareeyay qarax Ismiidaamin ahaa oo xalay maqribkii ka dhacay goob Maqaaxi ah oo Shaaha lagu cabo kasoo geystay khasaare isugu jira dhimasho iyo dhaawac.