10/18/2021
Today from Hiiraan Online:  _
Wararka Maanta- Axad, Aug 1 , 2021
Puntland oo $7.4 Milyan oo dollar ku bixinaysa dayactirka waddooyinka burburay
 

Axad, Agoosto, 1, 2021 (HOL) - Madaxweynaha dowlad goboleedka Puntland, Siciid Cabdullaahi Deni, ayaa goobjoog ka noqday heshiiska dayactirka waddooyinka Puntland oo ku kacaya $7.4 Million oo ay bixinayso Puntland.

Sida heshiiska ku cad, wadooyinka la dayactirayo dhaqaalahan ayaa waxay kala yihiin: Juurile iyo Boosaaso, Qardho iyo Garoowe, Garoowe iyo Birta dheer iyo Garoowe-Falaryaale.

Wasiirka maaliyadda Puntland, Xasan Shire Abgaal ayaa sheegay dhaqaalahan lagu bixinayo dayactirka waddooyinka, in uu ka yimid lacagaha canshuuraha iibka ee laga qaado ganacsatada.

Wasiirka maaliyadda wuxuu sheegay in bishiiba maamulkooda canshuurahaas uu ka helo lacag ku dhow $600,000. lacagtaas oo uu tilmaamay markii dhowr bilood la aruriyo in lagu bixiyo horumarinta iyo wax ka qabashada xaaladdaha taagan.

“Haddii la bixiyo canshuurta dowladda, waxaan ballanqaadaynaa in aanu waxyaabaha muhiimka u ah dalka ku qabandoonno,” ayuu yiri wasiir Xasan Shire Abgaal.”

Heshiiskaan ayaa kusoo beegmay, xilli uu maanta madaxweynaha Puntland xarriga ka jaray bangiga dhexe ee Puntland oo hab casri ah loo dhisay, kaasoo madaxweynuhu sheegay in lagu dhisay dhaqaale Puntland ka yimid oo ay bulshada kaalin ku leedahay.

Abdiweli M. Sheikh, Hiiraan Online












Click here
8/1/2021 10:06 AM EST
Axad, Agoosto, 1, 2021 (HOL) - War-saxaafadeed maanta oo Axad ah kasoo baxay wasaaradda warfaafinta Soomaaliya ayaa lagu sheegay in dowladda Soomaaliya iyo la-hawlgalayaasheeda ay habeenimadii xalay weerar cirka ah la beegsadeen Al-Shabab meel u dhow magaalada Wasil ee gobolka Mudug.

8/1/2021 8:34 AM EST
Axad, Agoosto, 1, 2021 (HOL) - Digreeto uu ku saxeexanyahay madaxweynaha Somaliland Muuse Biixi Cabdi, ayaa si rasmi ah loogu sheegay in kalfadhiga 1aad ee golaha wakiilada Somaliland ee dhawaan la doortay uu qabsoomi doono 3 bishan Agoosto.

8/1/2021 8:07 AM EST
Axad, Agoosto, 1, 2021 (HOL) - Jaaliyadda Soomaaliyeed ee gobolka Ohio ayaa si weyn u soo dhaweeyay Musharaxa Abdisamad Yusuf Fardaale (AJ) oo u cararay Duqa magaalada Minneapolis ee gobolka Minnesota.

8/1/2021 7:32 AM EST
Axad, Agoosto, 1, 2021 (HOL) - Wasiirka qorshaynta Somaliland Xasan Maxammed Cali (Gaafaadhi), oo u jawabayay boqor Buurmadow, ayaa boqorka ku sifeeyay shakhsi dhib badan, oo danayste ah, isla markaana si uu u gaadho u jeedooyinkiisa xataa u dagaalami kara.

8/1/2021 7:19 AM EST
Axad, Agoosto, 1, 2021 (HOL) - Guddiga doorashada dowlad goboleedka Galmudug ayaa codsi u gudbiyay madaxweynaha maamulka Galmudug Axmed Cabdi Kaariye Qoorqoor.

8/1/2021 6:33 AM EST
Axad, Agoosto, 1, 2021 (HOL) - Taliyaha ciiddanka booliiska Soomaaliya, Cabdi Xasan Maxamed Xijaar, ayaa beeniyay in hay’adda dambi baarista Soomaaliya ee CID, ay warqadda dambi la’aanta u diiday siyaasiyiin u sharraxan kuraasta barlamaanka.

8/1/2021 4:39 AM EST
Axad, Agoosto, 1, 2021 (HOL) - Dowladda federalka Soomaaliya oo taageero ka helaysa ciidamada Maraykanka ayaa dagaal iyo duqayn ka wada deegaanka Qeycad ee gobolka Mudug, halkaas oo farriisimo culus ay ku leeyihiin Alshabaab.

8/1/2021 1:01 AM EST
Axad, Agoosto, 1, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa soo dhaweeyay soo gudbinta iyo shaacinta jadwalka doorashada xubnaha Aqalka sare ku matalaya maamulka Koofur Galbeed Soomaaliya.

8/1/2021 12:55 AM EST
Axad, Agoosto, 1, 2021 (HOL) - Waxaa maanta lagu wadaa in magaalada Baydhabo ee xarunta gobolka Baay ay si rasmi ah uga bilaabato diiwaan gelinta Musharaxiinta ku tartamaya Shan ka mid ah kuraasta Xildhibaanada Aqalka ee deegaan doorashadoodu tahay Koofur Galbeed.