9/23/2021
Today from Hiiraan Online:  _
Wararka Maanta- Khamiis, July 1 , 2021
Al-shabaab oo sideed ruux ku toogatay fagaare ku yaala deegaanka Kuunya Baroow ee gobolka Sh/hoose
 

Khamiis, Luulyo 1, 2021 (HOL) - Wararka ka imaanaya deegaanka Kuunya Baroow ee gobolka Sh/hoose ayaa sheegaya in halkaasi shalay galinkii dambe ay dhaqdhaqaaqa Al-shabaab goob fagaare ah ku toogteen ilaa 8 ruux oo aay ku eedeeyeen basaasnimo.

Al-shabaab ayaa raga aay toogashada ku fuliyeen waxay sheegeen in lagu helay basaasnimo ah iney u basaasayeen Sirdoonka Mareykanka, gaar ahaan diyaaradaha Drone-ka Mareykanka.

Waxay sidoo kale sheegeen Al-shabaab in raga maanta la dilay dhamaantood aay qirteen dambiyada lagu eedeyay ee ah basaasnimada waxaana lagu toogtay goob fagaare ah oo boqolaal dadweyne ah aay kasoo qeyb galeen.

Magacyada sideeda ruux ee shalay galinkii dambe lagu toogtay deegaanka Kuunya Baroow ayaa kala ah.

1- Calas Cali Cabdulle oo da'diisu aheyd 51 sano jir.

2- Cabdiwaaxid Cabdullaahi Diriye oo isna ahaa 25 sano jir.

3- Cabdiqaadir Maxamed Abow oo loo yaqiinay Cabdiqaadir Bambiiste.

4- Abuu Cabdinuur Fanaay, oo loo yaqiinay Abuu Weershe oo 35 sano jir ahaa.

5- Cumar Cabdiraxmaan Cumar Dooyow oo ahaa 36 sano jir.

6- Xasan Cabdulqaadir Cumar oo loo yaqiinay Xasan Baariyoow oo ahaa da'diisa aheyd 31 sano jir.

7- Abuukar Cabdi Cumar oo loo yaqiinay Abuukar Baseey oo dda'diisa aheyd 31 sano jir.

8- Jeylaani Mayow Sheekhuna oo isna da'diisa ahayd 41 sano jir.

Toogashada sideedan ruux ee maanta ku fuliyeen dagaalamayaasha Al-shabaab ayaa ka dhigeysa tirada dadka aay toogasho ku dileen muddo 4 maalin gudaheed ah 24 ruux oo dhamaantood ku eedeyeen iney la shaqeynayeen Sirdoonka Mareykanka.

Jamaal Cali Cabdi, Hiiraan Online
[email protected]













Click here
7/1/2021 1:51 PM EST
Khamiis, Luulyo 1, 2021 (HOL) - Wasiirka arrimaha gudaha Somaliland Maxamed Kaahin Axmed, ayaa sheegay in Somaliland ilaalinta amniga kaga duwantahay dowlada Soomaaliya.

7/1/2021 10:49 AM EST
Khamiis, Luulyo 1, 2021 (HOL) - Madaxweynaha Soomaaliya Maxamed Cabdullahi Farmaajo oo khudbad ku aaddan 1-da luuliyo u jeediyey Shacabka Soomaaliyeed ayaa ku bogaadiyey sida ay u weyneeyeen, uguna dabbaal-degeen 61-guurada ka soo wareegtay Xornimada Gobollada dalka iyo Midowga labada Gobol ee Waqooyi iyo Koonfur ee gumeystuhu uu kala qeybiyey.

7/1/2021 9:25 AM EST
Khamiis, Luulyo 1, 2021 (HOL) - Dowladda Maraykanka ayaa ugu baaqday dowladda federaalka iyo dowlad goboleedyada inay si deg deg ah oo ugu macquulsan usoo geba-gebeeyaan hanaanka doorashada dalka.

7/1/2021 8:40 AM EST
Khamiis, Luulyo 1, 2021 (HOL) - Guddoomiyaha xisbiga UCID Faysal Cali Waraabe, ayaa sheegay in Somaliland xornimadeeda wayday 1 July.

7/1/2021 7:16 AM EST
Khamiis, Luulyo 1, 2021 (HOL) - Ciidamada booliska Somaliland, ayaa xabsiga dhigay Degen Miiraash oo isku dayday in ay hor istaagto dhalinyaro magaalada Borama ku gubayay calanka Soomaaliya.

7/1/2021 6:54 AM EST
Khamiis, Luulyo 1, 2021 (HOL) - Mareeyaha hay'ada duulimaadyada Somaliland Cumar Sayid Cabdilaahi, ayaa sheegay in la fasaxay shirkada Fly Dubai.

7/1/2021 6:26 AM EST
Khamiis, Luulyo 1, 2021 (HOL) - Madaxweynaha dowladda Federaalka Soomaaliya Maxamed Cabdullaahi Farmaajo oo maamusaya Xuska Maalinta Xorriyadda iyo Midnimada ee 1-da Luulyo ayaa ubax lagu maamuusayey gobanimada, midnimada iyo geesiyaashii naftooda u huray halgankii gobonnimo doonka dalkeenna dhigay Taallada SYL.

7/1/2021 2:37 AM EST
Khamiis, Luulyo 1, 2021 (HOL) - Booliiska Soomaaliya ayaa shaaciyay in gacanta lagu soo dhigay rag falal burcadnimo ah ka geysan jiray magaalada Muqdisho, kadib howlgalo burcad sifeyn ah ah oo aay ka sameeyeen degmooyinka gobolka Banaadir.

7/1/2021 1:45 AM EST
Khamiis, Luulyo 1, 2021 (HOL) - Munaasabado heerkoodu aad u sareeyo oo lagu weyneynaayo xuska 1-da Luulyo oo ku asteysan 61-sano guuradii kasoo wareegatay markii gobolada Koofureed xornimada ka qaateen gumeystihii Talayaaniga sanadka markuu ahaa 1960-kii iyo israacii labada gobol ee Koofur iyo Waqooyi ayaa xalay lagu qabtay magaalada Muqdisho iyo qaar ka mid ah gobolada dalka.

7/1/2021 1:23 AM EST
Khamiis, Luulyo 1, 2021 (HOL) - Wasiirka warfaafinta Somaliland Saleebaan Yusuf Cali Koore, ayaa hambalyo udiray qaar kamida dhalinyarada Borama iyo Laascaanood oo muuqaalo iska soo duubay iyago ku labisan calanka Somaliland.