3/8/2021
Today from Hiiraan Online:  _
Wararka Maanta- Axad, Feb 21, 2021
Madaxtooyada Soomaaliya oo war kasoo saartay shirkii maanta u furmay


 

Axad, Feberaayo, 21, 2021 (HOL) - Madaxtooyada Soomaaliya ayaa goordhaw qoraal kasoo saartay shirkii maanta u furmay madaxda dowladda Fedaraalka iyo kuwa dowlad goboleedyada iyo gobolka Banaadir oo aay goobjoog ka ahayeen Wakiilo ka socda Beesha Caalamka oo uu hoggaaminayay ergayga qaramada midoobay ee Soomaaliya James Swan waxaana kulanka looga hadlayay arrimaha doorashooyinka Soomaaliya.

“Madaxweynaha Jamhuuriyadda Fedaraalka Soomaaliya Maxamed Cabdullaahi Farmaajo ayaa guddoomiyey Kulanka maanta oo hordhac u ah shirka wadatashiga Qaran ee ku saabsan dhaqan-gelinta iyo talo-soojeedintii Guddiga Farsamada Arrimaha Doorashooyinka Federaalka” ayaa lagu yiri qoraal kasoo baxay Madaxtooyada Soomaaliya.

Waxaa sidoo kale lagu sheegay qoraalka kasoo baxay Madaxtooyada Soomaaliya in shirka diiradda lagu saaray xal u helida caqabadaha ku hor gudboon fulinta heshiiskii 17-kii Septembar, waxaana la isku raacay talo soo jeedintii guddiga in aay soo afjartay kala aragti duwanaanshihii ku aadanaa dhaqan galinta heshiiskii doorashada dalka.

Shirkan hordhaca ah ee maanta uu shir guddoomiyay madaxweynaha Soomaaliya ee muddo xileedkiisa dhamaaday Maxamed Cabdullaahi Farmaajo ayaa imaanaya xili aaysan qeyb ka aheyn maamulada Jubbaland iyo Puntland xili Jubbaland aay sharuudo adag ku xirtay ka qeybgalkeeda shirkan uu horay u iclaamiyay madaxweyne Farmaajo.

Jamaal Cali Cabdi, Hiiraan Online
[email protected]












Click here
2/21/2021 2:39 PM EST
Axad, Feberaayo, 21, 2021 (HOL) - Wasaaradda Caafimaadka Xukuumadda Soomaaliya ayaa shaacisay kiisaskii ugu dambeyay ee Caabuqa Cudurka Covid-19 ee guud ahaan dalka.

2/21/2021 9:35 AM EST
Axad, Febraayo, 21, 2021 (HOL)- madaxweynaha Somaliland Muuse Biixi Cabdi, oo maanta xadhiga ka jaray dhisme cusub oo loo dhisay wasarada beeraha ee Somaliland, ayaa sheegay in wax soo saarku yahay lafdhabarta dal kasta oo horumara isla markaana cidii aan cunto ku filan lasoo bixin ay dawladaha kale u talinayaan.

2/21/2021 9:05 AM EST
Axad, Feberaayo, 21, 2021 (HOL) - Dowlad goboleedka Jubbaland ayaa sharuud ku xirtay ka qeybgalka shirka wadatashiga arrimaha doorashooyinka oo lagu wado inuu magaalada Muqdisho ku dhex maro dowladda federalka, dowlad goboleedyada iyo gobolka Banaadir.

2/21/2021 7:36 AM EST
Axad, Febraayo, 21, 2021 (HOL)- Hoodo Gareys oo ah saxafiyad ka howl gasha muuq baahiyaha Horyaal, ayaa sheegtay, in ciidamada booliska Somaliland ay u gaysteen jidh dil iyada iyo hooyadeed, xili ay doonayeen in ay warqad dhaawac muujin ah gabadh dhaawaca uga soo qaadan saldhiga booliska ee xaafada Qudhac dheer ee magalada Hargaysa maalintii Jimcaha ee 19 kii bishan Febraayo.

2/21/2021 7:10 AM EST
Axad, Feberaayo, 21, 2021 (HOL) - Wasaaradda arrimaha dibadda Maraykanka ayaa sheegtay in uusan jirin waddan loo oggol yahay inuu u adeegsado covid-19 si uu marmarsiiyo kaga dhigto inuu ku xadgudbo xuquuqda aadanaha iyo xorriyaadka aasaasiga ah.

2/21/2021 6:52 AM EST
Axad, Feberaayo, 21, 2021 (HOL) - Madaxtooyada Soomaaliya waxaa ka bilaawday kulamo looga hadlayo khilaafka doorashada oo ay ka qeybgalayaan madaxda heer federaal, qaar ka mid ah madaxda dowlad gobolleedyada iyo gobolka Banaadir.

2/21/2021 6:36 AM EST
Axad, Febraayo, 21, 2021 (HOL)- Wasiirka wasaarada xanaanada xoolaha ee Somaliland Siciid Sulub Maxamed, ayaa xisbiyada siyaasada ee Somaliland ku eedeeyay in ay bulshada qabaa’il ukala saarayaan, iyagoo musharixiinta ku xidhaya in ay qabaa’iladooda soo kaxaystaan si ay xisbi uga mid noqdaan.

2/21/2021 6:04 AM EST
Axad, Feberaayo, 21, 2021 (HOL) - Dowladda Kenya ayaa qareeno caalami ah u magacaabatay in ay ku matalaan dacwadda badda ee ay dowladda Soomaaliya u gudbisay maxkamadda caalamiga ah ee cadaalada ee ICJ.

2/21/2021 5:06 AM EST
Axad, Feberaayo, 21, 2021 (HOL) - Waxaa goor dhaw la xaqiijiyay geerida alle ha u naxariisteen Fannaanadii weyneyd Faadumo Cali Nakruumo oo cudurka Covid 19 ugu geeriyootay isbitaalka Martiine ee magaalada Muqdisho.

2/21/2021 4:37 AM EST
Axad, Feberaayo, 21, 2021 (HOL) - Wararka haatan naga soo gaaraya Madaxtooyada Soomaaliya ayaa sheegaya in halkaasi uu kulan uga socdo madaxweyne Maxamed Cabdullaahi Farmaajo, Raysal wasaaraha Xukuumadda Soomaaliya ,guddoomiyaha gobolka Banaadir iyo madaxweynayaasha maamulada K/galbeed, Galmudug, Hirshabeelle iyo Wakiilo ka socda Beesha Caalamka.

2/21/2021 3:36 AM EST
Axad, Feberaayo, 21, 2021 (HOL) - Hoggaamiyaha xisbiga Wadajir ahna musharax madaxweyne Cabdira maan Cabdishakuur ayaa qoraal dheer uu soo dhigay bartiisa Facebook kaga hadlay arrimo xasaasi ah oo la xiriira xaalada dalka.

2/21/2021 2:43 AM EST
Axad, Feberaayo, 21, 2021 (HOL) - Wasiirka Wasaarradda Warfaafinta xukuumadda Soomaaliya Cismaan Abuukar Dubbe ayaa si kulul uga hadlay qoraalkii ka soo baxay dowladda Iskutaga Imaaraadka Carabta oo Dowladda Soomaaliya ee xiligan jirta ku tilmaamtay KMG.

2/21/2021 12:22 AM EST
Axad, Feberaayo, 21, 2021 (HOL) -Dowladda Soomaaliya ayaa wax laga xumaado ku tilmaamtay qoraal ka soo baxay qaar ka mid ah dalalka caalamka oo looga hadlayay xaalada Soomaaliya ee xiligan kuwaa oo ay ku tilmaamtay in ay yihiin qoraalo marin habaabin ah