9/23/2021
Today from Hiiraan Online:  _
Wararka Maanta- Jimco, July 2 , 2021
Madaxweynaha dowlad deegaanka Soomaalida Itoobiya oo digniin u diray shacabka maamulkiisa
 

Jimco, Luulyo 2, 2021 (HOL) - Madaxweynaha dowlad deegaanka Soomaalida dalka Itoobiya Mustafe Maxamed Cumar Cagjar ayaa sheegay ineysan marnaba u dulqaadan doonin shaqsiyaadka uu sheegay iney la shaqeeyaan ama taageeraan Ururka TPLF, ee ka dhex dagaalama gudaha dalka Itoobiya.

Madaxweyne Mustafe Maxamed Cumar oo kulan la yeeshay golaha fulinta dowlad deegaanka Soomaalida Itoobiya ayaa sheegay in sanado badan dhibaatoyin kala duwan oo dhanka dhaqaaha iyo bulshada Soomaalida ay ku hayeen Ururka TPLF, islamarkaana aanan la aqbali karin in markale dib uga soo dhex muuqdaan gudaha deegaanada maamulka Soomaalida Itoobiya.

Madaxweyne Cagjar ayaa sidoo kale sheegay in si weyn loo adkeeyay amniga dhamaan magaaloyinka dowlad deegaanka Soomaalida Itoobiya, islamarkaana sheegay in talaabo adag aay ka qaadi doonaan cidii lagu arko taageerada TPLF.

Gabagabadii madaxweynaha dowlad deegaanka ayaa shacabkiisa ugu baaqay iney xasuusnadaan xasuuq uu sheegay iney horay uga geysteen Ururka TPLF gudaha dowlad deegaanka Soomaalida Itoobiya.

Jamaal Cali Cabdi, Hiiraan Online
[email protected]













Click here
7/2/2021 11:38 AM EST
Jimco, Luulyo 2, 2021 (HOL) - Qaraxaan oo ah mid Ismiidaamin ah ayaa la sheegay inuu ka dhacay goob Maqaaxi ah oo ku taala Isgoyska Jubba ee magaalada Muqdisho, kasoo jugtiisa laga maqlay degmooyin badan oo ka tirsan gobolka Banaadir.

7/2/2021 8:42 AM EST
Jimco, Luulyo 2, 2021 (HOL) - Kulan aay maanta isugu yimaadeen guddiga hirgilinta doorashooyinka dalka ee heer Fedaraal ayaa waxay guddoomiye si kumeel gaar ah u doorteen Muuse Geelle Yuusuf.

7/2/2021 7:11 AM EST
Jimco, Luulyo 2, 2021 (HOL) - Komishanka xuquuqal insaanka Somaliland, ayaa walaac kamujiyay xaalada 35 hablood, oo loo xidhay in ay calanka Soomaaliya qaateen.

7/2/2021 5:13 AM EST
Jimco, Luulyo 2, 2021 (HOL) - Ciidamo Soomaaliya ay u dirtay Eritrea ayaa gudaha u galay dalka Itoobiya, sida uu sheegay Robert F. Godec, oo ah sii hayaha ku xigeenka xoghayaha Waaxda Arrimaha Afrika ee Mareykanka.

7/2/2021 3:33 AM EST
Jimco, Luulyo 2, 2021 (HOL) - Baarlamaanka Carabta ayaa soo dhaweeyay go'aankii dhawaan kasoo baxay golaha wadatashiga qaranka Soomaaliya ee ku saabsanaa jadwalka doorashooyinka dalka Soomaaliya.

7/2/2021 1:37 AM EST
Jimco, Luulyo 2, 2021 (HOL) - Howlgalo isbaaro qaadis ah oo aay si wadajir ah u sameyeen ciidamada Daraawiishta maamulka Koofur Galbeed iyo kuwa Xoogga dalka Soomaaliyeed ayaa laga fuliyay wadada xariirisa Muqdisho iyo Baydhabo.