9/23/2021
Today from Hiiraan Online:  _
Wararka Maanta- Khamiis, July 15, 2021
Dadweyne fara badan oo ka qeyb galay Aaska Macalin dugsi Quran oo xaaskiisa dishay iyo Booliiska Baledweyne oo ka hadlay

Khamiis, Luulyo, 15, 2021 (HOL) - Waxaa maanta lagu aasay qabuuraha Faafgumare oo ku yaala duuleedka magaalada Baledweyne, allah u naxariiste Macalin Cumar Macalin Muxumed oo ahaa macalin dugsi quraan oo u dhintay sun ay raashiin ugu dartay mid ka mid ah xaasaskiisa.

Aaska marxuumka ayaa waxaa ka qeyb galay boqolaal dadweyne ah oo isugu jira qeybaha kala duwan ee bulshada magaalada Baledweyne, maadama Macalinka uu ahaa shaqsi si weyn looga yaqaanay magaalada Baledweyne ee xarunta gobolka Hiiraan.

Dhinaca kale taliska ciidanka Booliiska Baledweyne ayaa dhankooda sheegay iney gacanta ku hayaan haweneydii falka dilka geystay iyo labo wiil oo dhalinyaro ah oo u fududeeyay dhacdadan amakaaka ku reebtay shacabka reer Baledweyne.

Taliyaha saldhiga Maxamed Qoorsheel ayaa sheegay in haweneyda dilka u adeegsatay sunta nooca ugu halista badan.

Taliye Qoorsheel ayaa sidoo kale digniin adag u diray ganacsata iibisa sunta halista badan ineysan dadka ka iibin karin iyagoon ogolaasho ka helin laamaha amniga Baledweyne.

Dhacdadan Xalay lagu dilay allah u naxariistee Macalin Cumar Macalin Muxumed ayaa ah mid si weyn maanta looga hadal haayo magaalada Baledweyne ee xarunta gobolka Hiiraan.

Jamaal Cali Cabdi, Hiiraan Online
[email protected]












Click here
7/15/2021 11:58 AM EST
Khamiis, Luulyo, 15, 2021 (HOL) - Wasaarada ganacsiga Somaliland, ayaa ruqsadi kala noqotay shirkada Integrated Shipping Services, oo ah shirkad ka shaqaysa koontiinarada iyo maraakiibta.

7/15/2021 11:29 AM EST
Khamiis, Luulyo, 15, 2021 (HOL) - Maxammed Abiib oo ka tirsan golaha wakiilada Somaliland ee cusub, ayaa xukuumada ku eedeyay in dadka reer Borama ee la xidho, ay xabsiyo kale gayso.

7/15/2021 8:34 AM EST
Khamiis, Luulyo, 15, 2021 (HOL) - Wasiirka amniga Puntland Cabdisamad Maxamed Gallan ayaa sheegay in gacanta lagu dhigay dhammaan xarumihii kooxda Daacish ay ku lahaayeen gudaha Puntland, kadib markii ciidamada amnigu ay qaadeen howlgal socday muddo labo todobaad ah.

7/15/2021 8:26 AM EST
Khamiis, Luulyo, 15, 2021 (HOL) - 32 tartame ayaa ka qaybgelaya oo sadex ka mid ahi tahay dumar tartanka gabayada oo maanta ka furmay xarunta Jaamacada Bariga Afrika faraceeda Buuhoodle.

7/15/2021 7:05 AM EST
Khamiis, Luulyo, 15, 2021 (HOL) - Dr Adna Aadan Ismaaciil, ayaa sharci daro ku tilmaantay dhakhaatiir isbitaal keeda ka howl gala oo madaarka Aadan Cadde dib looga soo celiyay basboorka Somaliland oo ay ku safrayeen dartii.

7/15/2021 6:54 AM EST
Khamiis, Luulyo, 15, 2021 (HOL) - Guddoomiyaha maxkamadda sare ee Soomaaliya Baashe Yuusuf Axmed ayaa sheegay in maxkamada sare ee dalka ay gali doonto cabasho kaste oo lagasoo gudbiyo go'aanada ay qaataan guddiyada Doorashooyinka.

7/15/2021 3:28 AM EST
Khamiis, Luulyo, 15, 2021 (HOL) - Wararka naga soo gaaraya degmada Halgan ee gobolka Hiiraan ayaa sheegaya in weerar madaafiic ah lagu qaaday Saldhiga ciidamada Itoobiya ay ku leeyihiin degmadaasi.

7/15/2021 3:18 AM EST
Khamiis, Luulyo, 15, 2021 (HOL) - Shir ay isugu yimaadeen Wasaaradda Waxbarashadda Soomaaliya, Wasaaraddaha Waxbarshashadda dowlad goboleedyada iyo Maamulka Gobolka Banaadir, ayaa lagu soo geba-gabeeyay Magaaladda Garowe Caasimadda Puntland.

7/15/2021 1:58 AM EST
Khamiis, Luulyo, 15, 2021 (HOL) - Waxaa Xalay magaalada Baledweyne ee xarunta gobolka Hiiraan ka dhacay dhacdo naxdin leh oo si aad ah saaka looga hadal haayo magaalada Baledweyne kadib markii haweeney ninkeeda ay siisay raashiin sumeysan.

7/15/2021 1:51 AM EST
Khamiis, Luulyo, 15, 2021 (HOL) - Maamulka Jubbaland ayaa xukun dil ah ku fuliyay Xusseen Aadan Cali, oo kufsi u geystay Gacalo Ismaaciil Cabdullaahi oo ahayd gabadh saddex jir ah oo markii dambe u geeriyootay dhaawac kasoo gaaray kufsi loo geystay.